Worldlink ads

कृषि उत्पादन बढाउन किसानलाई बीउ

रासस
जेठ ३, २०७७
non-basmati-paddy-rice-500×500-500×500-500×500

हरि बाँस्तोला– पोखरा, ३ जेठ । धानको उत्पादकत्व वृद्धिसँगै खाद्यान्नमा आत्मनिर्भर बनाउने लक्ष्यका साथ रुपा गाउँपालिकामा सञ्चालन गरिएको ठूलीबेँसी धान ब्लक क्षेत्रअन्तर्गतका किसानलाई उन्नत जातको धानको बीउ वितरण गरिएको छ । प्रधानमन्त्री कृषि आधुनिकीकरण परियोजनाअन्तर्गत ठूलीबेँसी धान पकेट सञ्चालक समितिको समन्वय एवं कृषि ज्ञान केन्द्र स्याङ्जा सम्पर्क कार्यालय कास्कीको ५० प्रतिशत अनुदानमा रामधान (वर) नामक उन्नत जातको धानको बीउ वितरण गरिएको हो ।

अरुको तुलनामा छिटो पाक्ने र राम्रो उत्पादन दिने सो धानको पराल भने छोटो कदको हुने ब्लकअन्तर्गतका ४७६ किसानलाई पाँच हजार ६०० केजी बीउ वितरण गरिएको हो । रुपा गाउँपालिका वडा नं १, ७ का २४५ किसानलाई दुई हजार ८०० केजी तथा ३ र ४ का २३१ जना किसानलाई २३१ केजी धानको बीउ वितरण गरिएको ठूलीबेँसी धान ब्लक सञ्चालक समितिका अध्यक्ष नारायण श्रेष्ठले जानकारी दिए । ब्लकअन्तर्गत दुई हजार रोपनी क्षेत्रफल रहेको छ ।

कोरोना भाइरस (कोभिड–१९) सङ्क्रमण पैmलिन नदिन लागू गरिएको बन्दाबन्दीका बाबजुद पनि सामाजिक दूरी कायम गरी किसानलाई धानको बीउ वितरण गरिएको बताउँदै उनले पहिलोपटक वितरण गरिएको नयाँ धानको बीउबाट उत्पादनमा वृद्धि भई किसानको आयआर्जनमा समेत थप टेवा पुग्ने विश्वास व्यक्त गरे ।

“प्रतिकेजी रु ६० मूल्य कायम गरिएको रामधान (वार) जातको उन्नत बीउ किसानलाई वितरण गरिएको हो ।” उनले बताए “त्यसमा कृषि ज्ञान केन्द्रको ५० प्रतिशत अनुदान र स्वयं किसानले ५० प्रतिशत व्यहोर्ने व्यवस्था छ ।” उनका अनुसार धानको बीउ वितरणसँगै आवश्यक मल र खनजोतका लागि हाते ट्र्याक्टरसमेत कृषि ज्ञान केन्द्र र किसानको ५०।५० प्रतिशतका आधारमा रु एक करोड ४० लाख मूल्यबराबरको कृषि सामग्री वितरण गरिनेछ ।

पालिकाभित्रका उर्वर भूमिका रुपमा परिचित ठूलीबेँसी, दर्गाम, पोल्याङ्टार, खाल्टे, टाकान्जाटारलगायत विभिन्न फाँटका किसानलाई धानको बीउसँगै मल र आधुनिक प्रविधि वितरण गर्न लागिएको हो । राज्यले प्रदान गरेको अनुदान वास्तविक किसानले पाउन भन्ने उद्देश्यका साथ सम्पूर्ण किसानको जग्गाधनी प्रमाणपत्रलाई आधार मानिएको बताउँदै अध्यक्ष श्रेष्ठले भने । “फाँटहरुमा सिँचाइको व्यवस्था गर्नु अपरिहार्य छ ।”

रुपा गाउँपालिकाका अध्यक्ष नवराज ओझाका अनुसार गण्डकी प्रदेशअन्तर्गतको कृषि कार्यक्रममा कूल रु दुई करोड रकम विनियोजन भई कार्यान्वयन भइरहेको छ । प्रदेश सरकारले रुपा गाउँपालिकालाई धान, केरा, मौरी र कफी पकेट क्षेत्रका रुपमा विकास गर्ने सोचका साथ कार्य अघि बढेको जानकारी दिए ।

“बन्दाबन्दीका कारण कृषिलगायत विकास निर्माणमा प्रत्येक्ष प्रभाव परेको छ”, उनले भने । “उत्पादन र भौतिक निर्माणमा जोड दिँदै उत्पादकत्व वृद्धिका साथै रोजगारको सिर्जना गर्नेतर्पm पालिकाले प्राथमिकतामा राखेको छ ।” धानको बीउ वितरण कार्यक्रममा चारवटै वडाका क्रमशः दिलीपकुमार आले, रामजी अधिकारी, मुकुन्द केसी र दयाराम सुवेदीको सहभागिता रहेको पकटे क्षेत्र सञ्चालक समितिका उपाध्यक्ष सम्मर कार्कीले जानकारी दिए ।

कृषि ज्ञान केन्द्र स्याङ्जा सम्पर्क कार्यालय कास्कीमा प्रमुख शालिग्राम अधिकारीले प्रधानमन्त्री कृषि आधुनिकीकरण परियोजनाका अनुसार सुपर जोन र जोन सङ्घ र ब्लक र पकेट क्षेत्र प्रदेश मातहतमा व्यवस्था रहेको बताए । कृषिलाई आधुनिक र यान्त्रिकीकरण लक्ष्यका साथ सञ्चालन गरिएको धानको ब्लकका रुपमा र पोखरा २३ ठूलाखेत फाँटमा चक्लाबन्दी कार्यक्रमअन्तर्गत धान पकेट क्षेत्र छनोट गरी कार्यक्रम अघि बढाइएको बताउँदै उनले त्यसका लागि २०० रोपनी क्षेत्रफलको खेत आवश्यक पर्ने बताए ।

Related News

सम्बन्धित समाचार

    • बुद्धभूमि नेपाल हाइड्रोपावरले ८ लाख कित्ता शेयर जारी गर्ने

      रासस असाेज ३, २०७८
      काठमाडौं । बुद्धभूमि नेपाल हाइड्रोपावर कम्पनी लिमिटेडले यही असोज ११ गतेबाट सर्वसाधारणका लागि साधारण शेयर जारी गर्ने भएको छ ।…
    • बुद्ध विशालबजारको नेतृत्वमा पुनः खत्री

      आदर्श समाज सम्वाददाता असाेज २, २०७८
      पोखरा । बुद्ध विशाल बजार ब्यापारिक एशोसियसनको अध्यक्षमा पुनः केशवबहादुर खत्री निर्विरोध निर्वाचित भएका छन् । हनिबार भएको १२ औं…
    • उपाय सिटी कार्गोको सेवा पोखरामा

      आदर्श समाज सम्वाददाता असाेज २, २०७८
      पोखरा । उपाय सिटी कार्गोले युकेएड स्किल्स फर एम्प्लोय्मेन्ट (सीप)को साझेदारीमा पोखरामा सेवा सुरु गरेको छ । पोखरामा ९ महिना…
    • लेउवा संघ महाधिवेशन आजदेखि

      रामशरण नेपाली असाेज १, २०७८
      लेखनाथ । लेखनाथ क्षेत्रका व्यवसायीहरुको छाता संगठन लेखनाथ उद्योग वाणिज्य संघको २५ औं वार्षिक साधारणसभा तथा १३ औं महाधिवेशन शुक्रबारदेखि…
    • नेप्सेमा उच्च गिरावट

      रासस भाद्र ३०, २०७८
      काठमाडौं । धितोपत्र बजारमा शेयर कारोबार मापक नेप्से परिसूचक आज पनि उच्च अङ्कले ओरालो लागेको छ । नेपाल स्टक एक्सचेञ्जका…

    hero news full width

    Jewellery

    sanil ads

    wordlink ads