बायर्न बन्यो जर्मन कपको च्याम्पियन

आदर्श समाज सम्वाददाता
असार २१, २०७७
Bayern Munikh, German Cup

पोखरा । जर्मन फुटबल महारथी बायर्न म्युनिख यस वर्ष पनि जर्मन कप च्याम्पियन बनेको छ ।

यो सँगै बायर्नले २० औं पटक जर्मन कपको उपाधि जितेको हो । शनिबार राति भएको खेलमा बायर लिभरकुसेनलाई ४–२ ले हराउँदै बार्यनले जर्मन कपको उपाधि जितेको हो । योसँगै बायर्नले १३ औं पटक एकै सिजनमा २ वटा घरेलु उपाधि उचाल्न सफल बन्यो ।

बर्लिनमा भएको खेलमा बायर्नको जितमा रोबेर्ट लेवान्डोस्कीले २ गोल गरे । लेबान्डोस्कीले यो सिजनमा कुल ५१ गोल गर्न सफल भएका छन् । खेलको १६ औं मिनेटमा अलाबाको गोलमा बायर्नले अग्रता लिएको थियो । लगत्तै, २४ औं मिनेटमा नार्बीको गोलमा बायर्नले अग्रताको अन्तर २–० बनायो । नार्बीलाई किमिचले पास मिलाइदिएका थिए ।

त्यसपछि, ५९ औं मिनेटमा लेवान्डोस्कीले तेस्रो गोल गरे । खेलको ६३ औं मिनेटमा बन्डेरको गोलमा लिभरकुसेनले १ गोल फर्कायो । त्यस्तै, ८९ औं मिनेटमा फेरि लेवान्डोस्कीले गोल गर्दै खेललाई ४–१ को अग्रता दिलाए । खेलको इन्जुरी समयको पाँचौ मिनेटमा लिभरकुसेनले पेनाल्टीमा गोल गर्दै खेल ४–२ बायर्नलाई जर्मन कपको उपाधि सुम्प्यो । यो जितसँगै बायर्नले लगातार २६ खेलसम्म अपराजित रहने कीर्तिमान पनि बनायो ।

Related News

सम्बन्धित समाचार

hero news full width