पोखरा । इङ्लिस प्रिमियर लिग क्लबहरुले लिग सुचारु पूर्व मैत्रीपूर्ण खेलहरु खेल्ने अनुमति पाएको छ ।
कोरोना महामारीपछि झन्डै तीन महिनापछि सुरु हुन लागेको इङ्लिस प्रिमियर लिग सुचारु हुनुअघि प्रिमियर लिग आयोजकले इंग्लिस प्रिमियर लिगको खेलअघि क्लबलाई एक अर्कासँग मैत्रीपूर्ण खेल खेल्न अनुमति दिएको हो ।
कोरोनाका कारण मार्च पहिलो सातादेखि स्थगित भएको इङ्लिस प्रिमियर लिग १७ जुनदेखि पुनः सुचारु हुँदैछ ।
प्रिमियर लिग क्लबको प्रदर्शनलाई ध्यानमा राख्दै एक अर्कासँग मैत्रीपूर्ण खेल खेल्न आयोजकले अनुमति दिएको हो ।
मैत्रीपूर्ण खेल क्लबको प्रदर्शन र कमी कमजोरी सुधारका लागि मौका हुन सक्ने प्रिमियर लिग आयोजकले बताएको छ । मार्च पहिलो सातायता, क्लबहरूले प्रशिक्षण र खेल्ने मौका पाएको छैन ।
मैत्रीपूर्ण खेलका लागि क्लबले विभिन्न नियमको पालना गर्नुपर्ने हुन्छ । जहाँ अफिसियल रेफ्री हुनेछैन । क्लबका कोचिङ स्टाफले रेफ्रीको भूमिका निभाउनुपर्ने हुन्छ । मैत्रीपूर्ण खेल ९० मिनेटभन्दा बढी हुनेछैन । खेलाडीहरू आफ्नै कारमा खेल स्थलसम्म पुग्नुपर्नेछ ।
मैत्रीपूर्ण खेलका लागि खेलकुदका सामग्रीहरु खेलाडीहरु स्वयंले लैजानु पर्ने हुन्छ । मैत्रीपूर्ण खेल क्लबको स्टेडियम वा प्रशिक्षण स्थलमा हुनेछ । जहाँ जोखिमलाई पूर्ण रूपमा पालना गरिनेछ । खेलाडीहरूको अनिवार्य कोरोना परीक्षण गरिएको रिपोर्ट हुनुपर्नेछ ।
प्रिमियर लिग पुन सुचारु हुने अवस्था बनेपछि क्लबहरूले झन्डै एक महिना अघिदेखि प्रशिक्षण थालेका हुन् । यसै सातादेखि क्लबहरूले कन्ट्याक्ट प्रशिक्षण थालेका छन् ।
कोरोना महामारीको लकडाउन खुलेसँगै सुचारु हुने प्रिमियर लिगको पहिलो दिन म्यानचेस्टर सिटीले १७ जुनमा आर्सनलसँग खेल्नेछ । सोही दिन सेफिल्ड युनाइटेड र एस्टन भिल्लाबीच पनि अर्को खेल हुनेछ ।
प्रिमियर लिग अन्तर्गत २० जुनबाट ३० औं चरणका खेलहरू हुनेछन् । २५ जुलाईमा यो सिजन सकिनेछ । मर्सिसाइड क्लब लिभरपुल ३० वर्षपछि प्रिमियर लिगको उपाधिनजिक छ । लिभरपुललाई च्याम्पियन बन्न केवल २ जितको खाँचो छ ।
लिभरपुलले दोस्रो स्थानको म्यानचेस्टर सिटीलाई २५ अंकले पछि पारेको छ । लिभरपुलको २९ खेलबाट ८२ अंक छ । सिटीको २८ खेलबाट ५७ अंक छ । बर्नमाउथ, एस्टन भिल्ला र नर्विच सिटी रेलिगेसन जोनमा परेको छ ।
Related News
सम्बन्धित समाचार
तनहुँको फ्रेन्डसीप क्लबलाई फुटबल उपाधि
लेखनाथ हाफ म्याराथनमा आर्मीका सञ्जय च्याम्पियन
वडा ४ ले जित्यो अध्यक्ष कप फुटबल
ढोलाहिटीलाई फुटबल उपाधि
बुद्ध विशालको फुटसल प्रतियोगिता
hero news full width
मुख्य समाचार
कास्कीमा एसइई उत्तरपुस्तिका परीक्षण रोकियो
गण्डकीमा डायलाइसिसका लागि अब पालो कुर्न नपर्ने
वैशाख १२, २०८१स्वदेश फर्किए कतारी अमिर
वैशाख १२, २०८१कतारका अमिरको भ्रमणसम्बन्धी खबर प्राथमिकतामा, विपिनको रिहाइ ‘मुख्य विषय’
वैशाख १२, २०८१रोजगार खोज्दै मेलामा
वैशाख १२, २०८१कतारी अमिरलाई ‘रुद्रकली’ र ‘खगेन्द्रप्रसाद’ !
वैशाख ११, २०८१