Worldlink ads

कास्कीको मादीका २२ वर्षीय युवकको हत्या, पाेखरामा शव गाडिएको अवस्थामा प्रहरीद्वारा उत्खनन्

विनिता सुनार
जेठ ६, २०७७
crime scene tape of mysterious case in cenematic tone with copy space

पोखरामा अर्को एक जना युवकलाई गाडिएकै अवस्थामा प्रहरीले उनको शव फेला पारेको छ । केही दिनअघि मात्र पोखरा–१४ मा समेत एक युवकको प्रहरीले उत्खनन् गरेको थियो ।

जिल्ला प्रहरी कार्यालय कास्कीका अनुसार मंगलबार साँझ ५ बजेतिर पोखरा–२७, अर्घौमा एक युवकको शव प्रहरीले गाडिएको अवस्थामा बाहिर निकालेको हो । उक्त शव कास्कीको मादी गाउँपालिका घर भै हाल पोखरा–२७, सुन्दरीबजार बस्ने वर्ष २२ का सुरेश बिकको रहेको खुलेको छ ।

गत शनिबार राति ९ बजे घरबाट साथीको जान्छु भनी हिडेका बिक नफर्केपछि घरपरिवारले खोजीनीति सुरु गरेको थियो । उनको शव अर्घौको सिर्जना बहिरा स्कुल नजिकै माछापोखरीको डिलमा गाडिएकोअवस्थामा फेला परेको डाँडाकोनाक प्रहरी चौकीले जानकारी दियो । घटनामा संलग्न रहेको अभियोगमा प्रहरीले २ जना युवकलाई पक्राउ गरिसकेको जनाइएको छ ।

मंगलबार स्थानीयले थाहा पाएपछि प्रहरीलाई खबर गरेका थिए । जिल्ला प्रहरी कार्यालय कास्की र डाँडाकोनाक प्रहरी चौकीबाट खटिएको टोलीले ती युवकको शव उत्खनन् गरेको जिल्ला प्रहरी कार्यालय कास्कीका प्रवक्ता प्रहरी निरीक्षक नरहरि अधिकारीले जानकारी दिए ।

उनको हत्या के कति कारणले भयो भन्नेबारे अनुसन्धान सुरु भएको अधिकारीले बताए ।

शव पोष्टमार्टमका लागि पोखरा स्वास्थ्य विज्ञान प्रतिष्ठान (पश्चिमाञ्चल क्षेत्रीय अस्पताल), पोखरामा लगिएको छ ।

जेठ ३ मा पोखरा १४ निवासी २२ वर्षीय विमल रानाभाटको शव प्रहरीले भेटाएको थियो । आफ्नै साथी ज्ञानबहादुर परियारले घनले हानेर रानाभाटको हत्या गरेको प्रहरी अनुसन्धानमा खुलेको छ । परियारले १ महिनाअघि रानाभाटलाई घनले हानेर हत्या गरी उनकै घर पछाडि बारीको डिलमा शव गाडेका थिए ।

updated : 8:28 PM, Tuesday

Related News

सम्बन्धित समाचार

    • ६ सयमै पोखरा घुम्न पाइने

      Suraj Hazare Dahal भाद्र ३१, २०७८
      पोखरा । छोटो अवधिमै पोखरा घुम्न चाहनेलाई कम शुल्कमै बस सेवा सञ्चालन हुँदैछ । कोरोना संक्रमण घटेसँगै पर्यटकीय नगरी पोखरा…
    • असोज १ देखि पोखराका सबै विद्यालय खुल्ने

      आदर्श समाज संवाददाता भाद्र ३०, २०७८
      पोखरा । पोखरा महानगरका सामुदायिक तथा संस्थागत विद्यालय खुल्ने भएका छन् । पोखरा महानगर नगर शिक्षा समितिको २८ भदौको बैठकको…
    • प्रदेशसभा बैठक आज : वार्तापछि प्रतिपक्षी मत्थर

      प्रकाश ढकाल भाद्र २९, २०७८
      पोखरा  । प्रमुख प्रतिपक्षीको विरोधबीच गएको असार ३० मा मार्सल लगाएर बजेट पास भयो । ४ पार्टी मिलेर बनेको सत्ता…
    • ‘कुमारी’ हिमाल खोल्ने कसरत !

      प्रकाश ढकाल भाद्र २८, २०७८
      पोखरा । सन् १९५७ मा बेलायती सेनाका कर्णेल जिम्मी रोबर्टसले भर्जिन दाबी गरिएको माछापुच्छ्रे हिमालको आरोहण गरे । तत्कालीन समयमा…
    • शापुले आँखा बिग्रने खतरा

      सुनील सापकोटा भाद्र २७, २०७८
      पोखरा । बागलुङ घर भई पोखरा १५, काजीपोखरी बस्दै आएकी पूर्णा विक २३ भदौ बिहान ५ बजे हिमालय आँखा अस्पताल…

    hero news full width

    Jewellery

    sanil ads

    wordlink ads