रुपन्देहीमा उपचाररत कोरोना संक्रमितको मृत्यु

नेपालमा कोरोनाबाट मृत्यु हुनेको संख्या तीन पुग्याे

विक्रम खड्का
जेठ ८, २०७७

बुटवल ८ जेठ। रुपन्देहीको मणिग्राममा उपचाररत कोरोना संक्रमितको मृत्यु भएको छ।

भेन्टिलेटरमा उपचार भइरहेको उनको विहीबार विहान मृत्यु भएको अस्पतालले जनाएको छ। प्रदेश ५ सामाजिक बिकास मन्त्रालयका स्वास्थ्य महाशाखा प्रमुख डा उमासंकर चौधरीले पनि उनको मृत्यु भएको पुष्टि गरे।

उनको बिहान ७ बजेर १० मिनेटमा मृत्यु भएको चौधरीले बताएका छन्। मृत्यु हुने बिरामी गुल्मीको मदाने गाउँपालिका वडा नं. ६ का ४१ बर्षका पुरुष हुन् ।शिक्षण पेशामा रहेका उनि बिरामी भएपछि अर्घाखाँचीको एक मेडिकलमा चेकजाँचपछि रुपन्देहीको मणिग्राममा रहेको क्रिमशन अस्पतालमा उपचारत थिए।

उनको स्वास्थ्य अवस्था नाजुक भएका कारण अस्पतालको भेन्टीलेटरमा राखेर उपचार गराईको थियो। गत जेठ १ गते उनी अस्पतालमा भर्ना भएका थिए भने २ गते उनको स्वाब परिक्षणमा कोरोना संक्रमण देखीएको प्रादेशिक जनस्वास्थ्य प्रयोगशाला भैरहवाले पुष्टि गरेको थियो।

संक्रमितको मृत्यु भएसँगै हालसम्म नेपालमा कोरोनाबाट मृत्यु हुनेको संख्या तीन पुगेको छ। यसअघि सिन्धुपाल्चोकको बाह्रबिसेकी सुत्केरी र बाँके नरैनापुरका क्वारेन्टाइनमा बसेका पुरुषको पनि कोरोनाकै कारण मृत्यु भएको थियो ।

याे पनि पढ्नुहाेस्ः

• काराेनाबाट नेपालमा दाेश्राे मृत्यु
• नेपालमा कोरोनाबाट मृत्यु पहिलो घटना, सिन्धुपाल्चोककी २९ वर्षीया महिलाको मृत्यु कोरोनाबाटै