Worldlink ads

लक्ष्मण ऐरले जिते भर्चुअल तेक्वान्दो पुम्सेको स्वर्ण पदक

आदर्श समाज सम्वाददाता
जेठ २३, २०७७
Laxman Airee, Virtual Taiquando Pumse

पोखरा । नेपाल प्रहरीका तेक्वान्दो प्रशिक्षक एवं अन्तर्राष्ट्रिय खेलाडी लक्ष्मणबहादुर ऐरले भर्चुअल तेक्वान्दो पुम्सेको प्रतिस्पर्धामा स्वर्ण पदक जितेका छन् ।

अमेरिकाको पोर्टल्यान्डमा ४ जुनबाट जारी पुम्सेको भर्चुअल प्रतिस्पर्धामा नेपालबाट सहभागी लक्ष्मणले २० भन्दा बढी देशको सहभागी खेलाडीलाई पछि पार्दै स्वर्ण पदक जितेका हुन् । प्रतियोगिता अन्तर्गत ५० वर्षमुनीको उमेरसमूहको प्रतिस्पर्धामा स्वर्ण पदक जितेका हुन् । उनले बिहीबार राती ११ बजे भएको लाइभ प्रतिस्पर्धामा ६.७३ अंक बटुल्दै स्वर्ण पदक हात पारे ।

त्यस्तै महिलातर्फ ४० वर्ष मुनिको विधामा रेखमाया गुरुङले काश्य पदक प्राप्त गरेकी छिन् । नेपालबाट ६ खेलाडी सहभागी बनेकोमा भने सुस्मिता केसी र दावा शेर्पाको खेल हुन बाँकी छ । त्यस्तै अन्य खेलाडी विवेक राई र आशिष चन्द बाहिरिएका छन् ।

यसअघि, पहिलोपटक युरोपमा भएको प्रतिस्पर्धा युरोपियन पुम्से र विश्व पुम्से च्याम्पियनसीपमा पनि लक्ष्मणले सहभागीता जनाएका थिए । उनले त्यसअघि लामो समयसम्म प्रशिक्षण बिहिन भएकाले खेलमा असर परिरहेको बताउँदै आएका थिए । पछिल्लो समयमा सहभागी बनेका तेस्रो प्रतियोगितामा भने उनी स्वर्ण पदक प्राप्त गर्न सफल भए । त्यसले पनि उनी अहिले नियमित प्रशिक्षणमा व्यस्त छन् ।

यसअघि, फ्रान्समा सम्पन्न विश्व पुम्से च्यम्पियनसीपमा ३० वर्षमुनी पुरुषतर्फ नेपालबाट सहभागी बनेका तीन खेलाडीले स्वर्ण, रजत र कांस्य पदक जितेका थिए । महिलातर्फ पनि पार्वती गुरुङले नेपालको तर्फबाट पदक प्राप्त गरेकी थिइन् ।

कोरोना भाइरसको जोखिमलाई न्यूनीकरण गर्नका लागि विश्वभरी खेलकुद प्रतिबन्धजस्तै बनेको समयमा पनि भर्चुअल तेक्वान्दोको पुम्से विधामा खेलाडीले प्रतिस्पर्धा गरेका हुन् । हाल अमेरिकाको पोर्टल्यान्डमा अनलाइनमार्फत पुम्सेको विश्वस्तरीय र युरोपियन प्रतिस्पर्धा गराइएको हो । अमेरिकामा संचालन भइरहेको प्रतियोगिता जुन ७ सम्म चल्नेछ ।

Related News

सम्बन्धित समाचार

    • स्पोर्ट्स क्यासल लगातार शीर्षमा

      आदर्श समाज सम्वाददाता असाेज १२, २०७८
      पोखरा  । पोखरामा जारी ‘ए’ डिभिजन फुटसल लिगअन्तर्गत सोमबारको खेलमा फुटसल फाइभ, प्रभातफेरी र स्पोट्र्स क्यासल विजयी भए । पहिलो…
    • म भन्छु–‘गो राइनोज गो’

      विनोद लामिछाने असाेज ११, २०७८
      नेपाली क्रिकेट प्रेमीहरुले लामो समयदेखि धैर्यताका साथ प्रतीक्षा गरिरहेको एभरेस्ट प्रिमियर लिगको चौंथो संस्करण शनिबारदेखि त्रिवि क्रिकेट मैदानमा सुरु भएको…
    • प्रदेशस्तरीय तेक्वान्दो प्रतियोगिता

      आदर्श समाज सम्वाददाता असाेज १०, २०७८
      पोखरा  । बागलुङको विकट क्षेत्र बोबाङमा प्रदेशस्तरीय तेक्वान्दो प्रतियोगिता भएको छ । ढोरपाटन ८, बोबाङमा पहिलो प्रदेशस्तरीय तथा दोस्रो बागलुङ…
    • लेकसाइड डोजाङद्वारा प्रमाणपत्र प्रदान

      आदर्श समाज सम्वाददाता असाेज ९, २०७८
      पोखरा, ९ असोज । लेकसाइड डोजाङले आफ्ना प्रशिक्षार्थी हिना सुनारलाई पुम/डान सर्टिफिकेट प्रदान गरेको छ । पोखरामा शनिबार आयोजित समारोहमा…
    • फुटसल लिग : रेफ्रीको निर्णयमा सबै क्लब असन्तुष्ट

      आदर्श समाज सम्वाददाता असाेज ९, २०७८
      पोखरा । अखिल नेपाल फुटबल संघ (एन्फा) को आयोजनामा पोखरामा जारी राष्ट्रिय ‘ए’ डिभिजन फुटसल लिगमा क्लबहरुले रेफ्रीको निर्णयप्रति असन्तुष्टि…

    hero news full width

    Jewellery

    sanil ads

    wordlink ads