पोखरा ७, जेठ । कास्कीको माछापुच्छ्रे गाउँपालिकामा रहेका विभिन्न भौतिक पूर्वाधार निर्माण तथा मर्मत संहार समितिका पदाधिकारीले आफ्नो क्षेत्रमा विकास निर्माणमा निर्माण सामाग्री पुर्याउन कठिन भएको गुनासो गरेका छन्।

गण्डकी प्रदेशको निर्वाचन क्षेत्र पूर्वाधार विकास कार्यक्रम अन्र्तगत ९ वटा वडामा रहेका १३ योजनाका उपभोक्ता समितिका पदाधिकारीहरुले त्यस्तो गुनासो गरेका हुन्। कोरोना भाइरसको कारण देशमा बन्दाबन्दी भएकोले निर्माण सामाग्री अभाव र गाउँसम्म निर्माण सामान पुर्याउन कठिन भएकोले सहजीकरण गर्न उपभोक्ता समितिका पदाधिकारीहरुले गण्डकी प्रदेश सरकार र गाउँपालिकासँग माग गरेका छन् ।

गाउँपालिकाका अध्यक्ष कर्णबहादुर गुरुङले योजनाहरुको दिगोपनको लागि गुणस्तरमा ध्यान दिन उपभोक्ता समितिका पदाधिकारीसँग आग्रह गरे । कास्की निर्वाचन क्षेत्र नम्बर ३ (१) बाट निर्वाचित रामजी बराल र मनोनित सांसद पुष्पा केसी भण्डारीको सांसद विकास कोष अन्तरगत एक करोड ५ लाखको बजेट माछापुच्छ्रे गाउँपालिकामा विनियोजन गरेका हुन् ।