काठमाडौं, १३ असार । नेपालमा सलह किरा भित्रिएको छ । यसभन्दा अगाडि भारतमा मात्र फैलिएकाे थियाे । बाराको निजगढ र सर्लाहीको नवलपुरमा सलह किरा भेटिएको कृषि तथा पशुपंछी विकास मन्त्रालयले जनाएको छ ।

बारा र पर्सामा सलह किरा फैलिएको देखिएको जानकारी मन्त्रालयका प्रवक्ता सहसचिव डा. हरिबहादुर केसीले दिए । ‘बाराको कृषि ज्ञान केन्द्र प्रमुख जितेन्द्र यादवले सलह किरा आएको बताएका छन्, प्राविधिक टोली खटिएको छ,’ प्रवक्ता केसीले भने ।दुवै जिल्लामा प्राविधिकसहितको टोली परिचालन भइसकेको प्रवक्ता डा.केसीले बताए ।सलह किराको समूहले नेपालमा क्षति पुर्याउन थालिसकेको छ ।