पाल्पा, २३ जेठ । पाल्पाको मुख्य सडक तानसेन–हार्थोक सडक विस्तारको कामले तीव्रता पाएको छ । तानसेन–तम्घास सडकअन्तर्गत तानसेन नगरपालिकाभित्र पर्ने सडक चौडा बनाउने काम भएको हो । ‘लकडाउन’को अवधिमा पनि तानसेन नगरपालिकाले बतासेडाँडा, ढुङ्गाखानी, सम्मोबारी, सामाकोट र बाहुनडाँडासम्म सडक विस्तारको कामलाई निरन्तरता दिएको तानसेन नगरपालिकाका प्रमुख अशोककुमार शाहीले बताए ।
तानसेन नगरपालिकाको आर्थिक वर्ष २०७६/७७ को रु ८३ लाख बजेटमा तानसेनदेखि रिब्दीकोट गाउँपालिकाको पूर्वी सिमाना बाहुनडाँडासम्म सडक चौडा गर्ने काम भइरहेको इन्जिनीयर रामप्रसाद श्रेष्ठले बताए । सडकको चौडाइ पराकिलो बनाउने काम झण्डै ७० प्रतिशत सम्पन्न भएको उनको भनाई छ । “सडकको माथिल्लो र तल्लो भागमा पर्खाल लगाउने, बाहुनडाँडा क्षेत्रमा झण्डै २५० मिटर सडक फराकिलो र वनदेवी क्षेत्रमा रुख कटान गर्नेबाहेकका काम पूरा भएको छ”, उनले भने “चालू आवको असार २५ गतेभित्र सडक विस्तारका काम सबै पूरा हुने गरी कार्य भइरहेको छ ।”
तानसेन-हार्थोक सडकमा गुल्मी, अर्घाखाँची, बागलुङ, पाल्पाको ग्रामीण क्षेत्र र रैनादेवी छहराको सिद्देश्वरबाट चुनढुङ्गा बोकेर दैनिक सयौँ साना तथा ठूला सवारी साधन आवतजावत गर्दा सडक अवरुद्ध बन्दै आएको थियो । पाल्पाकै प्रसिद्ध भैरवनाथ मन्दिर र पाल्पा, गुल्मी, स्याङ्जा जिल्लाको सङ्गमस्थल रिडी आउनेजाने पर्यटक यही सडक प्रयोग गर्ने भएकाले यातायातको चाप बढ्दो रहेको स्थानीय बासिन्दाको भनाइ छ ।
साँघुरो सडकमा साना तथा ठूला यातायातका साधनको चाप बढ्दो थियो । पाँच ६ किलोमिटर सडक फराकिलो हुँदा आवतजावतमा सहज भएको तानसेन नगरपालिकाका प्रवक्ता तथा वडा नं. ११ का वडाध्यक्ष दामोदर घिमिरेले बताए । सडकको स्तरोन्नति भएपछि यातायातका साधन सञ्चालनमा सहज भएको उनको भनाइ छ । सवारी चापका कारण लामो समय सडक जाममा रहनुपर्ने बाध्यता टरेको सवारीचालक रामबहादुर बम्रेलले बताए । हार्थोकदेखि तानसेनसम्मको सडक साँघुरो हुँदा रोकेकोरोकै गर्नुपर्ने अवस्था अहिले हटेको चालक बम्रेलको दाबी छ । यात्रा सहज र छिटो हुने भएपछि चालक तथा यात्री दुबै खुशी छन् ।
कालोपत्रका लागि टेण्डर आह्वान
सडक डिजिभन कार्यालय पाल्पाका प्रमुख केदारप्रसाद नेपालले तानसेन–हार्थोकअन्तर्गत सडकमा कालोपत्रका लागि टेण्डर आह्वान गरिएको बताए । यसै आवमा सम्पन्न हुने गरी रु दुई करोडको लागतमा कालोपत्र हुने उनले बताए ।
ढुङ्गाखानी हार्थोक सडक खण्डमा सडकको सामान्य मात्रामा कटिङ, पर्खाल निर्माण, कालोपत्र र नालीको काम गर्न १५ दिनको म्याद राखी टेण्डर आह्वान गरिएको उनले बताए । पाल्पा क्षेत्र नं २ का सांसद सोमप्रसाद पाण्डेको पूर्वाधार विकास कार्यक्रमअन्तर्गतको बजेटमार्फत कालोपत्र हुने सडक डिभिजन कार्यालयका इन्जिनीयर सुवी खत्रीले बताए ।
तानसेन–बर्तुङ, रिडीको टेण्डर
पाल्पाको तानसेन–बर्तुङ सडकको स्तरोन्नति हुने भएको छ । पूर्वाधार विकास कार्यक्रमअन्तर्गत रु दुई करोड बजेटमा कटिङ, नाली, पर्खाल, कालोपत्र काम हुने सूचना अधिकारी खत्रीले बताए ।
एक हजार ५०० मिटर सडकको स्तरोन्नति हुने र आठदेखि १० मिटरसम्म सडक चौडा बनाउने काम यसै आवमा सम्पन्न गर्ने गरी टेण्डर आह्वान गरिएको छ । त्यसैगरी रिडी–हार्थोक सडक खण्डको स्तरोन्नति हुनेछ । सूचना अधिकारी खत्रीले तीनवटा सडकको स्तरोन्नतिका लागि टेण्डर आह्वान गरिसकिएको जानकारी दिए ।
Related News
सम्बन्धित समाचार
लोकतन्त्रका १८ वर्ष : लोकतन्त्रले छोएन लोकलाई
कामचलाउ सरकारको आयु लम्बियो
गण्डकी सरकारविरुद्दको मुद्दा हेर्दाहेर्दैमा, आज टुंगो लागेन
कतारी राजा नेपाल आउने दिन भोलि सार्वजनिक बिदा
गण्डकी सरकार विरुद्धको रिट सपना र सारंगाको बेन्चमा
hero news full width
मुख्य समाचार
मुग्लिन–पोखरा सडक विस्तार : म्याद सकियो, काम अधुरै
कास्कीका सहकारी पीडित एउटै मोर्चामा : बन्यो संयुक्त संघर्ष समिति
वैशाख १०, २०८१अधिकारी सरकारको भविष्य के होला ? सर्वाेच्चमा सुनुवाइ आज
वैशाख १०, २०८१कास्कीका सहकारी पीडित एउटै मोर्चामा, बन्यो संयुक्त संघर्ष समिति
वैशाख ९, २०८१मिटरमा जान नमान्ने ट्याक्सी फन्दामा
वैशाख ९, २०८१मन्त्री चुमानले सम्हाले अर्थ मन्त्रालयको कार्यभार, लगानी सम्मेलन प्राथमिकतामा
वैशाख ९, २०८१