Worldlink ads

कुमारी चर्चा नृत्य समापन

कविराज खनाल
असार ५, २०७७
IMG_20200619_095551

लेखनाथ, ५ असार । लेखनाथ नेवाः मिसा पुच लेखनाथ नेवाः खलद्वारा आयोजित तथा पोखरा वडा नंं ३० वडा कार्यालयको सहयोगमा नेवारी समुदायमा नाचिने कुमारी चर्चा नृत्य  तथा तालिम सम्पन्न भएको छ ।

कुमारी चर्चा नृत्य जेठ २३ गते देखि आषाढ ५ गतेसम्म संचालन भएको सो नृत्यमा लेखनाथ भित्रका करिब १६ जना कुमारीको सहभागितामा रहेको थियो । आँखाका डिलहुँदै कान्सिरीसम्म तनकाइएको निक्खर कालो गाजल, ललाटभरी पोतिएको रातो टीका जसको घेरामा देखिने मसिनो पहेँले रङ शिरमा सजाइएको कल्की आकारको आभुषण सुन चाँदीको आभुषण सहित सजिएका कुमारीहरुले नृत्य गर्दा सवैले एकाग्र भएर नृत्य हेरेका थिए । जनु नृत्यनेवारी समुदायमा हरेक कार्यक्रममा सवै भन्दा पहिला नाचिने नृत्य मानिन्छ ।

समापन कार्यक्रमका प्रमुख पोखरा महानगरपालिका वडा नं. ३० का वडा अध्यक्ष श्रीराम पोख्रेलले कुमारी परम्परा पुरानो तर महत्वपूर्ण निवारी समुदायमा महत्वपूर्ण परम्परा हो र टोलको रक्षा र समृद्धिका लागि कुमारी नृत्य र कुमारी पुज्ने परम्परा हाल नेपालमा चलिआएको मानिन्छ । जसमा नेवारी समुदायले आफ्नो संस्कार र संस्कृतिको जगेर्ना गर्दा समाज सुधार हुने धारणा व्यक्त गर्दै तालिममा सिकेका कुराहरुलाई व्यवहारमा उतार्नु पर्ने सुझाव दिएका थिए ।

त्यसैगरी वडा नं. २७ का वडा अध्यक्ष पूर्णकुमार गुरुङ्गले लोप भएको नृत्य जगेर्ना गर्नु अहिलेको आवश्यकता भएकोले यस्ता नृत्य हाम्रा पुस्तालाई हस्तान्तरण गर्दै गएमा समाजको विकास हुने कुरामा जोड दिएका थिए ।लेखनाथ मिसाः पुचका अध्यक्ष सरु श्रेष्ठको अध्यक्षतामा भएको सो कार्यक्रममा लेखनाथ नेवाः खलका अध्यक्ष प्रेम लिगल, जिल्ला मिसाः पुचका अध्यक्ष मेनका श्रेष्ठ, लेखनाथ नेवाः खलका उपाध्यक्ष भैरब श्रेष्ठ, गणेश नेवाः खलका पूर्व अध्यक्ष क्या. होमवहादुर श्रेष्ठ, प्रशिक्षक मोनिता श्रेष्ठ, सहभागिका तर्फवाट विज्ञ श्रेष्ठ लगायतले आ–आफ्नो धारणा राखेका थिए ।अघौं मिसाः पुचका अध्यक्ष मिना श्रेष्ठले स्वागत मन्तव्य राखेको सो कार्यक्रमको संचालन लेखनाथ मिसः पुचका सचिव पवित्रा श्रेष्ठले गरेकी थिइन ।

Related News

सम्बन्धित समाचार

    • ऐतिहासिक रामलीला मञ्चन कोरोनाले रोकियो

      आदर्श समाज संवाददाता भाद्र २०, २०७८
      राँझा । नेपालगञ्जको रामलीला मैदानमा १५२ वर्षदेखि निरन्तर प्रत्येक वर्ष हुँदै आएको रामलीला मञ्चन यस वर्ष पनि रोकिने भएको छ ।…
    • श्रीकृष्णाष्टमीमा अभिनन्दन

      आदर्श समाज सम्वाददाता भाद्र १६, २०७८
      पोखरा । श्रीकृष्णष्टमीका अवसरमा भक्ति पथ फाउन्डेसन तथा विश्वहिन्दु महासंघ नेपाल कास्की समितिको आयोजनामा श्रीकृष्ण जन्मोत्सव तथा अभिनन्दन कार्यक्रम केदारेश्वरमणि…
    • तीजलाई घरमै सीमित बनाइने

      रासस भाद्र ११, २०७८
      गलकोट । बागलुङमा लामो समयदेखि जारी निषेधाज्ञा खुकुलो बनाइएको छ । निषेधाज्ञा खुकुलो बनाइए पनि आउँदै गरेका चाडपर्व मनाउन भने…
    • गाईजात्राः मौलिक पर्व

      के.वी. मसाल भाद्र ८, २०७८
      नेपालमा अहिले पर्यटनको क्षेत्र फराकिलो हुँदै गएको छ । पर्यटन नै अब आर्थिक, सामाजिक, सांस्कृतिक र प्राकृतिक महत्वका लागि आधार…
    • वेलघारी शिवहरि मन्दिर सन्चालक समितिमा पौडेल

      आदर्श समाज सम्वाददाता भाद्र ३, २०७८
      वेलघारी शिवहरि मन्दिर सन्चालन समितिको अध्यक्षमा हरिप्रसाद पौडेल निर्वाचित भएका छन् । यसैगरी समितिको उपाध्यक्षमा कृष्ण कुमारी महत, सचिवमा शिवराज…

    hero news full width

    Jewellery

    sanil ads

    wordlink ads