कोरोना [कोभिड-१९] ताजा अपडेट
यहाँ क्लिक गर्नुहोस्

सडक मर्मतमा जुटे आर्वाका युवा

Avatar आदर्श समाज सम्वाददाता
जेठ ४, २०७७

पोखरा, ४ जेठ । विश्वभर कोरोना भाइरस फैलिएको छ, तीन लाख भन्दा वढीको ज्यान समेत गइसकेको छ, नेपालमा समेत कोरोनाबाट एक महिलाले ज्यान गुमाएकी छन्, यतिवेला शहरमा पेशा व्यवसाय तथा जागिरेहरु आफ्नै गाउँमा गएर बसेका छन्, गाउँमा युवाहरुको चहलपहल वढेको छ ।

यसै सिलसिलामा पोखरा शहरको काठमा रहेको गाउँ पोखरा–१३ आर्वाका युवाले यतिवेला गाउँका सडक, पानीका कुवा, पँधेरा र सडकका झाडीहरु फँड्न व्यस्त छन् । उनीहरुले गाउँमा सक्रिय बन्दै सामाजिक कार्यमा मात्र जुटेका छैनन् वषौदेखि वाझो रहेका जग्गामा खाद्यान्न तथा तरकारी उत्पादनमा जुटेका छन् ।

यसैक्रममा मोहरपानी आदर्श टोल विकास संस्थाको सक्रियतामा गाउँका युवाले शनिबार गाउँमा पुराना पँधेरा र बाटोमा फैलिएको झाडीहरु फाड्नुको साथै पँधेरा सफा गरेका छन् । उनीहरुले आइतवार विहान कुलायन मार्ग अन्तरगत सडकको बाँझावारी र अधेरी डर स्थित सडक मर्मत तथा सफाइ गरेका छन् ।

संस्थाका अध्यक्ष श्रीराम सिग्देल, सचिव शिवराज बराल, रामजी सिग्देल, बसन्त अधिकारी अगुवाइमा तीन दर्जन युवा सडक मर्मतमा जुटेका थिए । साथै शुक्रवार टोलमै रक्तदान कार्यक्रम गरी ६९ युनिट रगत समेत संकलन भएको छ ।