पोखरा, ६ असार । हिमालपारीको जिल्ला मुस्ताङमा पनि कोरोना भाइरस पुगेको छ । त्यहाँका एक जना पुरुषमा कोरोना भाइरस पुष्टि भएको हो।
पश्चिमाञ्चल क्षेत्रीय प्रयोगशालामा भएको स्वाब परीक्षणमा उनको रिपोर्ट पोजेटिभ आएको प्रयोगशालाले जनाएको छ । उनी मुस्ताङको घरपजोङ गाउँपालिका ८३ वर्षीय वृद्ध पुरुष हुन्।
गण्डकीमा योसहित शनिबार पुनः ५० नयाँ संक्रमित थपिएका छन् । थप ५० सँगै कुल संक्रमित संख्या ४ सय ८८ पुगेको प्रदेश स्वास्थ्य निर्देशनालयले विज्ञप्तिमार्फत जनाएको छ ।
थप संक्रमितमध्ये मुस्ताङका १ सहित बागलुङका २९, नवलपरासी (बर्दघाट सुस्ता पूर्व) का १८ र तनहुँका २ जनामा कोरोना भेटिएको हो ।
बागलुङको गल्कोट नगरपालिकामा ८ जना पुरुषमा कोरोना देखिएको छ । उनीहरु वर्ष २० देखि ५१ वर्ष समूहका छन् ।
ताराखोला गाउँपालिकाका २४ वर्षीय पुरुषसहित बडिगाड गाउँपालिकाका ३ जना पुरुषमा समेत कोरोना पुष्टि भएको छ । उनीहरु २३, ३३ र ३४ वर्षका हुन् । बडिगाडकै वर्ष २०, ३७ र ७२ वर्षीया महिला पनि संक्रमित भएका छन्।
बागलुङ नगरपालिकाका ६ जना पुरुषमध्ये वर्ष २५, ५०, १९, ४२, ५४ र २५ वर्षका पुरुष तथा ढोरपाटन नगरपालिकाका १८ वर्षीय पुरुषमा समेत कोरोना भाइरस संक्रमण देखिएको हो।
नवलपरासी (बर्दघाट सुस्ता पूर्व) को मध्युबिन्दु नगरपालिकाका १४ जना पुरुषमा कोरोना देखिएको छ । उनीहरुमध्ये ३ वर्षीय बालक पनि छन् । अन्य पुरुषको उमेर समूह वर्ष १६ देखि ३९ सम्म छ।
मध्यबिन्दु नगरपालिकाका २१ र २५ वर्षीया महिला, बुलिङटार गाउँपालिकाका २८ वर्षीय पुरुष तथा पालिका नखुलेको ७ वर्षीय बालकमा पनि कोरोना पुष्टि भएको छ ।
संक्रमित सबैजना सम्बन्धित जिल्लाको क्वारेन्टाइनमा रहेकोमा उपचारका लागि सोही जिल्लाको आइसोलेसन वार्डमा लैजाने तयारी भएको प्रदेश स्वास्थ्य निर्देशनालयले जनाएको छ।
प्रदेशमा शनिबार बिहान मात्रै ५८ जनामा कोरोना देखिएको थियो । पछिल्लो चौबीस घण्टामा तनहुँमा २५, नवलपुरमा १६, बागलुङ ८, गोरखा ५, कास्की २, म्याग्दी १ र स्याङ्जामा १ गरी ५८ जनामा संक्रमण देखिएको प्रदेश स्वास्थ्य निर्देशनालयले शनिबार पहिलो विज्ञप्ति प्रकाशित गरी पुष्टि गरेको थियो।
मुस्ताङसहित गण्डकीका ११ वटै जिल्लामा कोरोना संक्रमण फैलिएको छ। हिमालपारीको अर्को जिल्ला मनाङ भने ३ दिन अघि एक पुरुषमा कोरोना देखिएको थियो।
Related News
सम्बन्धित समाचार
सुरु भयो एसइई, ५ लाख ४ हजार ४ सय १४ विद्यार्थी सामेल
बजेट अभावमा नगर अस्पतालको काम रोकियो
एमाले कास्कीमा को-को निर्वाचित ? (अन्तिम मतपरिणामसहित)
एमाले कास्की अध्यक्षमा बैनबहादुर विजयी
तनहुँ र चितवनलाई जोड्ने ठिमुरामा पक्की पुल
hero news full width
मुख्य समाचार
बाँदरसँग आजित किसानले गुहारे कानुन मन्त्री, भन्छन् : बाँदर मार्ने कानुन बनाइदेउ
एमाले कास्कीमा नयाँ नेतृत्वका लागि मतदान
चैत्र १३, २०८०कास्की कारागारमा आँखा शिविर, १ सय ८८ जनाको आँखा परीक्षण
चैत्र १३, २०८०कालीगण्डकी कोरिडोरः १५ महिनापछि बेनी–मालढुंगाखण्ड निर्माणमा प्रगति
चैत्र १३, २०८०सरकारी विद्यालयमा शुल्क उठाउन रोक
चैत्र १३, २०८०ड्रागन बोट रेसमा वाटर स्पोर्टस् र नारा च्याम्पियन
चैत्र १२, २०८०