Worldlink ads

पूर्वी नवलपरासीमा संक्रमितको संख्या ४९ पुग्यो

आदर्श समाज सम्वाददाता
असार २, २०७७
Coronavirus_world_2

नवलपरासी, २ असार । पूर्वी नवलपरासीमा कोरोना भाइरसबाट संक्रमितको संख्या ४९ जना पुगेको छ । मंगलबार विहान ३ जनामा कोरोना भाइरस पुष्टि भएसँगै संक्रमितको संख्या ४९ जना पुगेको हो ।

जिल्ला जनस्वास्थ्य कार्याल्य नवलपुरका प्रमुख केशव चापागाईका अनुसार मंगलबार पोखरा र चितवनमा गरी नवलपुरको १ सय ५ जनाको पिसिआर रिपोर्ट आएकोमा ३ जनामा कोरोना भाइरस पोजेटिभ देखिएको हो ।चापागाईले मंगलबार कावासोती ३ का ३७ वर्षीय पुरुष, मध्यविन्दु नगरपालिका १० का १९ वर्षीय पुरुष र विनयी त्रिवेणी गाउँपालिका २ का १८ वर्षीय पुरुष गरी ३ जनामा मंगलबार कोरोना भाईरस पोजेटिभ देखिएको हो ।

संक्रमित ३ जनालाई नै उपचारका लागि रजहरमा रहेको प्राकृतिक चिकित्सालयमा लैजाने तयारी भईरहेको चापागाईले बताए । चापागाईका अनुसार भरतपुरको प्रशोगशालामा मंगलबार गैडाकोट नगरपालिकाका २५ जनाको पिसिआर रिपोर्ट आएकोमा उनीहरुको सबैको रिपोर्ट नेगेटिभ आएको छ ।त्यसैगरी कावासोती नगरपालिकाको ५२ जनाको पिसिआर रिपोर्ट आउँदा १ जनामा पोजेटिभ र ५१ जनामा नेगेटिभ आएको हो ।

उता पोखरामा गरिएको परीक्षणमा मध्यविन्दु नगरपालिकाको २५ पिसिआर रिपोर्ट आउँदा २४ जनामा नेगेटिभ आएको छ भने १ जनाको पोजेटिभ आएको छ । त्यसैगरी विनयी त्रिवेणी गाउँपालिकाको ३ जनाका पिसिआर रिपोर्ट आएकामा २ जनाको नेगेटिभ आएको छ भने १ जनाको पोजेटिभ आएको चापागाईले बताए ।

Related News

सम्बन्धित समाचार

    hero news full width

    Jewellery

    sanil ads

    wordlink ads