Worldlink ads

काेराेना संक्रमितको दैनिक संख्यामा हालसम्मकै उच्च वृद्धि

एजेन्सी
जेठ ८, २०७७
1589826630_13733161+1probe051920

काठमाण्डौ, ८ जेठ । विश्व स्वास्थ्य संगठन (डब्लुएचओ)का प्रमुखले बुधबार कोरोना भाइरस महामारीबाट मुक्त हुन विश्वलाई लामो समय लाग्नसक्ने बताएका छन् ।

कोरोना संक्रमितको संख्यामा देखिएको हालसम्मकै उच्च दैनिक वृद्धिकाबीच उनले यस्तो बताएका हुन् । डब्लुएचओका अनुसार पछिल्लो २४ घण्टामा मात्रै १ लाख ६ हजार नयाँ संक्रमित फेला परेका छन्।

डब्लुएचओका महानिर्देशक टेड्रोस अडानोम गेबेरियससले कम र मध्यम आय भएका राष्ट्रहरूसँग बढ्दो संक्रमणका बारेमा भएको सम्मेलनमा यस किसिमको चेतावनी दिएका हुन्। ’पछिल्लो २४ घण्टामा मात्रै डब्लुएचओलाई १ लाख ६ हजार नयाँ संक्रमितको तथ्याङक पेश गरिएको छ । यो महामारी सुरु देखिको दैनिकी रेकर्ड अनुसार एकै दिनमा सबैभन्दा धेरै पुष्टि भएको संख्या हो,’ महानिर्देशक टेड्रोसले सम्मेलनमा भने, ’यी मध्य झण्डै दुई तिहाई संक्रमित केसहरु चार देशका हुन्।’

विश्वव्यापी रूपमा संक्रमित संख्या ५० लाख नाघेपछि डब्लुएचओले चिन्ता व्यक्त गरेको हो।अमेरिका लगायत संक्रमण बढ्दो अवस्थामा रहेका देशहरुले लकडाउनका प्रतिबन्धहरु हटाउन थालेपछि डब्लुएचओले चेतावनी दिएको हो।दुई साता अघि संसारभर संक्रमित संख्या जम्मा ४० लाखको हाराहारीमा थियो भने पछिल्लो दुई सातामै यो संख्या ५० लाख नाघिसकेको छ । तर विज्ञहरूका यो तथ्याङ्क सही हुन नसक्ने पनि भन्दै आएका छन् ।

विश्वका धेरै देशहरूमा परीक्षणदर निकै कम भएकाले संक्रमित संख्या अझ बढी हुन सक्छ उनीहरूको बुझाइ छ।जोन हप्किन्स युनिभर्सिटीको तथ्यांक अनुसार विश्वभर ३ लाख २६ हजार भन्दा बढी मानिसहरु संक्रमणका कारण मरेका छन्। कोरोनाबाट सबैभन्दा बढी प्रभावित मुलुकको पहिलो नम्बरमा अमेरिका छ। यहाँ १५ लाख जनामा संक्रमण पुष्टि भएको छ भने ९२ हजार बढीले ज्यान गुमाएका छन्।

Related News

सम्बन्धित समाचार

    hero news full width

    Jewellery

    sanil ads

    wordlink ads