अन्नपूर्णमा पर्यटन गुरुयोजना

rss रासस
असार २४, २०७७
annapurna-ghandruk-loop-trek-small

पोखरा, २४ असार । कास्कीको अन्नपूर्ण गाउँपालिकाले पर्यटकीय गन्तव्यको प्रवद्र्धन गर्न पालिकास्तरीय पर्यटन गुरुयोजना बनाउने भएको छ ।

गाउँपालिकामा पर्यटनका धेरै सम्भावना भएकाले गुरुयोजना बनाएर पर्यटकीय पूर्वाधार निर्माण गर्र्ने र प्राकृतिक, ऐतिहासिक, धार्मिक, सांस्कृतिक पक्षलाई समेटी वृत्तचित्र बनाउने योजना अघि सारिएको छ । गाउँपालिकाका अध्यक्ष युवराज कुँवरका अनुसार गाउँपालिकालाई पर्यटन हवको रूपमा स्थापित गर्न सामुदायिक होमस्टेको प्रवद्र्धन र सम्बद्र्धसाथै सांस्कृतिक मौलिकतालाई पर्यटन बजारमा उपयोग गरिने छ ।

“स्थानीय प्राङ्गारिक परिकारका साथ पर्यटन प्रवद्र्धनमा जोड दिएका छौं,” उनले भने । “विदेशी पर्यटकको वडा नं–८ विरेठाँटी र वडा नं– ७ को पोथनामा गणना गर्न पर्यटन सूचना केन्द्र बनाउने छौँ ।”पर्यटकीय गाउँ घान्द्रुकलाई सांस्कृतिक गाउँका रुपमा विकास गर्ने तयारी छ । सांस्कृतिक गाउँ घोषणाका लागि आवश्यक पूर्वाधार संरचना बनाएर परम्परागत सांस्कृतिक गाउँको पहिचान कायम गर्ने नीति लिइएको छ ।

विशेषतः गुरुङ संस्कृतिको जीवन्त सङ्ग्रहालय जस्तै रहेको घान्द्रुक प्राकृतिक रुपमा पनि उत्तिकै सुन्दर रहेको अन्नपूर्ण सेन्चुरी पर्यटन समितिका अध्यक्ष ललित गुरुङ यसलाई सांस्कृतिक गाउँ घोषणा गर्नेे योजना महत्वपूर्ण भएको बताउछन् । घान्द्रुकसहित समग्र अन्नपूर्ण गाउँपालिका पर्यटनमा धेरै सम्भावना रहेको उल्लेख गर्दै उहाँले सङ्घ, प्रदेश र स्थानीय तहको समन्वयमा पर्यटन लक्षित योजनालाई अघि बढाउनुपर्ने बताए । समितिले समग्र अन्नपूर्ण क्षेत्रको पर्यटन प्रवद्र्धन गर्न अन्नपूर्ण आधार शिविरदेखि घान्द्रुकसम्म वर्षेनि अन्तराष्ट्रियस्तरको अन्नपूर्ण म्याराथन सञ्चालन गर्दै आएको छ ।

घान्द्रुक प्राचीन बस्ती भए पनि यहाँको बस्ती विकास कहिलेबाट भयो भन्ने अझै यकिन तथ्य फेला नपरेको अधिवक्ता हरि भट्टराईले बताए । घान्द्रुक गाउँमाथिको कोट मन्दिरमा विसं १७७९ को घण्टा फेला परेको उहाँले जानकारी दिए । यहाँ बसोवासका लागि सबै भन्दा पहिले मानिस कहाँबाट आए भन्ने सम्बन्धमा पनि दुई मत रहेको बताउँदै उनले भने । “कतिपयको मत लम्जुङको क्होलासोंथारबाट आएको भन्ने छ, कतिपयको मुस्ताङको कोवाङबाट आएको भन्ने छ ।” गाउँपालिकाभित्रका पर्यटकीय पदमार्गको विस्तार तथा मर्मत सम्भार गर्दै अन्नपूर्ण ग्रेटर पर्यटन पदमार्गको निर्माण गर्ने लक्ष्य राखिएको छ ।

स्थानीय मौलिक संस्कृति, भाषा एवं वेषभूषालाई यहाँको पर्यटन र उत्पादनसँग जोडेर विकास गरिने बताउँदै अध्यक्ष कुँवरले स्थानीय, भाषा, वेषभूषा, कला संस्कृतिको संरक्षण गर्न गुरुङ भाषाको पाठ्यक्रम तयार गर्ने नीति अङ्गिकार गरिने बताए । सन् २०२२ लाई अन्तर्राष्ट्रिय पर्यटन वर्ष अभियान सञ्चालन भइरहेको तथ्यलाई दृष्टिगत गर्दै अन्नपूर्ण आधार शिविरमा पर्यटनको बसाइँ व्यवस्थित बनाउन सार्वजनिक जग्गामा रहेका लज एवं रेष्टुरेन्टमा निश्चित् कोठा थप गर्ने नीति अवलम्बन गरिने अध्यक्ष कुँवरले बताए ।

पर्यटकको बसाइँ अवधि लम्ब्याउन घान्द्रुक डाँडागाउँको गुरुङ संस्कृति झल्कने सङ्ग्रहालय, मेलाचे पार्क, नौडाँडाको निर्माणाधीन भ्यु टावर, मणिको डाँडो, बराह पोखरी, तालचियाउने गह्राको पार्क, शितल गुफा धार्मिक पर्यटक पार्क प्रवद्र्धन एवं सोही स्थानमा निर्माणाधीन पार्कलाई व्यवस्थित बनाइने गाउँपालिकाको योजना छ ।

Related News

सम्बन्धित समाचार

    • धार्मिक पर्यटकीय क्षेत्र छाङ्छाङ्दी

      Avatar आदर्श समाज सम्वाददाता वैशाख ३०, २०७८
      छाङ्छाङ्दी (स्याङजा) । पहाडको बीच भागबाट कडा चट्टानलाई छिचोल्दै पानीको झरना छङ्छङ् झरिरहेको छ । छङ्छङ् आवाज निरन्तर सुनिने सोही झरनाका…
    • मुस्ताङको गुमनाम पुस्तकालय

      prakash dhakal प्रकाश ढकाल वैशाख २६, २०७८
      लोमान्थाङमा अहिले पनि राजसंस्था जीवित छ । औपचारिक घोषणा नभए पनि पूर्व राजकुमारले राजकाजको जिम्मा सम्हाल्दै आएका छन् । विशेषतः…
    • पर्यटन क्षेत्रलाई संकटग्रस्त घोषणा गर्न व्यवसायीको माग   

      Avatar आदर्श समाज सम्वाददाता वैशाख २५, २०७८
      पोखरा । कोभिड–१९ को महामारीले पर्यटन क्षेत्र नराम्ररी प्रभावित भएको जनाउँदै यस क्षेत्रका व्यवसायीले पर्यटन क्षेत्रलाई सङ्कटग्रस्ट क्षेत्र घोषणा गर्न…
    • आँखाले देखेको तिलिचो

      दुर्गाप्रसाद आचार्य दुर्गाप्रसाद आचार्य वैशाख २५, २०७८
      वैशाखको दोस्रो हप्ताको दोस्रै दिन थियो । पोखराको आकाश निकै मैलो थियो र देशैभरि यस्तै । फाट्टफुट्ट परेको पानीले मैलो…
    • लकडाउनले २ सय पर्यटक थुनिए

      prakash dhakal प्रकाश ढकाल वैशाख २५, २०७८
      पोखरा  । दोस्रो लहरको कोरोना त्रासबाट जोगिन सरकारले घोषणा गरेको निषेधाज्ञाका कारण पोखरा र आसपासका पर्यटकीय क्षेत्रमा २ सय हाराहारी…

    hero news full width

    sanil ads

    wordlink ads

    trending post

    ट्रेन्डिङ्ग