बुटवल ८ जेठ । रुपन्देहीको मणिग्रामस्थित क्रिमसन अस्पतालमा उपचाररत कोरोना संक्रमित शिक्षकको मृत्यु भएको छ । भेन्टिलेटरमा उपचार भइरहेको उनको विहीबार विहान मृत्यु भएको प्रदेश ५ को समाजिक विकास मन्त्रालयले पुष्टि गरेको छ ।
प्रदेश ५ का सामाजिक विकास मन्त्री सुर्दशन बरालले उनको मृत्यु भएको विज्ञप्तिमार्फत पुष्टि गरेका छन् । उनको बिहान ७ बजेर १० मिनेटमा मृत्यु भएको अस्पताल प्रशासनले जनाएको छ । मृत्यु हुने बिरामी गुल्मीको मदाने गाउँपालिका वडा नं. ६ का ४१ वर्षका पुरुष हुन् । उनी स्थानीय कंके देउराली आधारभुत विद्यालयका शिक्षक हुन् । बिरामी भएपछि उनी अर्घाखाँचीको एक मेडिकलमा चेकजाँचपछि १ जेठमा रुपन्देहीको मणिग्राममा रहेको क्रिमशन अस्पतालमा उपचारका लागि आएका थिए ।
उनको स्वास्थ्य अवस्था नाजुक भन्दै गएपछि अस्पतालको भेन्टिलेटरमा राखेर उपचार गराइएको थियो । गत जेठ १ गते उनी अस्पतालमा भर्ना भएका थिए भने २ गते उनको स्वाब परीक्षणका लागि रुपन्देहीकै प्रादेशिक जनस्वास्थ्य प्रयोगशाला भैरहव लगिएको थियो । त्यसको रिर्पोट भने ५ जेठमा मात्र आएको थियो ।
उनको अन्तिम संकारका लागि सबै तयारी पुरा भएको छ । डब्लुएचओको मापदण्ड अनुसार बुटवलमै उनको दाहसंस्कार गरिने मन्त्री बरालले जानकारी दिए ।
संक्रमितको मृत्यु भएसँगै हालसम्म नेपालमा कोरोना संक्रमितको मृत्यु हुनेको संख्या तीन पुगेको छ । यसअघि सिन्धुपाल्चोकको बाह्रबिसेकी सुत्केरी र बाँके नरैनापुरका क्वारेन्टाइनमा बसेका पुरुषको पनि कोरोनाकै कारण मृत्यु भएको थियो ।
Related News
सम्बन्धित समाचार
पुरानो पोखरा जोगाउन पहल: मेयर आचार्य
पाेखरा नयाँबजारमा श्रीमद्भागवत् ज्ञानमहायज्ञ जारी
सुदुरपश्चिममा सोडारी मुख्यमन्त्री नियुक्त
प्रेमील गजलकारको भावपूर्ण बिदाइ
लायन्स पोखरा वर्किङ टुगेदरमा जनकराज पौडेल
hero news full width
मुख्य समाचार
अधिवेशन आह्वानप्रति कांग्रेसको आपत्ति, द्वन्द्व निम्तिन सक्ने चेतावनी
गण्डकी प्रदेश सभाको अधिवेशन आह्वान
वैशाख ५, २०८१गण्डकीमा अधिवेशन डाक्न सिफारिस, मुख्यमन्त्रीले विश्वासको मत लिँदै
वैशाख ५, २०८१दृष्टिविहीनलाई बाटो देखाउँदै गुगल
वैशाख ४, २०८१प्रकट पगेनी ‘शिव’ को निधन
वैशाख ४, २०८१कामचलाउ मुख्यमन्त्री अधिकारी विश्वासको मत लिने तयारीमा
वैशाख ४, २०८१