गण्डकीमा थपिए सातामै झण्डै सय संक्रमित

Bijay Nepal विजय नेपाल
जेठ २५, २०७७
virus upward trend

पोखरा, २५ जेठ । गण्डकी प्रदेशमा आइतबार बिहान एकैपटक ३८ नयाँ कोरोना संक्रमित थपिएको खबर संचार भयो। अन्य प्रदेशमा ह्वात्तै कोरोना संक्रमित बढ्दा गण्डकीले भने अघिल्लो सातासम्म एक–दुईमात्र गन्दै आएको थियो। आइतबार पुष्टि भएका संक्रमितको संख्या पछिल्लो २४ घण्टामा सबैभन्दा उच्च हो। योसँगै प्रदेशमा कुल संक्रमित संख्या १ सय १३ पुगेको छ।

प्रदेशअन्तर्गत बागलुङमा गत १५ चैतमा पहिलोपटक कोरोना पुष्टि भएको थियो । त्यहाँका २ जना संक्रमित उपचारपछि डिस्चार्ज हुँदा प्रदेशलाई १३ बैशाखमा ‘ग्रिन जोन’ समेत घोषणा गरिएको थियो । लामो समयसम्म यहाँ कोरोना पुष्टि भएन । बैशाख मसान्तमात्र नवलपुरमा एक पुरुषमा कोरोना देखियो । जेठ महिना सुरु हुँदा प्रदेशमा मात्र ३ जना कोरोना संक्रमित थिए । यसरी नगण्य संख्यामा भेटिँदा प्रदेशलाई अन्यको तुलनामा सुुरक्षित ठहरिएको भएपनि पछिल्ला दिनमा एकपछि अर्को संक्रमित बढ्दै गएका हुन्।

हालसम्म प्रदेशका ११ मध्ये मनाङ र मुस्ताङ बाहेक ९ जिल्लामा कोरोना फैलिएको छ

हालसम्म प्रदेशका ११ मध्ये मनाङ र मुस्ताङ बाहेक ९ जिल्लामा कोरोना फैलिएको छ । गत १८ जेठमा प्रदेशमा संक्रमितको संख्या मात्र २४ थियो । क्रमशः २० गते ३७, २२ गते ५४, २४ गते ७५ हुँदै २५ गते १ सय १३ पुगेका हुन् । यसरी हेर्दा सातामै संक्रमित संख्या झण्डै सय अर्थात ८९ जना थपिएका हुन्।

उनीहरु अधिकांश छिमेकी देश भारतमा रोजगारीका लागि गएर फर्किएकाहरु छन् । प्रदेश स्वास्थ्य निर्देशनालयका अनुसार आइतबार संक्रमित पुष्टि भएकामध्ये स्याङ्जाका १४, गोरखाका १०, बागलुङका १० र नवलपुरका ४ जना छन् । १७ देखि ५२ वर्ष उमेर समूहका उनीहरु सबै पुरुष हुन् । सबैजना भारतबाट फर्किएर सम्बन्धित जिल्लाको पालिकामा निर्मित क्वारेन्टाइन बस्दै आएका थिए।

स्याङ्जा वालिङ नगरपालिकाका १३, भीरकोट नगरपालिकाका १, बागलुङ बडिगार्डका ९, ढोरपाटनका १, गोरखा गण्डकी गाउँपालिकाका ९, पालुङटारका १ र नवलपुर हुप्सेकोटका ४ जनामा शनिबार पोखरास्थित स्वास्थ्य विज्ञान प्रतिष्ठानको प्रयोगशालामा भएको परीक्षणमा संक्रमण फेला परेको स्वास्थ्य निर्देशक डा. विनोदबिन्दु शर्माले विज्ञप्तिमार्फत जनाए। प्रदेश राजधानी पोखरा रहेको कास्कीमा ४ संक्रमित छन्।

शुक्रबार र शनिबार गरी कास्कीका ४ मध्ये १ जनाको काठमाडौंको एक निजी अस्पतालमा उपचार भइरहेको छ भने ३ को पोखरा स्वास्थ्य विज्ञान प्रतिष्ठानको आइसोलेसन बार्डमा उपचार भइरहेको छ।

Related News

सम्बन्धित समाचार

    • प्रधानमन्त्रीले १ महिनाभित्र विश्वासको मत लिनुपर्ने

      Avatar आदर्श समाज सम्वाददाता वैशाख ३१, २०७८
      काठमाडौं । नवनियुक्त प्रधानमन्त्री केपी शर्मा ओलीले अबको तीस दिनभित्र प्रतिनिधिसभामा विश्वासको मत प्राप्त गनुपर्ने संवैधानिक स्थिति रहेको छ ।…
    • बागलुङको निसीखोलामा माटोको ढिस्कोले पुरिएर आमाछोराको निधन

      Avatar आदर्श समाज सम्वाददाता वैशाख ३१, २०७८
      पोखरा । बागलुङको निसीखोलामा माटोको ढिस्कोले पुरिएर आमा छोराको मृत्यु भएको छ । शुक्रबार दिउँसो निसीखोला गाउँपालिका २ काल्नेचौरमा घर…
    • ओलीको क्याबिनेटमा सबै पुरानै मन्त्री

      Avatar आदर्श समाज सम्वाददाता वैशाख ३१, २०७८
      पोखरा । नवनियुक्त प्रधानमन्त्री केपी शर्मा ओलीले पुरानै मन्त्रीलाई नियुक्त गरेर मन्त्रीमण्डल गठन गरेका छन् । माओवादी त्यागेर एमालेमा आएका…
    • ओलीपछि ईश्वर पोखरेलले लिए सपथ

      Avatar आदर्श समाज सम्वाददाता वैशाख ३१, २०७८
      पोखरा । नवनियुक्त प्रधानमन्त्री केपी शर्मा ओलीले सपथ लिएलगत्तै उपप्रधानमन्त्री ईश्वर पोखरेलले सपथ लिएका छन् । शीतल निवासमा आयोजित विशेष…
    • प्रधानमन्त्री ओलीले लिए सपथ

      Avatar आदर्श समाज सम्वाददाता वैशाख ३१, २०७८
      पोखरा । नवनियुक्त प्रधानमन्त्री केपी शर्मा ओलीले सपथ लिएका छन् । शीतल निवासमा भर्खरै आयोजित विशेष समारोहमा राष्ट्रपति विद्यादेवी भण्डारीले…

    hero news full width

    sanil ads

    wordlink ads