इङ्ल्यान्डमा पनि फर्कियो फुटबल, आर्सनलमाथि म्यानचेस्टर सिटीको शान्दार जित

नारायण शाही
असार ४, २०७७
Manchester City vs Arsenal,k English Primiership

पोखरा । कोरोना भाइरसको महामारीपछि इङ्लिस प्रिमियर लिग समेत सुचारू भएको छ ।

महामारीको लडकडाउनपछि बुधबारदेखि सुचारु प्रिमियर लिग फुटबलमा म्यानचेस्टर सिटीले शान्दार जित दर्ता गरेको छ ।

बुधबार राति भएको खेलमा दोस्रो स्थानको म्यानचेस्टर सिटीले आर्सनलमाथि ३–० को प्रभावशाली जित हात पारेको हो ।

घरेलु मैदानमा भएको खेलमा म्यानचेस्टर सिटीले पहिलो हाफको इन्जुरी समयमा गोल गर्दै अग्रता बनाएको थियो । इन्जुरी समयको दोस्रो मिनेटमा रहीम स्ट्रर्लिङले गोल गरेर सुरुवाती अग्रता दिलाए ।

५१ औँ मिनेटमा पाएको पेनाल्टीमा केविन ड्री ब्रुयनाले गोल गरेपछि सिटीले अग्रता दोब्बर बनायो । दोस्रो हाफको इन्जुरी समयको पहिलो मिनेट अर्थात ९१ औँ मिनेटमा फिल फोडिनले गोल गरेपछि सिटी ३–० ले विजयी बन्यो । जितपछि दोस्रो स्थानको सिटीको २९ खेलबाट ६० अंक भएको छ । आर्सनल ४० अंकसहित नवौँ स्थानमा छ ।

कोरोना महामारीको सन्त्रासपछि झन्डै ३ महिनापछि विश्वमा खेलकुद गतिविधि क्रमशः चलायमान बन्दैछ । विश्वमा सर्वाधिक रुचाइने फुटबलको चर्चित घरेलु लिगहरु सुचारु भइसकेका छन् ।

मेबाट सुचारु भएको जर्मन बुन्डेसलिगा सकिएको छ । त्यसैको संघारमा अघिल्लो साताबाट स्पेनिस ला लिगाका खेल सुरु भइसकेका छन् । युरोपेली राष्ट्र इटलीमा पनि फुटबल फर्किसकेको छ । यसै क्रममा सबैभन्दा लोकप्रिय र चर्चित इङ्ल्यान्डको इङ्लिस प्रिमियर लिग ३ महिनापछि बुधबारदेखि सुरु भएको हो । यस सिजनको जर्मन बुन्डेसलिगा लिग फुटबल सकिएसँगै इङ्लिस प्रिमियसीप लिग फुटबल सुचारु भएको छ ।

प्रिमियरसीप लिगमा फरक अंक अन्तरले लिभरपुल शीर्ष स्थानमा छ । लिग स्थगित हुनुअघि लिभरपुलले दोस्रो स्थानको म्यानचेस्टर सिटीलाई २५ अंकले पछि पारेको थियो । सन् १९९० पछि लिभरपुल पहिलो पटक प्रिमियरसीपको च्याम्पियन बन्ने दाउमा छ ।

यस सिजनको च्याम्पियनसँगै लिभरपुल ३० वर्षपछि च्याम्पियन बन्नेछ । लिभरपुलाई च्याम्पियन बन्न अब २ खेल मात्रै पुग्छ । लिग स्थगित नभएको भए लिभरपुल मार्चमै च्याम्पियन बनिसक्थयो । साथै, उसले आफ्नो समर्थकबीच जितको खुशीयाली मनाएको हुन्थ्यो । कोभिड–१९ ले गर्दा लिभरपुलको उपाधि उत्सवलाई तीन महिनाभन्दा बढी ढिला गरिदिएको छ ।

यद्यपी, लिभरपुललाई च्याम्पियन बन्न कसैले पनि रोक्ने छैन । यस सिजनको प्रिमियरसीपमा लिभरपुललाई दोस्रो स्थानको सिटीले भेट्ने गणितीय संभावना निकै कम छ । बुधबार सिटीले आर्सनलसँग पराजित गरेको अवस्था छ । उक्त खेलमा सिटीको पराजित र मर्सिसाइड टिमको आफ्नो पहिलो खेलमा एभर्टनलाई पराजित गरे पहिलो खेलबाटै लिभरपुलले उपाधि उचाल्ने पक्का जस्तै थियो ।

यतिमात्र होइन योर्गेन क्लोपको टिमले यसअघि सिटीको नाममा रहेको कीर्तिमान समेत तोड्ने संभावना छ । लिभरपुलले अब संभावित २७ मध्ये १९ अंक जोडेमा सिटीको २०१७/०१८ मा जोडेको १०० अंकको कीर्तिमान तोड्नेछ । यस्तै त्यही सिजन सिटीले १९ अंककामे अन्तरमा उपाधि जितेको थियो । यस सिजनको उपाधिसँगै लिभरपुलले त्यस कीर्तिमानलाई समेत तोड्ने संभावना छ ।

लिभरपुलका कप्तान जोर्डन हेन्डरसनले गत वर्ष जुनमा म्याड्रिडमा खचाखच दर्शकका सामु च्याम्पियन्स लिग ट्रफी उठाएका थिए । तर, यसपटक उनीसहित लिभरपुल टोली दर्शक बिनै ट्रफी उठाउने तयारीमा छन् । हेन्डरसनले दर्शक बिना ट्रफी उठाउनु परे अनौठो हुने बताउँदै आएका छन् ।

Related News

सम्बन्धित समाचार

  • वर्षाले हिलाम्मे पोखरा प्रवेशमार्ग

    धनबहादुर गुरुङ चैत्र १६, २०८०
    पोखरा ।  पर्यटकीय राजधानी पोखरालाई संघीय राजधानी सहरसँग जोड्ने पृथ्वी राजमार्ग स्तरोन्तति कार्य जारी नै छ । आँबुखैरेनी–पोखरा करिब ८०…
  • असुरक्षित टहरामा बस्न वाध्य सुरक्षाकर्मी

    आदर्श समाज सम्वाददाता चैत्र १५, २०८०
    ढोरपाटन । खिया लागेका जस्तापाता, उप्किएका भित्ता, धमिराले छियाछिया भएका झ्याल ढोका । छानामा ढुंगाहरूले प्लास्टिक अठ्याइएको छ । यो…
  • गण्डकी सरकारले २०८१ मा ३ दिन बिदा दिने

    आदर्श समाज सम्वाददाता चैत्र १५, २०८०
    पोखरा । गण्डकी प्रदेश सरकारले आउने वर्ष अर्थात् २०८१ सालमा ३ दिन बिदा दिने निर्णय गरेको छ । संघीय सरकारलेभन्दा…
  • किरिया बसेका दाजुभाइ परीक्षामा

    आदर्श समाज सम्वाददाता चैत्र १५, २०८०
    स्याङ्जा। किरियामा बसेका २ दाजुभाइ एसइईमा सहभागी भएका छन् । पुतलीबजार नगरपालिका ४ स्थित सरस्वती मावि परीक्षा केन्द्रबाट संगम क्षत्री…
  • सुरु भयो एसइई, ५ लाख ४ हजार ४ सय १४ विद्यार्थी सामेल

    आदर्श समाज सम्वाददाता चैत्र १५, २०८०
    पोखरा । माध्यमिक शिक्षा परीक्षा (एसइर्ई) बिहीबारदेखि सुरु भएको छ । चैत २७ गतेसम्म सञ्चालन हुने यस वर्षको एसइर्ई परीक्षाको…

hero news full width