Worldlink ads

गण्डकी प्रदेशको बजेटबारे छलफल

आदर्श समाज सम्वाददाता
जेठ ५, २०७७
dr giridhari

जेठ ५ पोखरा । गण्डकी प्रदेशको अर्थ तथा विकास समिति र आर्थिक मामिला तथा योजना मन्त्रालयबीच आर्थिक वर्ष २०७७/७८को वार्षिक बजेट तथा कार्यक्रम तर्जुमा बारे छलफल भएको छ ।

समितिका सभापति दीपक कोइरालाको सभापतित्वमा सम्पन्न कार्यक्रममा समितिले स्वास्थ्य र कृषिको बजेट बढाउनुपर्ने, कृषिउत्पादन र रोजगारीलाई जोड्नु पर्ने , कृषि बीमा सरकारलेनै अनिबार्य रुपमा गरिदिनुपर्ने ,कृषि उत्पादनको न्यूनतम मूल्य तोकेर बिक्री नभए बजार ब्यबस्थापन सरकारले गर्ने ,गत वर्षका महत्वपूर्ण योजनाका साथै क्रमगत योजनलाई निरन्तरता दिनुपर्ने ,गण्डकी प्रदेशका सवै नागरिकको स्वास्थ्य बीमा गराउनु पर्ने लगायतका सुझाब दिएको समितिका सभापति दीपक कोइरालाले जानकारी दिए । समितिले कोभिड– १९ पछि विदेशमा रहेका नेपालीहरु स्वदेश फर्कदा उनीहरुलाई पनि रोजगारी दिने गरी नीति तथा बजेट ल्याउन सुझाब दिएको छ ।

गण्डकी प्रदेशका मुख्यमन्त्री पृथ्वीसुब्बा गुरुङले आर्थिक वर्ष २०७७/०७८ मा शिक्षा स्वास्थ्य र कृषिलाई प्राथामिकतामा राखेर बजेट ल्याउने तयारी भएको बताए । कोभिड–१९ले शिक्षा स्वास्थ्यमा लगानी गर्नुपर्ने सन्देश दिएको उनको भनाई थियो । आर्थिक मामिला तथा योजना मन्त्री किरण गुरुङले अहिले आउने बजेट स्वाभाविक बजेट नभएको बताए ।
स्वास्थ्यको क्षेत्रमा पहिलेको भन्दा दुईगुणा बजेट बढी आउने बताए । कृषिको बजेट पनि बढेर आउने जनाउदै मन्त्री गुरुङले क्रमगत योजनालाई भने निरन्तरता दिइने बताए । कोभिड १९को कारण आर्थिक क्षेत्रमा ठुलो नोक्सानी भएको भन्दै अब सुरक्षित रहदै उत्पादन र विकास निर्माणको काममा लाग्नुपर्ने बताए । अनुदानलाई राहतको प्याकेजमा लैजाने पनि गुरुङले स्पष्ट पारे ।

छलफलमा अर्थ तथा विकास समितिका सदस्यहरु इन्द्रलाल सापकोटा,बिनोद केसी,मीनप्रसाद गुरुङ ,चन्द्रमोहोन गौचन,जनकलाल श्रेष्ठ,सरिता गुरुङ र डोबाटे विश्वकर्माले प्रदेश सरकाले अन्य प्रदेशको भन्दा उत्कृष्ट बजेट ल्याउन र संघीयता माथि प्रश्न उठाउनेहरुलाई नीति कार्यक्रम तथा बजेटबाट जवाफ दिनुपर्नेमा सुझाब दिए । छलफलमा कोरोना भाइरसरोगले गण्डकी प्रदेशको जनजीवन र अर्थतन्त्रमा परेको असरबारे प्रदेश नीति तथा योजना आयोगका उपाध्यक्ष डाक्टर गिरिधारी शर्मा पौडेलले प्रारम्भिक प्रतिवेदन प्रस्तुत गरेका थिए ।

डाक्टर शर्माले बैशाख मसान्तसम्म मात्र कोरोनाको कारण गण्डकी प्रदेशमा विप्रेषणमा १९ अर्ब २३ करोड ५२ लाख नोक्सानी ,कुल ग्राहस्थ उत्पादन तर्फ १९ अर्ब ३ करोड १३ लाख नोक्सानी गरी कूल ३८ अर्व २६ करोड ६५ लाख नोक्सानी हुने प्रारम्भीक अनुमान गरिएको बताए ।

Related News

सम्बन्धित समाचार

    • दुःख र छाप्रामै थलिए राउटे

      रासस असाेज ३, २०७८
      कर्णाली । चिसो भुइँमाथि पातलो खुइलिएको म्याट । बुढ्यौलीले शरीर दिनप्रतिदिन चाउरिँदैछ । शरीर ढाक्ने कपडा छ न पानीबाट ओत…
    • हवाई खेलकुदको चासो : विमानस्थल बनेपछि के हुन्छ ?

      प्रकाश ढकाल असाेज ३, २०७८
      पोखरा । एजेन्सीले एयरलाइन्ससँग टिकट किनेर महँगोमा बिक्री गरिदिंदा पर्यटकलाई टिकट खरिदमा समस्या छ । नेपाल आएपछि पनि उनीहरुले धेरै झन्झट…
    • फुटसल खेलाउँदै पोखरा

      धनबहादुर गुरुङ असाेज ३, २०७८
      पोखरा । अखिल नेपाल फुटबल संघ (एन्फा) आयोजनामा पोखरामा शनिबारदेखि ‘ए’ डिभिजन राष्ट्रिय फुटसल लिग सुरु भएको छ । उद्घाटन…
    • सातौँ संविधान दिवस मनाइँदै

      रासस असाेज ३, २०७८
      काठमाडौं । सातौँ सविधान दिवस स्वदेश र विदेशमा आज विविध कार्यक्रमको आयोजना गरी भव्यरुपमा मनाइँदैछ । संविधान दिवस मूल समारोह…
    • राष्ट्रपतिद्वारा ९०३ जनालाई विभूषण प्रदान

      आदर्श समाज सम्वाददाता असाेज ३, २०७८
      काठमाडाैं । संविधान दिवसका अवसरमा राष्ट्रपति विद्यादेवी भण्डारीले ९०३ जनालाई विभिन्न विभूषण, अलङ्कार र पदक प्रदान गर्नुभएको छ । नेपालको…

    hero news full width

    Jewellery

    sanil ads

    wordlink ads