पोखरा । इङ्लिस प्रिमियर लिगमा चेल्सीले शीर्ष तेस्रो स्थानमा पुग्ने अवसर गुमाएको छ ।

बिहीबार राति भएको वेष्टह्यामसँग ३–२ गोलले पराजित बनेपछि उसले प्रिमियर लिगको शीर्ष स्थान पुग्ने अवसर गुमाएको हो ।

त्यो भन्दा अगाडी लेस्टर सिटी एभर्टनसँग २–१ ले पराजित बनेको थियो । तर, त्यसका फाइदा चेल्सीले उठाउन सकेन । हारपछि तेस्रो स्थानको लेस्टरको ३२ खेलमा ५५ अंक रहेको छ । चेल्सीको ५४ अंक छ ।

लण्डन स्टेडियममा भएको खेलमा चेल्सीले सुरुवाती गोलको अग्रता जोगाउन सकेन । खेलको ४२ औं मिनेटमा चेल्सीले अग्रता लिएको थियो । उसका लागि विलियमले पेनाल्टीबाट गोल गरेका थिए । तर त्यो अग्रता धरैबेर टिक्न सकेन । खेलको पहिलो हाफको इन्जुरी समयमा वेष्टह्यामका सोसेकले गोल गर्दै खेल बराबरीमा पु¥याए ।

पहिलो हाफ १–१ गोलको बराबरीमा सकिएको खेलको दोस्रो हाफमा वेष्टह्यामले २ गोल थप्दा चेल्सीको नाममा १ गोलमात्र दर्ता रह्यो । खेलको ५१ औं मिनेटमा एन्टोनीयोले गोल गर्दै वेष्टह्यामको अन्तर २–१ रह्यो ।

खेलको ७२ औं मिनेटमा विलियमले ब्यक्तिगत दोस्रो गोल गर्दै टिमलाई २–२ को अवस्थामा पु¥याए । तर, ८९ औं मिनेटमा एन्टोनीयोको पासमा एन्ड्री यारमेलेङले उत्कृष्ट गोल गरेपछि चेल्सीले वेष्टह्यामलाई खेल सुम्प्यो ।

३५ औं मिनेटमा वेष्टह्यामले गोल गरेको थियो । तर, त्यसलाई भिडियो एसिस्टेन्ट रेफ्रिले गोलको मान्यता दिएनन् ।