सर्लाही, १५ असार । सर्लाही जिल्लाको धनकौल गाउँपालिकामा नेकपा र कांग्रेस कार्यकर्ताबीच झडप हुँदा डेढ दर्जन मानिस घाइते भएका छन्।
सर्लाहीको रामनगर गाउँपालिकामा एक साताअघि नेकपाका एक कार्यकर्ताको हत्याको घटनालाई लिएर नेकपाका युवा विद्यार्थीले आइतबार सर्लाहीका विभिन्न ठाउँमा जुलुस प्रदर्शन गरेका थिए। धनकौलमा भएको जुलुसकै क्रममा दुई पार्टीका कार्यकर्ताबीच विवाद हुँदा झडप भएको हो। घाइतेमध्ये केहीलाई गोलीसमते लागेको छ।सर्लाहीका प्रहरी प्रमुख एसपी विश्वमणि सुवेदीले झडपमा गोली समेत चलेको पुष्टि गरेका छन् ।
केहीलाई गोलीको छर्रा लागेको छ, गोलीका कारण गम्भीर घाइते भने कोही नभएको जानकारी उनले दिए । कुन पक्षबाट गोली चलेको हो, खुलेको छैन, एसपी सुवेदीले भने हामी अनुसन्धान गरिरहेका छौं । घाइते हुनेमा १५ जना कांग्रेस र तीन जना नकेपाका कार्यकर्ता रहेका प्रहरीले जनाएको छ। नेकपाका कार्यकर्ताले गोली कांग्रेसका कार्यकर्ताले चलाएको आरोप लगाएका छन् ।
घटनामा संलग्न एक जनालाई प्रहरीले पक्राउ गरेको छ, पक्राउ पर्नेको नाम खुलाइएको छैन, ‘अहिले स्थिति सामान्य छ, कुनै तनाव छैन,’ एसपी सुवेदीले भने । रामनगरका नेकपा कार्यकर्ता ६० वर्षीय रामजल रायको एक साताअघि हत्या भएको थियो। रायको हत्या कांग्रेस कार्यकर्ताले गरेको दाबी नेकपाको छ। तर, कांग्रेसले भने यो आरोप अस्वीकार गर्दै आएको छ।यादवको शव अझै सर्लाही जिल्ला अस्पतालमै छ। हत्यारालाई पक्राउ गरी कानुनी कारबाही गर्न नेकपाले माग गरेको छ। नेकपा सर्लाहीका जिल्ला स्तरीय नेताले गृहमन्त्री रामबहादुर थापालाई जानकारी गराएका छन् ।
Related News
सम्बन्धित समाचार
सेतीको खोंचबाट सशस्त्र प्रहरीको गोताखोरले निकाल्यो युवकको शव
अछाममा आगलागी हुँदा २ नाबालकको मृत्यु
चट्याङ लागेर पर्वतमा दुई जनाको मृत्यु
फेवामा बाेटिङ गर्दागर्दै हावाहुरीले दुर्घटना, सशस्त्र प्रहरीद्वारा सकुशल उद्धार
बागलुङमा ३ वर्षमा सवारी दुर्घटनामा ४० को मृत्यु
hero news full width
मुख्य समाचार
चोटिलो बन्दै गण्डकीको संसदीय राजनीति
पुरानो पोखरा जोगाउन पहल: मेयर आचार्य
वैशाख ६, २०८१सुदुरपश्चिममा सोडारी मुख्यमन्त्री नियुक्त
वैशाख ६, २०८१प्रेमील गजलकारको भावपूर्ण बिदाइ
वैशाख ५, २०८१अधिवेशन आह्वानप्रति कांग्रेसको आपत्ति, द्वन्द्व निम्तिन सक्ने चेतावनी
वैशाख ५, २०८१गण्डकी प्रदेश सभाको अधिवेशन आह्वान
वैशाख ५, २०८१