Worldlink ads

बाटुलेचौरको जातीय विभेद घटनामा थुनिएका तीनै जना धरौटीमा रिहा

विजय नेपाल
वैशाख ३१, २०७७
1racial

जातीय विभेद आरोपमा पक्राउ परेका तीन जनालाई बुधबार जिल्ला अदालत कास्कीले धरौटीमा रिहा गर्ने आदेश दिएको छ ।

जिल्ला अदालत कास्कीका अधिवक्ता दण्डपाणि शर्माको एकल इजलासले राम जिसी भन्ने रामबहादुर घर्ती क्षेत्री, जनक थापा क्षेत्री र देववहादुर थापालाई जनही १ लाख ७० हजार रुपैयाँ धरौटीमा रिहा गर्न आदेश दिएको हो ।

वादीको तर्फबाट बहस गरेकी अधिवक्ता वीनिता नेपालीले उनीहरुलाई अदालतले १ लाख ७० हजार रुपैयाँ धरौटीमा रिहा गर्न अदालतले आदेश दिएको जानकारी दिइन् । ९ दिनदेखि थुनामा रहेका तीनै जना बुधबार नै धरौटी बुझाएर रिहा भएका छन् ।

पोखरा–१६, बाटुलचौरमा सार्वजनिक जग्गामा निर्मित किरियापुत्री भवन प्रयोगका लागि स्थानीय मोहन सुनारले चाबी माग्दा जातीय विभेद गर्दै नदिएपछि उनीहरुविरुद्ध जातीय भेदभाव तथा छुवाछुत कसूर मुद्दा दायर गरिएको थियो ।
जिल्ला प्रहरी कार्यालयले गत २३ वैशाखमा उनीहरुलाई पीडितको चर्को दबाबपछि मात्र पक्राउ गरेका थियो ।

सो मुद्दामा पीडिततर्फबाट अधिवक्ता वीनिता नेपाली सहित अर्का अधिवक्ता शिवबहादुर सुनार र अधिवक्ता वेदनाथ भण्डारीले बहस गरेका थिए । वादीको तर्फबाट सरकारी वकिलको कार्यालयका जिल्ला न्यायाधीवक्ता गुरुप्रसाद वाग्ले र सहन्यायाधीवक्ता महेन्द्रप्रसाद अधिकारीले समेत बहस गरेका थिए ।

प्रतिवादीतर्फबाट वरिष्ठ अधिवक्ता कृष्णबहादुर गुरुङ र शालिग्राम भट्टराईले बहस गरेका थिए ।

पोखरा महानगरपालिका, पोखरा १६ को लगानीमा सार्वजनिक स्थानमा स्थानीय क्षेत्री समुदायले बनाएको भवन केही व्यक्तिले मोहनको परिवारलाई दिन नहुने भन्दै विरोध जनाएर वञ्चित गरेपछि घटनाले ठूलो रुप लिएको हो ।

सो विषयलाई लिएर गण्डकी प्रदेश सांसद एवं नेकपा कास्की अध्यक्ष कृष्ण थापा समेत जातीय विभेदको पक्षपोषण गरेको भन्दै विवादमा तानिएका थिए । उनले पछि पुनः विज्ञप्ति जारी माफी समेत मागेका छन् ।

भाइ समरको वैदेशिक रोजगारीक्रममा उतै निमोनियाबाट मृत्यु भएपछि पीडित मोहनले भतिज मनोजलाई राख्न किरियापुत्री भवन प्रयोगका लागि चाबी माग्दा नपाएपछि जातीय भेदभावले सो रुप लिएको थियो ।

यो पनि पढ्नुहोस् ।

Related News

सम्बन्धित समाचार

    • बलात्कार आरोपमा दुई पक्राउ

      रासस भाद्र ३०, २०७८
      बनेपा । बालिकालाई जबर्जस्ती करणी गरेको आरोपमा प्रहरीले दुई जनालाई पक्राउ गरेको छ । प्रहरीका अनुसार गत शनिबार काभ्रेपलाञ्चोकको बनेपा…
    • सङ्खुवासभा सामूहिक हत्या आरोपमा एक जना पक्राउ

      रासस भाद्र २६, २०७८
      किमाथाङ्का । सङ्खुवासभाको मादी नगरपालिका–१ उम्लिङ खोला गाउँमा भएको सामूहिक हत्यामा संलग्न भएको आरोपमा प्रहरीले एक जनालाई पक्राउ गरेको छ…
    • हत्या गरी फरार व्यक्ति २७ वर्षपछि पक्राउ

      रासस भाद्र २१, २०७८
      भोजपुर । कर्तव्य ज्यान मुद्दामा फरार रहेका एक व्यक्ति २७ वर्षपछि पक्राउ परेका छन् । प्रहरीले टेम्केमैयुङ गाउँपालिका–५ का ५३…
    • याैनधन्दामा लगाउने पक्राउ

      आदर्श समाज सम्वाददाता भाद्र १६, २०७८
      पोखरा । महिलालाई ललाईफकाई यौनधन्दामा संलग्न गराएको अभियोगमा पोखराबाट एक युवक पक्राउ परेका छन् । पक्राउ पर्नेमा नुवाकोट तारेकश्वर गाउँपालिका ४…
    • घरायसी विवादमा श्रीमान्को हत्या

      रासस भाद्र १३, २०७८
      दाङ । घरायसी विवाद हुँदा तुलसीपुरमा एक महिलाले आज आफ्नै श्रीमान्लाई हँसिया र बाँसको लठ्ठी प्रयोग गरी हत्या गरेकी छन्…

    hero news full width

    Jewellery

    sanil ads

    wordlink ads