प्रदेश ५ मा सबैभन्दा बढी कोरोना संक्रमित, अर्घाखाँचीमा पनि देखियो

bikramkhadka विक्रम खड्का
जेठ १२, २०७७
province 5

बुटवल, १२ जेठ । प्रदेश ५ मा कोरोना संक्रमित हुनेको संख्या २ सय ९५ पुगेको छ । सोमबार अर्घाखाँचीमा समेत पहिलोपल्ट कोरोना संक्रमित देखिएका छन् । यस्तै, गुल्मीमा थप २ जनामा कोरोना संक्रमित भेटिएका छन् । गुल्मीमा मात्रै कोरोना संक्रमित हुनेको संख्या ३ पुगेको हो।

प्रदेश ५ को भैरहवास्थित प्रदेश जनस्वास्थ्य प्रयोगशालाको परीक्षणमा गरिएको परीक्षणमा उनीहरुमा कोरोन संक्रमित पुष्टि भएको हो।

अर्घाखाँचीको पाणिनीको क्वारेन्टाइनमा रहेकामध्ये २ जना र गुल्मीको धुर्कोटको क्वारेन्टाइनमा रहेकाहरु भएको प्रयोगशालाले जनाएको छ। यस्तै कपिलवस्तुका थप २ जना र रुपन्देहीका १ जनामा कोरोना पोजेटिभ देखिएको छ।

कपिलवस्तुको मायादेवी गाउँपालिकाको क्वारेन्टाइनमा बसेका १ र अर्का कपिलवस्तुकै अस्पतालका बिरामी रहेको जनाइएको छ । रुपन्देहीमा लुम्बिनी प्रादेशिक अस्पतालका विरामीमा कोरोना पुष्टि भएको हो । सबैजना पुरुष हुन्।

मुलुकका कुल ७ प्रदेशमध्ये सबैभन्दा धेरै संक्रमित हुने प्रदेशमा ५ का छन् । सबैभन्दा बढी बाँकेका छन्।

नेपालमा कोरोनाबाट ज्यान गुमाउने कुल ४ मध्ये प्रदेश ५ का २ जना छन् । जेठ ४ मा बाँके नरैनापुरका क्वारेन्टाइनमा बसेका २५ वर्षीय पुरुष र जेठ ८ मा गुल्मीका ४१ वर्षीय शिक्षकको मृत्यु भएको हो।

Related News

सम्बन्धित समाचार

    hero news full width

    मुख्य समाचार

    sanil ads

    wordlink ads