एट्लेटिको मड्रिड स्पेनिस ला लिगाको तेस्रो स्थानमा उक्लियो

Avatar आदर्श समाज सम्वाददाता
असार ७, २०७७
Athletico Madrid vs Real Valadolid

पोखरा । स्पेनिस ला लिगा फुटबलमा एट्लेटिको मड्रिड तेस्रो स्थानमा उक्लिएको छ ।

शनिबार राति भएको खेलमा रियल भालाडोलिडमाथि १–० को जित निकाल्दै एट्लेटिको ला लिगाको तेस्रो स्थानमा उक्लिएको हो । जित हात पारेको छ । भालाडोलिडमाथिको जितसँगै एट्लेटिको मड्रिडले महत्वपूर्ण तीन अंक बटुलेको छ ।

उसले ३० खेलबाट ५२ अंक जोड्दै तालिकाको तेस्रो स्थानमा छ । भालाडोलिड ३३ अंक सहित तालिकाको १५ औं स्थानमा छ । जितसँगै एट्लेटिकोले च्याम्पियन्स लिग छनोटको सम्भावनालाई बलियो बनाएको छ ।

बैकल्पिक खेलाडीको रुपमा मैदान छिरेका भिटोलोले ८१ औं मिनेटमा गोल गर्दै एट्लेटिकोलाई महत्वपूर्ण ३ अंक दिलाए । भिटोलोले डिएगो कोस्टाको पासमा गोल गरेका थिए । एट्लेटिकोले दर्शकबिहीन घरेलु मैदानमा पहिलो पटक खेलेको हो ।

शनिबार राति नै  भएको अन्य खेलमा लेभान्टेले स्पानियोललाई ३–१ ले हराउँदा एट्लेटिको बिल्बाओले रियल बेटिसलाई १–० ले पाखा लगायो । अर्को खेलमा गेटाफे र एइबरले १–१ गोलको बराबरी खेल्दै अंक बाँडेका छन् ।

Related News

सम्बन्धित समाचार

    hero news full width

    sanil ads

    wordlink ads