संविधान संशोधनका बारेमा छलफल गर्न काँग्रेसकाे केन्द्रीय समिति वैठक बस्दै

Avatar एजेन्सी
जेठ १५, २०७७
thumb

काठमाडौं, १५ जेठ । नेपाली काँग्रेसले जेठ १७ गते केन्द्रीय कार्यसमितिको बैठक बोलाएको छ । पार्टी कार्यालय सानेपामा केन्द्रीय समिति बैठक बोलाइएको हो । बैठकमा केन्द्रीय कार्यसमितिका पदाधिकारी, केन्द्रीय सदस्यहरु तथा आमन्त्रित केन्द्रीय सदस्यहरुलाई अनिवार्य उपस्थितिका लागि निर्देशानुसार अनुरोध गरिएको विज्ञप्तिमा उल्लेख छ ।

बैठकमा संसदमा दर्ता भएको संविधान संशोधन प्रस्ताव सम्बन्धमा छलफल हुनेछ ।केपी शर्मा ओलीले संविधान संशोधनमा राष्ट्रिय सहमतिका लागि सर्वदलीय बैठक बैठकमा काँग्रेसले संविधान संशोधनको पक्षमा दृढ रहेको भन्दै केन्द्रीय कार्यसमिति बैठकबाट संस्थागत निर्णय गर्ने बताएको थियो ।

सरकारले गत शुक्रबार लिम्पियाधुरा, कालापानी र लिपुलेक क्षेत्र समेटिएको नक्सामा निसान छाप परिवर्तन गर्न संसद्मा संविधान संशोधन प्रस्ताव दर्ता गराएको थियो । तर बुधबारको प्रतिनिधिसभाको सम्भावित कार्यसूचीमा रहेको संविधान संशोधन प्रस्ताव हटाइएपछि काँग्रेस केन्द्रीय समिति बैठकलाई देखाइएको थियो ।

तर काँग्रेसले त्यसको खण्डन गरेको छ । काँग्रेस प्रवक्ता विश्वपकाश शर्माले प्रतिनिधिसभाको बुधबारको बैठकको कार्यसूचीबाट ‘नेपालको संविधानलाई संशोधन गर्न बनेको बिधेयक’ हटाइएको बिषय र त्यसमा नेपाली काँग्रेसलाई जोडेर प्रेषित गरिएका समाचारप्रति पार्टीको ध्यान गम्भीरतापूर्वक आकृष्ट भएको बताएका थिए ।

Related News

सम्बन्धित समाचार

    hero news full width

    sanil ads

    wordlink ads