एपीएफका ४ खेलाडीको बढुवा, पदोन्नती भएका खेलाडीलाई दज्र्यानी चिन्ह प्रदान

Avatar आदर्श समाज सम्वाददाता
जेठ २३, २०७७

पोखरा । नेपाल एपीएफ क्लब, फुटबलकी कप्तान अनु लामा हवल्दारमा बढुवा भएकी छिन् ।

अनुसँगै राष्ट्रिय टोलीका पूर्व खेलाडी भगवती थापा, रञ्जना दर्जी र रिता आले पनि हवल्दारमा बढुवा भएका छन् ।

बढुवा भएका उनीहरुले दज्र्यानी चिन्ह प्राप्त गरेका छन् । यसअघि, चारै जना सहायक हवल्दार थिए ।

राष्ट्रिय टोलीकी पूर्व फरवार्ड समेत रहेकी अनु महिला फुटबलमा नेपालका लागि सर्वाधिक गोल गर्ने खेलाडीको दोस्रो स्थानमा छिन् । राष्ट्रिय टोलीका लागि उनले ३५ गोल गरेकी छिन् । उनी भन्दा अगाडि एपीएफकै सावित्रा भण्डारी साम्बाले ३८ गोल गरेकी छन् ।

अनु, २०६३ मा एपीएफमा आबद्ध भएकी हुन् । गत वर्ष अखिल नेपाल फुटबल संघ (एन्फा) ले एन्फा डे का अवसरमा अनुलाई उत्कृष्ट महिला खेलाडीबाट सम्मान गरेको थियो ।