पोखरा, १० असार । गण्डकी प्रदेशमा कोरोना संक्रमितको संख्या १ महिना अवधिमा ह्वात्तै बढेको छ । गएको जेठ १० सम्म प्रदेशमा संक्रमितको संख्या मात्र ५ रहेकोमा हाल सो संख्या ह्वात्तै बढेर ७ सय २९ पुगेको छ ।
गण्डकीमा बुधबारमात्रै थप ३२ जनामा कोरोना संक्रमण देखिएसँगै संक्रमितको संख्या ७ सय २९ पुगेको हो ।
प्रदेश स्वास्थ्य निर्देशनालयका निर्देशक एवं कोरोना नियन्त्रण तथा रोकथाम कार्यक्रम गण्डकी प्रवक्ता डा. विनोदबिन्दु शर्माले बुधबार बिहान विज्ञप्ति जारी गरी प्रदेशका विभिन्न ८ जिल्लामा गरी थप ३२ जनामा कोरोना संक्रमण देखिएको जनाएका हुन् ।
जसमा लमजुङ जिल्लाको मध्यनेपाल नगरपालिकाका ४ जना, वेशीसहर नगरपालिकाका १ जना छन् । मध्यनेपालका वर्ष २१, २२, २४ र ३७ का पुरुष हुन् भने वेशीसहरकी ३३ वर्षीया महिलामा कोरोना पुष्टि भएको छ ।
यस्तै, पर्वत सदरमुकाम कुष्माकी २४ वर्षीया महिलामा पनि कोरोना देखिएको छ ।
स्याङ्जामा थप ७ जनामा कोरोना पुष्टि हुँदा कास्कीका ५ जनामा कोरोना देखियो । स्याङ्जाको अर्जुनचौपारी गाउँपालिकाका १२ वर्षीय बालक कोरोना संक्रमित हुन पुगेका छन् ।
स्याङ्जाकै आँधीखोला गाउँपालिकाका ६५ वर्षीय पुरुष र वालिङ नगरपालिकाका थप ५ जनामा कोरोना देखिएको छ । वालिङका ३० महिने बालिकासहित २४ वर्षीया महिला कोरोना संक्रमित भएकी छन् भने वर्ष २४, ४० र ४५ का पुरुषमा पनि कोरोना देखियो ।
कास्कीमा थप ३ जनामा कोरोना देखिएको छ । जसमा पोखरा घर भएका २५ वर्षीय पुरुष र मादी गाउँपालिकाका वर्ष ४० की महिला र वर्ष ४१ का पुरुषमा पनि कोरोना पुष्टि भएको स्वास्थ्य निर्देशनालयले जनाएको छ । पोखरामा मंगलबारमात्रै ७ जनामा कोरोना देखिएको थियो ।
उता, गोरखा जिल्लाको गण्डकी गाउँपालिकाका ४२ वर्षीय पुरुष संक्रमित हुँदा बरेङ गाउँपालिकाका ८ जना अन्य पुरुष पनि संक्रमित भएका छन् । उनीहरुको उमेर समूह वर्ष २० देखि ६० सम्म छ । तीमध्ये वर्ष २० का २ जना छन् । यस्तै वर्ष १९, ३३, ३५, ३७, ४० र ६० का पुरुष छन् ।
यस्तै, प्रदेशमा उच्च जोखिम रहेको बागलुङको जैमिनी गाउँपालिकाका २० वर्षीय पुरुषमा कोरोना पुष्टि हुँदा तनहुँको देवघाट गाउँपालिकाका २३ वर्षीय पुरुष पनि कोरोना संक्रमित हुन पुगेका हुन् ।
यस्तै, नवलपरासी (बर्दघाट सुस्ता पूर्व) का ३ जना महिलामा कोरोना देखिएको छ । उनीहरुको उमेर वर्ष ३३, ५१ र ५६ छ।
पछिल्लो २४ घण्टामा कोरोना संक्रमित पुष्टि भएका ३२ मध्ये तनहुँ र नवलपरासी (बर्दघाट सुस्ता पूर्व) का संक्रमितको नमुना परीक्षण भरतपुर अस्पताल, चितवनमा गरिएकोमा अन्य सबैको प्रदेश क्षयरोग केन्द्र, पोखरामा गरिएको हो ।
यसअघि, गण्डकी प्रदेशमा मंगलबार रातिमात्रै १ सय ४ जनामा कोरोना देखिएको विवरण सार्वजनिक भएको थियो । प्रदेशका ११ वटै जिल्लामा कोरोना फैलिएको छ । कोरोना संक्रमितमध्ये अधिकांश भारतबाट फर्केका नेपाली नागरिक हुन्।
Related News
सम्बन्धित समाचार
हेमराज पहारी स्मृति पुरस्कारबाट सरुभक्त पुरस्कृत
गण्डकी प्रदेश सभाको बैठक अनिश्चितकालका लागि स्थगित
चोटिलो बन्दै गण्डकीको संसदीय राजनीति
पुरानो पोखरा जोगाउन पहल: मेयर आचार्य
सुदुरपश्चिममा सोडारी मुख्यमन्त्री नियुक्त
hero news full width
मुख्य समाचार
प्रेमील गजलकारको भावपूर्ण बिदाइ
अधिवेशन आह्वानप्रति कांग्रेसको आपत्ति, द्वन्द्व निम्तिन सक्ने चेतावनी
वैशाख ५, २०८१गण्डकी प्रदेश सभाको अधिवेशन आह्वान
वैशाख ५, २०८१गण्डकीमा अधिवेशन डाक्न सिफारिस, मुख्यमन्त्रीले विश्वासको मत लिँदै
वैशाख ५, २०८१दृष्टिविहीनलाई बाटो देखाउँदै गुगल
वैशाख ४, २०८१प्रकट पगेनी ‘शिव’ को निधन
वैशाख ४, २०८१