समीपको ‘म कैदी प्रेमको’ म्यूजिक भिडियो सार्वजनिक

Bijay Nepal विजय नेपाल
असार १५, २०७७

पोखरा, १५ असार । नेपाली साहित्यका प्रसिद्ध गजलकार दीपक समिपको गजल ‘म कैदी प्रेमको’ म्यूजिक भिडियो सार्वजनिक भएको छ ।

केशवराज आचार्यको स्वर तथा संगीतमा रहेको गजलको म्यूजिक भिडियोमा नायिका केकी अधिकारी र नरेन खड्काको फिचर्ड छ । सपोटिप्स रोलमा जीवन खड्कालाई देख्न सकिन्छ ।

दीपा घिमिरे आचार्य निर्माता रहेको गजलको निर्देशन भने मोहनराज अधिकारीले गरेका छन् । जुगल डंगोलको म्यूजिक एरेञ्ज र अमृत सुनुवारले छायांकन गरेका छन् । सम्पादन माधव बेलबासेको छ ।

गजल सन्ध्या पोखराका पूर्व अध्यक्ष समेत रहेका समीपको रेकर्ड भएको यो दोस्रो गजल हो । उनको २०६२ सालमा ‘भूगोलभित्र नकोरिएको देश’ गजलसंग्रह प्रकाशित भएको थियो ।

लमजुङका दीपक समीप पोखरामा लामो समयदेखि रहेर गजलसहित साहित्यिक क्रियाकलापमा सक्रिय छन् ।