भारतबाट आएका १६ नेपालीलाई चलचित्र पत्रकार संघले खुवायाे खाना

विनिता सुनार
जेठ १०, २०७७
2

भारतबाट आएका बाग्लुङका १६ जनालाई चलचित्र पत्रकार संघ कास्कीले शनिबार निशुल्क खाना खुवाएको छ ।

दुई दिनदेखि भोकै रहेका उनीहरुलाई पोखरा नेपाल युके फाउन्डेशन सहयोगमा खाना, जुस, पानी, चाउचाउ उपलब्ध गराएको संघ कास्की अध्यक्ष अरुण गिरीले जानकारी दिए ।

संघ कास्कीका पूर्वसचिव सुशन घिमिरेले भारतबाट १६ जना नेपाली बाग्लुङ जान लागेको र उनीहरु दुई दिनदेखि भोकै रहेको जानकारी दिएसँगै संघले पाेखरा-१, सिम्पानी पुगी खानाको व्यवस्था गरिएको हो ।

‘चार दिन लगाएर हामी भारतको हरिद्वारबाट नेपाल प्रवेश गरेका हौ । बाटोमा पैसा तिरेर खान समेत पाइएन । यस्तो सहयोग त कुरै छाडौ । दुईदिनको भोको पेटलाई पोखरा आएर भर्न पाउँदा निकै राहत मिलेको छ’ भारतबाट आएका एक नेपालीले भने ।

अध्यक्ष गिरीले उनीहरुलाई बाग्लुङ पुगेर क्वारेन्टाइनमा बस्न र सरकारले जारी गरेको लकडाउनको पूर्ण पालना गर्न सुझाएका छन् ।

यस्तै महामारीका बेला आपतमा परेका विपन्नलाई संघले घरमै पुगेर राहत उपलब्ध गराउने समेत बताए । ‘हामी मनोरञ्जनका कार्यक्रम मात्रै गर्दैनौ, सामाजिक सेवा समेत हाम्रो दायित्व भित्र पर्छ,’ उनले भने ।

संघले यसअघि जिल्ला प्रहरी कार्यालय कास्कीलाई समेत सेनिटाइजर सहयोग गरेको थियो ।

Related News

सम्बन्धित समाचार

  • अमरसिंह माविको ६८ औं वार्षिकोत्सव

    आदर्श समाज सम्वाददाता चैत्र १४, २०८०
    पोखरा । अमरसिंह माध्यमिक विद्यालय नमूना रहेको चर्चा गरिएको छ । पोखरा–१२, रामघाट स्थित विद्यालयको मंगलवार भएको ६८ औं वार्षिकोत्सव, अभिभावक…
  • लायन्स लेखनाथमा कृष्णप्रसाद

    आदर्श समाज सम्वाददाता चैत्र १३, २०८०
    लेखनाथ । लायन्स क्लब अफ लेखनाथको २५ औं शाखा अधिवेशनले वर्ष २०२४/२५ का लागि कृष्णप्रसाद तिमिल्सेनालाई अध्यक्षका लागि चयन गरेको…
  • ‘ज्येष्ठ नागरिकलाई सम्मान गरौं’

    आदर्श समाज सम्वाददाता चैत्र १३, २०८०
    पोखरा । ज्येष्ठ नागरिकलाई सम्मान गर्नुपर्नेमा जोड दिइएको छ । ज्येष्ठ नागरिक मञ्च पोखरा ८ तथा वडा कार्यालयको संयुक्त आयोजनामा…
  • फेवा महोत्सवमा ड्यामसाइडमा पनि विविध गतिविधि

    आदर्श समाज सम्वाददाता चैत्र १३, २०८०
    पोखरा। १९ औं फेवा नव वर्ष महोत्सवलाई पर्यटकीय राजधानीको इज्जत धान्ने गरी नयाँपन प्रदान गर्न विभिन्न संघसंस्थाले सुझाव दिएका छन्…
  • ‘मादलको घिन्ताङ गुञ्जाउँछौं सराङकोट’

    आदर्श समाज सम्वाददाता चैत्र १३, २०८०
    पोखरा । पोखरा–१८, सराङकोटका महिला दिदीबहिनीहरुले आफूहरु स्वावलम्बनको मार्गमा अघि बढिरहेको बताएका छन् । वडा कार्यालयको आयोजनामा भएको महिला सशक्तीकरण…

hero news full width