पोखरा २०, असार । पोखरा–१२ स्थित आदर्श समाज सामाजिक संस्थाको १२ औं खुल्ला रक्तदान कार्यक्रम शनिबार सम्पन्न भयो । कोभिड–१९ को महामारीमा रगतको आवश्यकतालाई महशुस गरी आयोजना गरिएको उक्त कार्यक्रममा २४ जनाले रक्तदान गरेका थिए ।

पोखरा–१२ का वडाध्यक्ष रामबहादुर कार्कीले प्रथम रक्तदाता समीक्षा क्षेत्रीलाई व्लडव्याग हस्तान्तरण गरी उक्त कार्यक्रमको उद्घाटन गरेका थिए । त्यस अवसरमा प्रमुख अतिथि कार्कीले समस्यामा परेका वेला गरिएको रक्तदानको अन्त्यन्त महत्व हुने बताए ।

कार्यक्रममा स्वतन्त्र पत्रकार संघ नेपालका संस्थापक अध्यक्ष कृष्णप्रसाद बास्तोला, आदर्श समाज सामाजिक संस्थाका पूर्व अध्यक्ष सुर्यनाथ कोइराला, पुरानोधारा बचत सहकारीका अध्यक्ष कृष्णप्रसाद कोइराला, आदर्श समाज सामाजिक संस्था महिला समूहकी अध्यक्ष भगवती कोइराला, स्टाफ नर्स यमुना शर्मा लगायतले रक्तदानको महत्वबारे प्रकाश पारेका थिए । संस्थाका अध्यक्ष भीमदेव शर्माको अध्यक्षतामा भएको सो कार्यक्रममा संयोजक बासुदेव कोइरालाले स्वागत तथा सचिव लक्ष्मी कोइरालाले कार्यक्रम सञ्चालन गरेका थिए ।