पोखरा, १६ असार । पोखरा महानगरपालिकामा ७ जना नयाँ कोरोना संक्रमित थपिएका छन् । प्रदेश स्वास्थ्य निर्देशनालयले मंगलबार विज्ञप्ति जारी गरी सोको पुष्टि गरेको हो ।
संक्रमितमध्ये वर्ष २७ की महिला छन् भने वर्ष ३० का २ जना र वर्ष ३५, ३६, ३९ र ५३ का १–१ जना पुरुष रहेका छन् । योसहित पोखरा महानगरपालिकाभर कोरोना संक्रमित संख्या ३९ पुगेको छ ।
महानगर स्वास्थ्य महाशाखा प्रमुख हेमन्त शर्मा पौडेलले महानगरभित्र समुदायस्तरमा अझैसम्म कोरोना नफैलिएको र जोखिम न्यूनीकरणका लागि आफूहरुले क्वारेन्टाइन व्यवस्थित गर्नेदेखि कन्ट्याक्ट टे«सिङको कार्यलाई निरन्तरता दिएको बताए ।
उनका अनुसार हालसम्म १५ जना निको भइ घर फर्केका छन् भने बाँकी पोखरा स्वास्थ्य विज्ञान प्रतिष्ठानअन्तर्गत पश्चिमाञ्चल क्षेत्रीय अस्पतालको आइसोलेसन बार्डमा उपचार गराइरहेका छन् ।
बाहिरबाट आएका सम्भावित कोरोना संक्रमितको आशंकामै क्वारेन्टाइन राखिने हुँदा यसलाई सबैले स्वभावित लिनुपर्ने उनको तर्क छ । तर क्वारेन्टाइन व्यवस्थित बनाउने विषयमा आफूहरुले स्वास्थ्य मन्त्रालय तथा डब्लुएचओले भनेअनुसार फरक–फरक मितिमा आउनेहरुलाई छुट्टै कोठामा आवश्यक प्रबन्ध मिलाएर राख्ने गरिएको पौडेल बताउँछन् ।
‘पोखरामा समुदायस्तरमा अझसम्म नफैलिनु नै हाम्रो लागि सुखद पक्ष हो,’ उनी भन्छन्, ‘तैपनि आगामी दिनमा सबैजनाले सचेतना अपनाउनुपर्दछ ।’पोखरासहित समग्र गण्डकी प्रदेशमा मंगलबारसम्म कोरोना संक्रमितको संख्या ९ सय ६६ पुगेको छ । मंगलबार कास्की, तनहुँ, लमजुङ र स्याङ्जामा गरी थप १७ नयाँ संक्रमित थपिएका हुन् । कास्कीको मादी गाउँपालिकाका ४२ वर्षीय पुरुष संक्रमित बनेका छन् ।
पोखरामा सर्वप्रथम जेठ तेस्रो साता ६० वर्षे पुरूषमा कोरोना देखिएकोमा उनी काठमाडौमा उपचारपछि निको भएका छन्। तनहुँमा ५ थपमध्ये उनीहरु व्यास नगरपालिकाका हुन् । वर्ष २०, २७ र ३२ का पुरुष तथा वर्ष २७ र ३६ का महिला छन् ।
लमजुङको वेशीशहरकी वर्ष १९, मस्र्याङ्दीकी वर्ष ३८ र मध्येनेपाल नगरपालिकाकी वर्ष २० की महिलामा कोरोना देखिएको छ ।स्याङ्जाको पुतलीबजारका ३० वर्षीय पुरुषमा पनि कोरोना भाइरस पुष्टि भएको स्वास्थ्य निर्देशनालयले जनाएको छ । प्रदेश स्वास्थ्य निर्देशनालयका निर्देशक डा.विनोदबिन्दु शर्माका अनुसार गण्डकीबाट हालसम्म कोरोना संक्रमणबाट निको हुने २ सय १४ जना पुगेका छन् ।
Related News
सम्बन्धित समाचार
पोखराको काहुँडाँडामा भीषण आगलागी
बागलुङको निसीखोलामा बस दुर्घटना हुँदा ७ को मृत्यु, २० घाइते
मनाङेले लिए मन्त्रीको सपथ, टिक्ला पाण्डे सरकार ?
दीपक मनाङेलाई भाैतिक मन्त्रालय
चौथो पटक मन्त्री बन्दै दीपक मनाङे, आजै शपथ खुवाउने तयारी
hero news full width
मुख्य समाचार
सुन तस्करीमा संलग्न रहेको आरोपमा माओवादी उपाध्यक्ष कृष्णबहादुर महरा कपिलवस्तुबाट पक्राउ
गण्डकीका नयाँ प्रदेश प्रमुख भट्टले सम्हाले पदभार
चैत्र ४, २०८०विश्व पर्यटन बजारमा पोखराको ‘ब्राण्डिङ’ हुन्छ : मुख्यमन्त्री पाण्डे
चैत्र ४, २०८०बाबुरामलाई संसद सचिवालयले भन्यो : महिन्द्रराय र उमरावती माओवादीकै सांसद
चैत्र ४, २०८०दीपक मनाङेले त्यागे दलीय आबद्धता, गण्डकीको राजनीतिमा नयाँ तरंग
चैत्र ४, २०८०प्रधानमन्त्री प्रचण्ड र मुख्यमन्त्री पाण्डेले सँगै कम्मर मर्काउँदा
चैत्र ४, २०८०