कित्ताकाट खुल्ला गर्न जग्गा व्यवसायीको माग

आदर्श समाज सम्वाददाता
असार २८, २०७७
Jagga

पोखरा, २८ असार । जग्गाको कित्ताकाट खुल्ला नगर्दा जग्गा व्यवसायी मारमा परेको आइतवार पोखरामा आयोजित एक कार्यक्रममा गुनासो गरिएको छ ।

गण्डकी जग्गा तथा आवास विकास संघ कास्कीले जग्गाको कित्ताकाट खुल्ला गर्न सरकारसँग माग गर्दैै त्यस्तो गुनासो गरेको हो । कित्ताकाट रोकिंदा जग्गाको कारोबार र हाउजिङ व्यवसायमा संकुचन आएको संघले आइतबार पोखरामा आयोजना गरेको पत्रकार सम्मेलनमा संस्थाका अध्यक्ष अरुण स्तोम त्रिपाठीले बताए ।

कार्यक्रममा बोल्दै उनले रियल स्टेट, हाउजिङ र अपार्टमेन्टका लागि निश्चित् मापदण्ड कायम गरेर त्यसैका आधारमा कित्ताकाटको व्यवस्था हुनुपर्ने जारी विज्ञप्तिमा उल्लेख छ । यसबाट रियल स्टेट व्यवसायको प्रबद्र्धन गर्दै व्यवस्थित शहर निर्माणमा टेवा पुग्ने संघको ठहर रहेको छ । जग्गाको कित्ताकाट रोकिंदा अपारदर्शी व्यवसाय मौलाएको दाबी गरिएको छ । विगत चार बर्षदेखि कित्ताकाट रोकिंदा व्यवसाय नै धरापमा परेको भन्दै संघले सरकार भूउपयोग नीति सहित प्रष्टसँग अगाडि आउनुपर्ने माग पनि गरिएको छ ।

विज्ञप्तिमा भनिएको छ– हामी जथाभावी कित्ताकाटको पक्षमा छैनौं, खेतीयोग्य जमीनमा वस्ती बसाल्न हुँदैन भन्नेमा हामी स्पष्ट छौं । कित्ताकाट रोक्दैमा मानिसको व्यवस्थित र सुरक्षित शहरमा बस्ने चाहना रोक्न सकिंदैन । किन कि व्यक्तिले सम्पत्ती उपभोग गर्न पाउने अधिकारको प्रयोग गर्दै यस्ता जमीनमा वस्ती बसिरहेका छन् ।

कार्यक्रममा बोल्दै संघका निवर्तमान अध्यक्ष अर्जुन पोखरेलले संघ अन्तर्गत जग्गा व्यवसायमा पाँच अर्व रुपैयाँ बराबरको लगानी रहेको र त्यो मध्ये तीन अर्व रुपैयाँ बैंकको कर्जा रहेको जानकारी दिए । यति ठूलो लगानी भएको व्यवसायले राजश्व, रोजगारी सिर्जना तथा अर्थतन्त्रलाई चलायमान बनाउन ठूलो योगदान दिएको उनले सुनाए । तर कित्ता काट रोकिंदा व्यवसाय अहिले चौपट जस्तै भएको संघले जनाएको छ ।
संघका अनुसार बैंकबाट व्यवसायीले लिएको कर्जाको किस्ता र व्याजको ताकेताले समेत व्यवसायी हैरान भएका छन् । कोरोना महामारीका कारण हाउजिङ व्यवसायमा समेत ठूलो असर परेको भन्दै संघले संचालित योजनाहरु अहिले रोकिन पुगेको जनाएको छ । त्यसकारण व्यवसायीहरु बैंकको किस्ता र व्याज तिर्न असमर्थ भएको संघले उल्लेख गरेको छ ।

संघले भनेको छ– “हामी बैंक तथा वित्तीय संस्थाहरुलाई यो विषम परिस्थिति कर्जाको रिइन्सटलमेन्ट गर्न र व्याजमा छुटको लागि हार्दिक अनुरोध गर्दछौं । कित्ताकाट नखोले विषमताले उत्पन्न गराउने प्रतिकूलताको जिम्मेवार स्वयं सरकार हुनुपर्ने जानकारी पनि गराउँछौं ।” कार्यक्रममा संघका सल्लाहकार एवं गण्डकी प्रदेशका सभासद विन्दुकुमार थापाको पनि उपस्थिति रहेको थियो ।

Related News

सम्बन्धित समाचार

  • गण्डकी धौलागिरी पेट्रोलियममा मोहन

    आदर्श समाज सम्वाददाता माघ २८, २०८१
    पोखरा । गण्डकी धौलागिरी पेट्रोलियम डिलर्स एशोसिएसनको २७ औं साधारण सभा तथा १४ औं अधिवेशनले मोहन सुवेदीको अध्यक्षतामा नयाँ कार्यसमिति…
  • पाेखरा नयाँबजारको मेलामा राजस्थानी नृत्य

    आदर्श समाज सम्वाददाता माघ १८, २०८१
    पोखरा । भारतको राजस्थान राज्यको उदयपुर संभाग क्षेत्रका महिलाहरु परम्परागत रुपले टाउकोमा ८/९ वटा पानीको घडा (माटोको गाग्री) राखेर नाच्छन्…
  • पुँडीटार औद्योगिक क्षेत्र : इआइए सकियो, भएन जग्गा प्राप्ति

    आदर्श समाज सम्वाददाता माघ १६, २०८१
    पोखरा । गण्डकी प्रदेश सरकारको गौरवको आयोजना हो–प्रदेश औद्योगिक क्षेत्र निर्माण । २०७४ सालमा सरकार गठन भएकै समयमा नवलपुरको लोकाहाखोला…
  • नेपाल एसबिआई बैंकद्वारा ३ लाख सहयोग

    आदर्श समाज सम्वाददाता माघ १२, २०८१
    पोखरा । नेपाल एसबिआई बैंक लि. ले सामाजिक उत्तरदायित्व कार्यक्रमअन्तर्गत नदीपुरस्थित नेपाल भारतमैत्री पुस्तकालय सहजरुपमा सञ्चालन गर्न नेपाल भारत मैत्री…
  • मेला हेरे मोबाइल !

    आदर्श समाज सम्वाददाता माघ ११, २०८१
    पोखरा । राष्ट्रिय औद्योगिक व्यापार मेला एवं आइटी महोत्सवमा सहभागी दर्शकमध्ये हरेक दिन पाँच जनालाई मोबाइल पुरस्कार दिइने भएको छ…

hero news full width