स्वतन्त्रको पत्रकार टिमद्वारा राष्ट्रिय सल्लाहकार पहाडीसँग भेटघाट

adarsha samaj आदर्श समाज सम्वाददाता
जेठ १६, २०७७

मोटरसाइकल दुर्घटनामा परी बेडरेष्टमा रहेका स्वतन्त्र पत्रकार संघ नेपालका राष्ट्रिय सल्लाहकार, लमजुङ शाखाका संस्थापक अध्यक्ष एवम् अन्तरङ्गका सम्पादक नवराज पहाडीलाई संघको जिल्ला टिमले भेटघाट गरेको छ ।

बेसीशहरमा उपलब्ध संघका सदस्यहरूको टिमले पहाडीलाई उनले निवासमा गएर भेटघाट गरी स्वास्थ्य अवस्था बुझ्नुका साथै शीघ्र स्वास्थ्यलाभको कामना गरेको हो ।

यसअघि एक्लाएक्लै भेटेर स्वास्थ्य स्थिति बुझ्ने र शीघ्र स्वास्थ्य लाभको कामना गर्दै आएका उनीहरूले शुक्रबार सामूहिक रुपमा भेटघाट गरेका हुन् ।

संघको जिल्ला शाखाका अध्यक्ष कुमारी तामाङको नेतृत्वमा गएको टिममा संघका राष्ट्रिय सदस्य अमृता असीम, निवर्तमान राष्ट्रिय सदस्य सुशील विक, राष्ट्रिय पार्षद चन्द्रकान्त पौडेल, प्रदेश पार्षदद्वय विष्णुकुमार श्रेष्ठ र चन्द्रबहादुर मिश्र, संघका जिल्ला कोषाध्यक्ष सुधा ढकाल लगायत थिए ।

चैत १९ मा मध्यनेपाल नगरपालिकामा सञ्चालिक क्वारेन्टाइन, हेल्प डेक्सहरू तथा लकडाउनको स्थलगत अध्ययन गरी फर्कनेक्रममा बेसीशहर–१, फलिया साँघुमा पहाडी सवार मोटरसाइकल दुर्घटनामा परेको हो ।

स्वतन्त्र पत्रकार संघ नेपालका निवर्तमान महासचिव समेत रहेका पहाडी एक साताको अस्पताल बसाइँपछि चिकित्सकको सल्लाह अनुसार तीनमहिने बेडरेष्टमा छन् ।

पहाडीको नली खुट्टामा ३ टाँका लगाइएको छ भने मेरुदण्डको हड्डी अण्ड थिचिएर चर्किएको हुँदा बेडरेष्ट गर्नुपर्ने भएको हो ।

उनी पछिल्ला दिनमा आफै कुर्चीमा बसेर आफैले खाना खान र शौचालय जान सक्ने भएका छन् ।

हाम्रो सुझाव