पोखरा, ५ जेठ । नेपाली काँग्रेस कास्कीले कोरोना संक्रमणसँगै रोग र भोकका कारण अकालमा ज्यान गुमाउनुपर्ने अवस्था सृजना हुन नदिन सरकारसँग माग गरेको छ ।
कास्की काँग्रेसका सभापति कृष्ण केसीको अध्यक्षतामा सोमबारको जुम बैठकले सरकारका गतिविधिका कारण नै रोग र भोकका कारण नागरिकले ज्यान गुमाउनुपर्ने अवस्था आइसकेकोप्रति चिन्ता व्यक्त गर्दै सरकारको ध्यानाकर्षण गराएको हो ।
बैठकले लकडाउन लम्बिएको अवस्थामा राहत बढाउन माग गर्दै राजनैतिक पूर्वाग्रह नराखी राहत वितरण गर्न र कोरोना परीक्षणको दायरा बढाउन माग गरेको छ । ‘अवस्था झन्, झन् जटिल बन्दै गएका बेला सरकार गैरजिम्मेबार बनेकोप्रति बैठकले खेद प्रकट गरेको छ, कास्की काँग्रेसका प्रवक्ता नवीन सिग्देलले भने, सरकार लकडाउन लम्ब्याउन मात्र केन्द्रित बनिरहेको छ ।’
बैठकले जिल्लाका विभिन्न नाकाहरुबाट शंकास्पद मानिस भित्रिरहेका कारण कोरोना संक्रमण बढ्न सक्ने भन्दै प्रवेश नाकामा कडाई गर्न माग गरेको छ ।बैठकले नेपालको सीमा क्षेत्रमा अलपत्र परेका र विभिन्न देशबाट नेपाल आउँन चाहेका नेपालीलाई उचित व्यवस्थापनका साथ ल्याएर घरसम्म पुर्याउन माग गरेको छ । लकडाउनका बेला पोखराको बसपार्कमा रहेको बास्तोला कम्प्लेक्स संचालनका कारण भीडभाड बढेको र शान्तिवनस्थित कृषि उपज बजारमा अन्य जिल्लाबाट तरकारी ढुवानी गर्दा अपरिचित र शंकास्पद मानिसको आवतजावत भई जोखिम बढेको गुनासो स्थानीयले गरेको भन्दै प्रशासनको ध्यानाकर्षण गराएको छ । बैठकले कास्की जिल्लामा उत्पादित तरकारी र दुधलाई प्राथमिकता दिएर बिक्री गर्ने वातावरण मिलाउन पनि माग गरेको छ ।
त्यस्तै, सर्वसाधारण नागरिकले सर्वसुलभ रुपमा स्वास्थ्योपचार सेवा लिने पोखरा स्वास्थ्य विज्ञान प्रतिष्ठान पश्चिमाञ्चल क्षेत्रीय अस्पताललाई कोरोना उपचार अस्पताल बनाउने योजना अव्यवहारिक भएकोले विकल्प खोज्न माग गरेको छ । बैठकले कोरोनाको संक्रमणसंगै शिथिल बन्दै गएका पर्यटन व्यवसाय, उद्योग व्यवसाय कलकारखाना, कृषि, शिक्षाका लागि प्रोत्साहन प्याकेज ल्याउन र एसईई लगायत शैक्षिक गतिविधिप्रति गम्भीर बन्न सरकारको ध्यानाकर्षण गराएको छकृषिजन्य उत्पादनको मौसम सुरु भएकोले कृषकका लागि बीउ र मलको तत्काल व्यवस्थासहित राहत प्याकेज ल्याउन माग गरेको छ । बैठकले कोरोनाका कारण निधन भएकाप्रति श्रद्वाञ्जली व्यक्त गर्दै शोकसन्तप्त परिवारजनमा समवेदना व्यक्त गरेको छ ।
Related News
सम्बन्धित समाचार
चुमानलाई अर्थ, मनाङेलाई भौतिक पूर्वाधार मन्त्रालयको जिम्मा
गण्डकी प्रदेश सभाको बैठक अनिश्चितकालका लागि स्थगित
सुदुरपश्चिममा सोडारी मुख्यमन्त्री नियुक्त
अधिवेशन आह्वानप्रति कांग्रेसको आपत्ति, द्वन्द्व निम्तिन सक्ने चेतावनी
गण्डकी प्रदेश सभाको अधिवेशन आह्वान
hero news full width
मुख्य समाचार
हेमराज पहारी स्मृति पुरस्कारबाट सरुभक्त पुरस्कृत
चोटिलो बन्दै गण्डकीको संसदीय राजनीति
वैशाख ७, २०८१पुरानो पोखरा जोगाउन पहल: मेयर आचार्य
वैशाख ६, २०८१प्रेमील गजलकारको भावपूर्ण बिदाइ
वैशाख ५, २०८१गण्डकीमा अधिवेशन डाक्न सिफारिस, मुख्यमन्त्रीले विश्वासको मत लिँदै
वैशाख ५, २०८१दृष्टिविहीनलाई बाटो देखाउँदै गुगल
वैशाख ४, २०८१