पोखरा, ११ असार। कोरोना संक्रमितको शव व्यवस्थापन गर्ने क्रममा पोखरामा बिहीबार पनि स्थानीयले विरोध जनाएका छन् ।
उपचारक्रममा गएराति मृत्यु भएका स्याङ्जाका ५५ वर्षीय पुरुषको शव व्यवस्थापन गर्नेक्रममा पोखरा महानगरपालिका वडा ३२, मजुवाका स्थानीयले विरोध जनाएका हुन् । सोक्रममा प्रहरी र स्थानीयबीच झडप समेत भएको छ ।
पोखरा महानगरको डोजरले खाल्डो खन्न लागेको थाहा पाएपछि स्थानीय सो ठाउँमा शव गाड्न नपाइने भन्दै विरोधमा उत्रिएका थिए । प्रहरी र स्थानीयबीचको झडपबीच पनि बिहीबार दिउँसो शव व्यवस्थापन सम्भव भएको महानगरका सूचना अधिकारी भरतराज पौडेलले जानकारी दिए । स्थानीयले तोडफोड र ढुंगामुढा गर्न उत्रिएपछि प्रहरीले हवाइफायर गरी तितरबितर पारेको थियो भने केहीलाई नियन्त्रणमा लिएको छ ।
कास्कीका प्रहरीका प्रवक्ता प्रहरी नायव उपरीक्षक ९डीएसपी० सुवास हमालका अनुसार ८ राउण्डसम्म हवाइफायर गरिएको हो । त्यस्तै, ८ जना युवालाई नियन्त्रणमा लिएको छ ।गत जेठ ८ मा पोखरा स्वास्थ्य विज्ञान प्रतिष्ठान अन्तर्गत पश्चिमाञ्चल क्षेत्रीय अस्पतालमा ल्याइएका स्याङ्जाका ५५ वर्षीय ती पुरुषको बुधबार राति ११ बजेर ३५ मिनेटमा मृत्यु भएको थियो ।
कोरोना संक्रमित उनी मधुमेह र निमोनिया रोगबाट समेत ग्रसित रहेको अस्पतालमा निर्देशक डा। अर्जुन आचार्यद्वारा जारी विज्ञप्तिमा उल्लेख छ । उनलाई उपचारक्रममा सुरुवातमा आईसीयूमा राखिएकोमा श्वासप्रश्वासमा समस्या भएपछि भेन्टिलेटरमा राखेर उपचार गरिएको थियो ।
गण्डकी प्रदेशमा योसहित कोरोना संक्रमितबाट मृत्यु हुनेको संख्या २ पुगेको छ । गत जेठ २३ मा स्याङ्जा वालिङका ५८ वर्षीय अर्का पुरुषको पोखरामै उपचारक्रममा मृत्यु भएको थियो । उनको शव व्यवस्थापन गर्नेक्रममा समेत हम्मेहम्मे भएको थियो । पछि प्रहरीले जबर्जस्ती पोखरा ११ र २० को सीमा सेती किनारमा खाल्डो खनेर शव गाडेको थियो । प्रदेश सांसद, वडाका जनप्रतिनिधि र स्थानीय विरोधमा उत्रिएपछि प्रहरीले स्थिति नियन्त्रणमा लिन लाठीचार्ज गर्नुपरेको थियो ।
गण्डकी प्रदेशमा गएको १ महिनामा कोरोना संक्रमितको संख्या ह्वात्तै बढेको छ । जेठ ११ सम्म मात्र ५ जना कोरोना संक्रमित रहेको गण्डकीमा हाल बढेर ७ सय ५३ पुगेको छ । बिहीबार थप ११ जनामा कोरोना पुष्टि भएको प्रदेश स्वास्थ्य निर्देशनालयका निर्देशक डा।विनोदबिन्दु शर्माले जानकारी दिए ।
प्रदेश सरकारले कोरोना संक्रमितको संख्या दिनानुदिन बढ्न थालेपछि आइसोलेसन बार्डसमेत बढाउने तयारी गरेको जनाएको छ । प्रदेशमा खासगरी नवलपुर, बागलुङ, पर्वत, स्याङ्जा र तनहुँमा रहेका आइसोलेसन बार्डको क्षमता दोब्बर बनाइने तयारी छ ।
Related News
सम्बन्धित समाचार
पोखराको काहुँडाँडामा भीषण आगलागी
बागलुङको निसीखोलामा बस दुर्घटना हुँदा ७ को मृत्यु, २० घाइते
मनाङेले लिए मन्त्रीको सपथ, टिक्ला पाण्डे सरकार ?
दीपक मनाङेलाई भाैतिक मन्त्रालय
चौथो पटक मन्त्री बन्दै दीपक मनाङे, आजै शपथ खुवाउने तयारी
hero news full width
मुख्य समाचार
सुन तस्करीमा संलग्न रहेको आरोपमा माओवादी उपाध्यक्ष कृष्णबहादुर महरा कपिलवस्तुबाट पक्राउ
गण्डकीका नयाँ प्रदेश प्रमुख भट्टले सम्हाले पदभार
चैत्र ४, २०८०विश्व पर्यटन बजारमा पोखराको ‘ब्राण्डिङ’ हुन्छ : मुख्यमन्त्री पाण्डे
चैत्र ४, २०८०बाबुरामलाई संसद सचिवालयले भन्यो : महिन्द्रराय र उमरावती माओवादीकै सांसद
चैत्र ४, २०८०दीपक मनाङेले त्यागे दलीय आबद्धता, गण्डकीको राजनीतिमा नयाँ तरंग
चैत्र ४, २०८०प्रधानमन्त्री प्रचण्ड र मुख्यमन्त्री पाण्डेले सँगै कम्मर मर्काउँदा
चैत्र ४, २०८०