१४ खर्ब ६४ अर्बको बजेट सार्वजनिक

Avatar आदर्श समाज सम्वाददाता
जेठ १५, २०७७

पाेखरा, १५ जेठ । सरकारले आर्थिक वर्ष २०७७/७८ को लागि १४ खर्ब ७४ अर्ब ६४ करोड रुपैयाँको बजेट सार्वजनिक गरेको छ । बुधबार संघीय संसद्मा अर्थमन्त्री डा. युवराज खतिवडाले सो बराबरको बजेट पेश गरेका हुन् ।

कुल बजेटमध्ये ९ खर्ब ४८ अर्ब ९४ करोड रुपैयाँ चालु खर्च हुने छ। ३ खर्ब ५२ अर्ब ९१ करोड रुपैयाँ पुँजीगत खर्च हुने छ।

सरकारले ८ खर्ब ८९ अर्ब ६२ करोड रुपैयाँ राजश्व संकलनबाट उठाउने छ। साथै बैदेशिक सहायताबाट ६० अर्ब ५२ करोड रुपैयाँ जुटाउने छ। साथै बैदेशिक ऋणबाट २ खर्ब ९९ अर्ब ५० करोड उठाउने छ भने २ खर्ब २५ अर्ब आन्तरिक ऋण उठाइने भएको छ। सरकारले आगामी बर्ष ७ प्रतिशत आर्थिक बृद्धि हुने लक्ष्य लिएको छ।

सरकारले आगामी बर्ष ७ प्रतिशत आर्थिक बृद्धि हुने लक्ष्य लिएको छ।

चालु बर्ष साढे ८ प्रतिशतको लक्ष्य थियो। तर २.३ प्रतिशत मात्र हाँसिल हुने देखिएको छ।

मूल्य बृद्धिको लक्ष्य चालु भन्दा एक प्रतिशत बिन्दुले बढाएर ७ प्रतिशत प्रक्षेपण गरिएको छ।