१७ वर्षपछि पक्राउ परे फरार प्रतिवादी

विनिता सुनार
असार २१, २०७७
0521_arrest_730_1_jzniRoWoG2

पाेखरा, २१ असार । जिल्ला प्रहरी कार्यालय, कास्कीले फरार २ प्रतिवादीलाई आइतबार पकाउ गरेको छ।

बहुविवाह मुद्दामा फरार पोखरा–२०, विजयपुर बस्ने ४७ वर्षीय खड्काबहादुर गुरुङलाई प्रहरीले आइतबार पकाउ गरेको हो।

कास्की जिल्ला अदालतले उनीविरुद्ध २०६० चैत १९ मा गरेको फैसलाले १ वर्ष ११ महिना २१ दिन कैद र १० हजार  जरिवाना ठहर गरेको थियो । तर हालसम्म फरार उनलाई प्रहरीले आइतबार पोखरा १३, कमलपोखरीबाट पक्राउ गर्न सफल भएको हो।

यस्तै ,पोखरा –१०, अमरसिंह बस्ने ओमबहादुर सिग्देललाई रामबजार प्रहरी टोलीले पकाउ गरेको छ।

उनलाई २०७२ पुस ५ मा कास्की जिल्ला अदालतले वन पैदावार मुद्दामा ३ हजार १ सय १६ रुपैयाँ जरिवाना फैसला गरेको जिल्ला प्रहरी कार्यालय कास्की प्रवक्ता प्रहरी नायक उपरीक्षक सुवाश हमालले जानकारी दिए।

उनका अनुसार पकाउ परेका दुवै प्रतिवादीलाई कास्की जिल्ला अदालतमा पेश गरिएको छ।

Related News

सम्बन्धित समाचार

hero news full width