पाेखरा, २८ जेठ। गण्डकी प्रदेशमा थप १ जनामा काेराना संक्रमण पुष्टि भएकाे छ।

गण्डकी प्रदेश स्वास्थ्य निर्देशनालयले पूर्वी नवलपरासीको देवचुली नगरपालिकाका ४० बर्षीय पुरुषमा कोरोना संक्रमण पुष्टि भएको जनाएकाे छ।

यो सहित नवलपुरमा संक्रमितको संख्या ३५ पुगेको छ भने गण्डकी प्रदेशमा संक्रमितको संख्या १४५ पुगेको छ। गत २२ गते स्वाब संकलन गरेर पठाइएको १७ जनाको पिसिआर रिपोर्ट ७ दिन पछि आज आएको हो । बाँकी १६ जनाको रिपोर्ट भने नेगेटिभ आएको छ । देवचुली नगरपालिकामा यो सहित संक्रमितको संख्या ६ पुगेको छ भने एक जना निको भएर फर्किएका छन्।

त्यसैगरी गण्डकी प्रदेश स्वास्थ्य निर्देशनालयले पोखराबाट उपचारका लागि काठमाडौं पठाइएका व्यक्तिकाे सम्पर्कमा आएका सबै ३९ जनाको काेरोना संक्रमण रिपोर्ट  नेगेटिभ आएको जनाएको छ ।