भरियाको दुःख ‘नाम्लो’

Avatar आदर्श समाज सम्वाददाता
जेठ १६, २०७७
namro

विश्वव्यापी कोरोनामहामारीपछि जारी लकडाउन कारण समाजमा परेको प्रभाव चित्रण गर्दै नेत्र इन्टरटेनमेन्ट प्रालिले फरक कथामा छोटो फिल्महरु निर्माण गरिरहेको छ । कम्पनीले पाँचौ फिल्म ‘नाम्लो’ युट्युबमार्फत सार्वजनिक गरेको छ ।

यो फिल्ममा निर्देशक नेत्र गुरुङ र पाका कलाकार प्रकाश घिमिरेबीच ‘टिमअप’ भएको छ । पोखराका पछिल्ला छिमलका कलाकारलाई लिएर उनले यसअगाडिका छोटा फिल्म निर्माण र निर्देशन गर्दै आएका थिए।

‘हामीले लकडाउनले नेपाली समाजमा पारेको प्रभावलाई फिल्ममार्फत भन्न खोजेका हौँ । र, यसले समाजमा पारेको विभिन्न पाटो समेट्ने प्रयास गरेका हौँ । नाम्लो यसको पछिल्लो उदाहरण हो,’ निर्देशक नेत्र गुरुङले भने, ‘अग्रज कलाकार प्रकाश घिमिरेसँगको सहकार्यमा हामीले एउटा भुइँमान्छेको कथालाई यो फिल्ममा पेश गरेका छौँ ।’

साँच्चिकै यो चरित्र बाँचिरहँदा मलाई पनि ननिको लाग्यो

गुरुङले ‘नाम्लो’ को कथावाचन शैलीमा पनि आफूले केही फरक गर्न खोजेको बताए । ‘यस्तोखाले वाचनशैली दर्शकलाई केही नयाँ लाग्न सक्छ । तर हामीले पात्रमार्फत एउटा भरियाको कथा देखाउन खोजेका हौँ,’ उनले भने । फिल्ममा अभिनय गरेका प्रकाश घिमिरे पनि यो फिल्मको ‘दानबहादुर’ चरित्र आफ्नो लागि विशेष रहेको सुनाउँछन् । ‘मैले यस्तै मजबुर चरित्र देख्दै आएको छु । साँच्चिकै यो चरित्र बाँचिरहँदा मलाई पनि ननिको लाग्यो,’ उनले भने ।

फिल्ममा अर्का कलाकार विजय अधिकारीको पनि भूमिका छ । उनी यो फिल्ममा पत्रकारको भूमिकामा देखिएका छन् । प्रकाश गुरुङ ‘काश’ले खिचेको फिल्मलाई नेत्र गुरुङ आफैले लेखेका हुन् । फिल्ममा भरत छन्त्यालको सहनिर्देशन छ । कलरिस्ट किरणराज थापा हुन् भने सविन गायक पब्लिसिटी डिजाइनर छन् ।

केही दिन अघिमात्रै काठमाडांैमा एक भरिया नाम्लोलाई साथमा लिएर बाटैमा ज्यान गुमाएका थिए । यद्यपि यो फिल्म सो घटनाअघि नै खिचिएको थियो ।

कम्पनीले यसअघि ‘लकडाउन’, ‘राहत’, ‘बसाइँ’ र ‘घर’ नामक छोटा फिल्म सार्वजनिक गरिसकेको छ ।

Related News

सम्बन्धित समाचार

    • आमा बन्दै नायिका प्रियंका कार्की

      Avatar आदर्श समाज सम्वाददाता चैत्र २१, २०७७
      पोखरा । फेसबुक मार्फत नायिक प्रियंका कार्कीले आफू आमा बन्न लागेको खुलाएकी छन् । विवाह भएको १ वर्षपछि अभिनेत्री प्रियंका…
    • अब बाँच्छ सिक्लेसी ठाडो भाका

      धनबहादुर गुरुङ धनबहादुर गुरुङ चैत्र १९, २०७७
      पोखरा । पर्यटकीय गाउँ सिक्लेसकी नौमाया गुरुङ सानैदेखि गाउन सिपालु थिइन् । सिक्लेसमा घाटु, सोरठी, कृष्ण चरित्र, कस्केली ठाडोभाका लगायत…
    • अब गुरुङ चलचित्र हलमा नियमित

      Avatar आदर्श समाज सम्वाददाता चैत्र ५, २०७७
      पोखरा । गुरुङ फिल्म एसोसियसन नेपाल (जिफान) ले गुरुङ चलचित्र निर्माण हुन थालेको २५ वर्षपछि हलमै प्रदर्शन गर्ने व्यवस्था मिलाएको…
    • लकडाउनपछि कलाकारको व्यस्तता बढ्दै

      rss रासस चैत्र २, २०७७
      बागलुङ । अहिलेका उम्दा गायक प्रकाश सपुत गत महिनाभर व्यस्त रहनुभयो । फागुनको साङ्गीतिक यात्रालाई शनिबार अछाम महोत्सवमा बिट मार्नुभयो…
    • जितप्रसाद द्वा पत्रकारिता पुरस्कारबाट श्रीराम सिग्देल पुरस्कृत

      Avatar आदर्श समाज सम्वाददाता फागुन २९, २०७७
      पोखरा । जितप्रसाद द्वा पत्रकारिता पुरस्कार–२०७७ बाट श्रीराम सिग्देल पुरस्कृत भएका छन् । चलचित्र पत्रकार संघ नेपाल, कास्कीको शनिबार चौथो…

    hero news full width

    sanil ads

    wordlink ads