बागलुङ, २१ असार । बागलुङ जिल्लाको ढोरपाटन नगरपालिका–४ को क्वारेन्टाइनमा वसेका एक युवकको मृत्यु भएको छ । ती युवा फोक्सोको रोगले ग्रसित थिए ।

निसीखोला गाउँपालिका २ देवीस्थान घर भएका २९ वर्षका ती युवा लकडाउन अघिनै भारतमा उपचारका लागि गएका थिए । उपचार संभवन नभएर फर्केपछि क्वारेन्टाइनमा राखिएको थियो । क्वारेन्टाइनमै गएराति मृत्यु भएको इलाका प्रहरी कार्यलय बुतिवाङका प्रमुख प्रहरी निरीक्षक प्रकाशसिंह भण्डारीले बताए ।

पहिला उत्तरगंगा माविको क्वारेन्टाइनमा राखिएकोमा बिरामीको अवस्था नाजुक देखेपछि घर पठाइएको थियो । वडा कार्यालयले सूचना पाएपछि फेरी उनलाई घर नजिकैको बिद्यालयमा बनाइएको क्वारेन्टाइनमा सारिएको थियो । उनको अहिले सम्म पिसिआर रिपोर्ट नआएको वुतिवाङ प्राथमिक स्वास्थ्यकेन्द्रका प्रमुख डाक्टर मिलन मल्लले जानकारी दिए । ती युवकको स्वाब संकलन गरेर परीक्षणकालागि पोखरा पठाइएको छ । तर अहिले सम्म रिपोर्ट आएको छैन । उनको घर परिवारका अन्य ३ जनाको भन रिपोटे नेगेटिर्भ आएको छ ।