Worldlink ads

एन्फाको ३ स्थायी समितिको नेतृत्वमा हेरफेर

आदर्श समाज सम्वाददाता
असार ३, २०७७
ANFA Nepal

पोखरा । अखिल नेपाल फुटबल संघ (एन्फा) ले आफू मातहातका ३ वटा स्थायी समितिका संयोजक परिवर्तन गरेको छ ।

अखिल नेपाल फुटबल संघको मंगलबार बसेको आपतकालीन बैठकले एन्फाको स्थायी समितिको नेतृत्वमा व्यापक हेरफेर गरेको हो । एन्फा अध्यक्ष कर्मा छिरिबब शेर्पाले समितिहरु निस्क्रिय अवस्थामा रहेकोले परिवर्तन गरिएको बताएका छन् ।

एन्फा बरिष्ठ उपाध्यक्ष पंकजबिक्रम नेम्वाङ संयोजक रहेको पदपूर्ति समितिको संयोजकको जिम्मेवारी मानार्थ उपाध्यक्ष शिक्षित पराजुलीलाई पाएका छन् । नेम्वाङ नै संयोजक रहेको संघ सदस्य समितिको संयोजकको जिम्मेवारी एन्फा उपाध्यक्ष वीरबहादुर खड्कालाई पाएका छन् ।

एन्फाले जनाए अनुसार रत्नकुमार श्रेष्ठले फुटसल समितिको संयोजकको जिम्मेवारी पाएका छन् । यसअघि, फुटसल समितिमा दावा लामा संयोजक थिए । सदस्य लामा पनि एन्फा अध्यक्ष शेर्पासँग असन्तुष्ट रहँदै आएका छन् । तीनवटै समितिको अन्य सदस्यहरु भने यथावत रहने एन्फाले जनाएको छ ।

बैठकले संघको बाँकी कार्यकालको अवधिका लागि संघको मानार्थ अध्यक्ष पदमा टासी घलेलाई मनोयन गरेको छ । करिब १७ महिना अघि एन्फा केन्द्रीय समितिले घलेलाई बर्खास्त गरेको थियो । घले तेस्रो पटक एन्फाको मानार्थ अध्यक्षमा मनोनीत भएका हुन् ।

एन्फाले जारी विज्ञप्तीमा भनेको छ, ‘धारा २० बमोजिम संघको बाँकी कार्यकालको अवधिका लागि संघको मानार्थ अध्यक्ष पदमा टासी घलेलाई मनोयन गरिएको छ ।’

नरेन् श्रेष्ठ एन्फा अध्यक्ष हुँदा घले पहिलो पटक मानार्थ अध्यक्ष मनोनित भएका थिए । पछि फेरि शर्पाको नेतृत्वमा निर्वाचित कार्यसमितिले उनलाई दोस्रो पटक मानार्थ अध्यक्ष बनाएको थियो । घलेलाई पछिल्लो पटक २०७५ माघको ३ गते एन्फा कार्यसमितिले बर्खास्त गरेको थियो ।

एन्फाको निर्णयप्रति भने वरिष्ठ उपाध्यक्ष पंकजविक्रम नेम्वाङले घोर आपत्ति जनाएका छन् । एन्फाको अपतकालिन समितिको बैठकबाट सोमबार नै घलेलाई मनोनयन गर्ने तयारी भएपनि समितिका सदस्य समेत रहेको वरिष्ठ उपाध्यक्ष पंकज नेम्बाङ उपस्थित नभएपछि बैठक स्थगित भएको थियो । त्यसलपछि एन्फा अध्यक्ष कर्मा छिरिङ शेर्पाले मंगलबारका लागि कार्यसमितिको आपकालिन बैठक डाकेका थिए । नेम्बाङ मंगलबारको बैठकमा पनि उपस्थित भएनन् ।

बैठकले असोजमा दशरथ रंगशालामा हुने विश्व कप छनोटका लागि जुलाई महिनाबाट राष्ट्रिय फुटबल टोलीको तयारी सुरु गर्ने निर्णय समेत गरेको छ । त्यसका लागि सम्बन्धित सबै निकायसँग सहकार्य गर्ने पनि उल्लेख गरेको छ ।

एन्फा बैठकले छानविन समितिको प्रतिवेदनका आधार देखाउँदै भक्तपुर जिल्ला फुटबल संघलाई पुनर्गठन गरेको छ ।किशोर हेक्काको अध्यक्षतामा १३ सदस्यीय भक्तपुर जिल्ला तदर्थ समिति गठन गरेको हो । एन्फाले विज्ञप्ती जारी गर्दै कोभिड १९ का कारण सरकारले गरेको लकडाउनको पूर्ण रुपमा अन्त्य भए पश्चातको ६ महिना भित्रको कार्यदेश रहने गरि तदर्थ समिति गठन गरेको उल्लेख गरेको छ ।

Related News

सम्बन्धित समाचार

    • नेपालकै पहिलो फुटसल लिग गर्न पोखरा तयार

      धनबहादुर गुरुङ भाद्र २९, २०७८
      पोखरा । अखिल नेपाल फुटबल संघ (एन्फा) ले नेपालमै पहिलो पटक पोखरामा फुटसल लिग गर्दै छ । एन्फाअन्तर्गतको एन्फा फुटसल…
    • स्पोर्टस् क्यासललाई अंशुभराको साथ

      आदर्श समाज सम्वाददाता भाद्र २८, २०७८
      पोखरा । नेसनल फुटसल लिग खेल्ने पोखरेली टिम स्पोर्टस् क्यासललाई अंशुभरा गु्रपले साथ दिने भएको छ । अटोमोबाइल, रियलस्टेट, हस्पिटालिटी,…
    • कास्की तेक्वान्दो संघको पदस्थापन

      आदर्श समाज सम्वाददाता भाद्र २१, २०७८
      पोखरा  । कास्की जिल्ला तेक्वान्दो संघको अधिवेशनबाट निर्वाचित कार्यसमितिको पदस्थापन भएको छ । कास्की जिल्ला तेक्वान्दो संघका निवर्तमान अध्यक्ष एवं…
    • दीपक परियारलाई सहारा खेलकुद पत्रकारिता पुरस्कार

      आदर्श समाज सम्वाददाता भाद्र १८, २०७८
      पोखरा, १८ भदौ । यस वर्षको सहारा खेलकुद पत्रकारिता पुरस्कारबाट दीपक परियार पुरस्कृत हुने भएका छन् । सहारा क्लब पोखराले…
    • पोखरामा हाप्किडोको बन्द प्रशिक्षण

      आदर्श समाज सम्वाददाता भाद्र १४, २०७८
      पोखरा । गण्डकी प्रदेशका अर्थ मन्त्री रामजीप्रसाद बराल जीवनले केही सिमित व्यक्तिहरुले खेलकुदलाई सोखको रुपमा मात्र प्रयोग गर्नाले नेपाली खेलकुद…

    hero news full width

    Jewellery

    sanil ads

    wordlink ads