Worldlink ads

जितप्रसाद द्वा चलचित्र पत्रकारिता पुरस्कार घोषणा

‘अफिसियल वेबसाइट’ सार्वजनिक

विनिता सुनार
जेठ ७, २०७७
0

पोखरा, जेठ ७ । चलचित्र पत्रकारिता दिवस तथा नेपाल चलचित्र पत्रकार संघकाे २१ औँ बार्षिकउत्सवको अवसरमा नेपाल चलचित्र संघ, कास्कीले ‘जितप्रसाद द्वा चलचित्र पत्रकारिता पुरस्कार’ घोषणा गरेकाे छ।

पोखरामा चलचित्र क्षेत्रको विकासमा योगदान पुर्याउनुभएका अग्रज जितप्रसाद द्वाको नाममा घाेषणा गरिएकाे चलचित्र पत्रकारिता पुरस्कारको राशी २५ हजार रुपैयाँ रहने चलचित्र पत्रकार संघ कास्कीले जनाएको छ।

चलचित्र पत्रकारिता दिवसकै अवसर पारेर पुरस्कार प्रदान गर्ने योजना रहेपनि कोरोनाका कारण कार्यक्रम गर्न असमर्थ भएको चलचित्र पत्रकार संघ कास्कीका अध्यक्ष अरुण गिरीले बताए। ‘जेठ ७ गते बुधबार नै एक कार्यक्रम गरी पत्रकारिता दिवस मनाउने र पुरस्कार वितरण कार्यक्रम गर्ने हाम्रो योजना थियो। तर कोरोनाका कारण मुलुकमा भैरहेको लकडाउनले गर्दा कार्यक्रम गर्न असमर्थ भयौ,’  उनले भने।

उनका अनुसार सो पुरस्कार गण्डकी प्रदेश भित्र कार्यरत पत्रकारितालाई मूल पेशा बनाई चलचित्र पत्रकारितामा कम्तिमा ५ वर्ष काम गरेका सक्रिय पत्रकार एक जनालाई प्रदान गरिनेछ।

‘अफिसियल वेबसाइट’ सार्वजनिक

यसैगरी चलचित्र पत्रकारिता दिवस तथा २१ औँ बार्षिकउत्सवको अवसर पारेर चलचित्र पत्रकार संघ कास्कीले आजै आफ्नो ‘अफिसियल वेबसाइट’ सार्वजनिक गरेको छ ।

नेपाल पत्रकार संघ कास्कीका अध्यक्ष दिपेन्द्र श्रेष्ठले वेबसाइटको सार्वजनिक गर्दै चलचित्र पत्रकार संघ कास्कीको पछिल्लो गतिविधि प्रशंसा गर्न लायक भएको बताए । कोभिड १९ ले विश्व आक्रन्त भएकाबेला चलचित्र क्षेत्र समेत अछुतो नरहेको र यस्तोबेलामा पनि सामाजिक दुरी कायम गरी पत्रकारिता दिवस मनाउनु आफैमा सराहनीय काम भएको उनले उल्लेख गरे।

‘पोखरामा चलचित्र क्षेत्रको विकासमा योगदान पुर्याउनुभएका जितप्रसाद द्वा बुवाको नाममा चलचित्र पत्रकारिता पुरस्कार घोषणा हुनु गौरवको कुरा रहेको उनले बताए । ‘उहाँको परिवारनै चलचित्रकर्ममा आबद्ध छ,’ उनले भने, ‘तेस्रापट्टीबाट सुरु भएको चलचित्र हलको विकास हाल मिडटाउन ग्यालरीसम्म पुर्याउनको पछाडी द्वाको नाम अग्रपंक्तीमा आउँछ।’

वेबसाइट सार्वजनिक मात्र नभई यसको निरन्तरता र नियमित अपडेटको शुभकामना दिदै श्रेष्ठले नेपाल पत्रकार महासंघ कास्कीले जस्तोसुकै परिस्थितिमा पनि चलचित्र पत्रकार संघ कास्कीलाई सहयोग गर्न प्रतिबद्ध रहेको बताए ।

उक्त वेबसाइट सार्वजनिक कार्यक्रममा निर्वतमान अध्यक्ष रेम बिक, सचिव प्रभु अधिकारी, कोषाध्यक्ष अर्पण तिवारी, सह—सचिव सन्तोष बस्याल, सदस्यहरु विनिता सुनार, आशिष पुरी, मिलन थापा लगायतको उपस्थिति थियो ।

Related News

सम्बन्धित समाचार

    • कमेडी च्याम्पियनका फाइनलिष्ट सन्तोष पोखरामा

      आदर्श समाज सम्वाददाता भाद्र २९, २०७८
      पोखरा । कमेडी च्याम्पियनमा उत्कृष्ट ३ मा पर्न सफल हास्य कलाकार सन्तोष थापालाई गण्डकीका मुख्यमन्त्री कृष्णचन्द्र नेपाली पोखरेलले शुभकामना दिएका…
    • पोखराकी आकांक्षा मिस पेटिट ग्लोबलमा सहभागिता जनाउने

      आदर्श समाज सम्वाददाता श्रावण २०, २०७८
      पोखरा, २० साउन । मिस ग्रेस पोखरा–२०२१ आकांक्षा विश्वकर्माले मिस पेटिट ग्लोबलमा सहभागिता जनाउँदै छिन् । सोको लागि उनले तयारी…
    • प्रज्ञाको ‘सिंन्दुर’ ट्रेन्डिङमा

      आदर्श समाज सम्वाददाता श्रावण १९, २०७८
      पोखरा । प्रज्ञा जोशीको टेलिसिरियल सिंन्दुर युट्युबको ट्रेन्डिङमा छ । निर्माता प्रज्ञा जोशीले दर्शकको यो मायालाई हाम्रो टिमले ठूलो सम्मान…
    • पोयुसाप अरुण सम्झिँदै

      आदर्श समाज सम्वाददाता श्रावण ७, २०७८
      पोखरा । पोखरेली युवा सांंस्कृतिक परिवारले सदाबहार गायक अरुण थापाको सम्झनामा शनिबार सांगीतिक कार्यक्रम गर्ने भएको छ । उनको २२ औं…
    • ‘वन डढेको देखिन्छ हजुर…’

      आदर्श समाज सम्वाददाता असार ९, २०७८
      पोखरा, ८ असार । विश्व संगीत दिवस अवसरमा पोखराबाट ‘वन डढेको देखिन्छ हजुर…’ गीत सार्वजनिक गरिएको छ । जोजिजु म्युजिक…

    hero news full width

    Jewellery

    sanil ads

    wordlink ads