लिभरपुल इङ्लिस प्रिमियर लिगको उपाधि नजिक

Avatar आदर्श समाज सम्वाददाता
असार ११, २०७७

पोखरा । इङ्ल्यान्डको एन्फिल्ड क्लब इङ्लिस प्रिमियर लिगको उपाधि नजिक पुगेको छ ।

प्रिमियर लिगको बुधबार राति भएको खेलमा लिभरपुल क्रिस्टल प्यालेसमाथि ४ –० को जितसँगै उपाधि नजिक पुगेको छ । घरेलु मैदान एनफिल्डमा लिभरपुलले खेलको सुरुवातदेखि नै प्यालेसमाथि दबाब बनाएको थियो ।

लिभरपुलले २३ औं मिनेटमा नै अग्रता लियो । ट्रेन्ट एलेक्जेन्डर आर्नोल्डले फ्रिकिकमा उत्कृष्ट गोल गर्दै लिभरपुललाई अग्रता दिलाएका थिए । पहिलो हाफको अन्तिम मिनेटमा लिभरपुलले अग्रता दोब्बर बनायो । मिडफिल्डर फाबिन्होको पासमा मोहमद सलाहले गोल गरे । यो सिजनमा सलाहको घरेलु मैदानमा १५ औं गोल हो ।

पहिलो हाफमा २ गोल गरेको लिभरपुलले दोस्रो हाफमा थप २ गोल थप्यो । खेलको ५५ औं मिनेटमा फाबिन्होले गोल गर्दै लिभरपुलको अन्तर ३ शून्य बनाए ।

खेलको ६९ औं मिनेटमा लिभरपुलले चौथो गोल थप्यो । यसपटक सलाहको एसिस्टमा मानेले वन भर्सेस वनको स्थितिमा गोल गरे ।

जितपछि लिभरपुल उपाधिको निकै नजिक पुगेको छ । लिभरपुलले अर्को खेल म्यानचेस्टर सिटीसँग खेल्नेछ । त्यसअघि सिटीले चेल्सीको सामना गर्नेछ । सिटीले त्यो खेल हारेमा लिभरपुल च्याम्पियन बन्नेछ । अंक तालिकामा लिभरपुलले ३१ खेलमा ८६ अंक जोडेको छ ।

हाम्रो सुझाव