पोखरा, २६ जेठ । पोखरामा उपचारक्रममा ज्यान गुमाएका कोरोना संक्रमित एक पुरुषको शव १४ घण्टा बित्दासम्म व्यवस्थापन हुन सकेको छैन ।
स्याङ्जा वालिङ वडा–३ घर भइ ४ दिनदेखि पोखरा स्वास्थ्य विज्ञान प्रतिष्ठानमा उपचार गराइरहेका ५८ वर्षीय पुरुषको आइतबार राति ११ बजेर २५ मिनेटमा मृत्यु भएको थियो । उनको मृत्युको लामो समय बित्दासमेत शव व्यवस्थापन हुन नसकेको हो ।
कोरोना संक्रमित व्यक्तिको मृत्युपछि शव व्यवस्थापन संयोजक सम्बन्धित जिल्लाका प्रमुख जिल्ला अधिकारी हुने कार्यविधिमा उल्लेख छ । यसबारे कास्की प्रजिअ ज्ञानप्रसाद ढकालले पोखराको हरियोखर्क नजिक शव गाडिने जनाए पनि अझसम्म सो प्रक्रिया अघि बढेको छैन । उनका अनुसार शव व्यवस्थापन जिम्मा नेपाली सेनाको फूलबारी व्यारेक भगवती दललाई दिइएको छ भने लोकेसन खोज्ने काम पोखरा महानगरको हो ।
यस सम्बन्धमा महानगरका सूचना अधिकारी भरतराज पौडेलले दुःिखत स्वरमा भने, ‘जहाँ गए’नि विरोध गर्छन् । एकछिन पख्नोस् है, हुँदैछ ।’ प्रजिअले भनेअनुसार हरियो खर्क नजिक गाडिने भनिएपछि स्थानीयको विरोधपछि खाल्डो खन्न गएको महानगरको जेसीबी पनि फर्किएको छ । पोखरा महानगरले लोकेसन पहिचानको टुंगो लगाउन नसक्नु र स्थानीयको विरोध हुँदा कहाँ लगेर गाड्ने भन्नेबारे अन्यौल सिर्जना भएको छ ।
पोखरा स्वास्थ्य विज्ञान प्रतिष्ठानका निर्देशक डा. अर्जुन आचार्यले शव व्यवस्थापन कार्य स्थानीय निकायको समन्वयमा जिल्ला प्रशासनले गर्ने हुँदा यसबारेमा आफूलाई थाहा नहुने स्पष्ट पारे । यस्तै, फूलबारी व्यारेकले भने आफ्नो टिम तयार रहेको र फिल्ड टुंगो लागेपछि सेनाले समन्वय गर्ने जनाएको छ । भारतबाट वालिङ फर्केका ५८ वर्षीय ती पुरुषलाई वालिङमा क्वारेन्टाइनमा राखिएकोमा स्वास्थ्यमा समस्या देखिएपछि भोलिपल्टै २२ जेठमा पोखरामा उपचारार्थ ल्याइएको थियो । उनकी छोरीसमेत पोखरामा नर्स रहेकोले छोरीको जोडबलमा पोखरा ल्याइएको पारिवारिक सूत्रले जनाएको छ ।
सुरुवातमा पोखरा स्वास्थ्य विज्ञान प्रतिष्ठानको प्रि–आइसोलेसन बार्डमा राखिएकोमा २५ जेठमा कोरोना पुष्टि भएपछि आइसोलेसनमा सारिएको थियो ।जटिल समस्याले आइतबार राति निधन भएको हो । उनको उपचारक्रममा कोरोना पुष्टि नहुञ्जेलसम्म आमा र छोरी पनि प्रत्यक्ष सम्पर्कमा थिए । मृत्यु भएका ती पुरुषमा किड्नी, मधुमेह लगायत रोगबाट ग्रसित रहेको पोखरा स्वास्थ्य विज्ञान प्रतिष्ठानका निर्देशक सहप्राध्यापक डा. अर्जुन आचार्यले प्रेषित गरेको विज्ञप्तिमा उल्लेख छ ।गण्डकीमा कोरोनाबाट मृत्यु हुने यो पहिलो घटना हो । योसँगै नेपालमा कोरोना संक्रमितको मृत्यु १४ पुगेको छ ।
Related News
सम्बन्धित समाचार
चोटिलो बन्दै गण्डकीको संसदीय राजनीति
पुरानो पोखरा जोगाउन पहल: मेयर आचार्य
सुदुरपश्चिममा सोडारी मुख्यमन्त्री नियुक्त
प्रेमील गजलकारको भावपूर्ण बिदाइ
अधिवेशन आह्वानप्रति कांग्रेसको आपत्ति, द्वन्द्व निम्तिन सक्ने चेतावनी
hero news full width
मुख्य समाचार
गण्डकी प्रदेश सभाको अधिवेशन आह्वान
गण्डकीमा अधिवेशन डाक्न सिफारिस, मुख्यमन्त्रीले विश्वासको मत लिँदै
वैशाख ५, २०८१दृष्टिविहीनलाई बाटो देखाउँदै गुगल
वैशाख ४, २०८१प्रकट पगेनी ‘शिव’ को निधन
वैशाख ४, २०८१कामचलाउ मुख्यमन्त्री अधिकारी विश्वासको मत लिने तयारीमा
वैशाख ४, २०८१फेरि बढ्यो पेट्रोल, डिजेल र मट्टितेलको भाउ
वैशाख ३, २०८१