स्याङ्जामा आत्महत्या बढ्दो

Avatar आदर्श समाज सम्वाददाता
असार २४, २०७७

पोखरा, २४ असार । स्याङ्जामा एकपछि अर्को आत्महत्याका घटना दोहोरिन थालेका छन् । जिल्लाको चापाकोट नगरपालिकामा ३ दिन अवधिमा २ जना पुरुषले आत्महत्या गरेका छन् ।जिल्लामा असार महिनामा मात्रै ५ वटा केस आत्महत्याको रहेको जिल्ला प्रहरी कार्यालय स्याङ्जाका प्रहरी नायव उपरीक्षक राजेन्द्रप्रसाद अधिकारीले जानकारी दिए ।

कोरोना महामारीसँगै जारी लकडाउनका कारण मानिसहरु बढी नै मानसिक तनावमा हुने गरेकोले पनि यस्तो खालको आपराधिक क्रियाकलाप हुने गरेको डीएसपी अधिकारीको भनाइ छ ।उनका अनुसार चापाकोट नगरपालिका वडा ९, निर्दिमका वर्ष ४१ का ढाकाराम पंगेनीले बुधबार आत्महत्या गरेका हुन् । पंगेनीले आफ्नै घरको माथिल्लो तलाको बार्दलीमा काठको बलोमा प्लाष्टिकको डोरी पासो लगाएर आत्महत्या गरेको प्रहरीले जनायो ।

यस्तै,सो घटनाको ३ दिनअघि अर्थात असार २१ मा वडा २, धुर्कोटका १७ वर्षीय शंकर बिकले आत्महत्या गरेका थिए । आफ्नै घरको सुत्ने कोठाको पंखामा पासो लगाएको अवस्थामा प्रहरीले मृतक बिकको उद्धार गरेको हो ।यसैगरी, गल्याङ नगरपालिकाका वडा ७ का २४ वर्षीय एक पुरुषले पनि असार २२ मा आत्महत्या गरेका छन् ।

बुद्धिबहादुर बिकको छोरा मनोज बिकले आफ्नै घरको सुत्ने कोठाको बलोमा प्लाष्टिकको नाम्लो पासो लगाएर आत्महत्या गरेको जिल्ला प्रहरी कार्यालयले जनायो । उनले आत्महत्या गरेको खबर सोमबार बिहान अन्दाजी ७ बजेतिर प्रहरीले पाएपछि प्रहर िअधिकृतसहितको टोली खटिएर घटनाको अनुसन्धान थालेको थियो । असार महिनामै जिल्लामा अन्य २ जनाले पनि आत्महत्या गरेको प्रहरी रिपोर्टमा उल्लेख छ ।

हाम्रो सुझाव