पोखरा । यतिबेला, कोरोना भाइरस महाब्याधीका कारण सिंगो विश्व जगत नै लक डाउनमा छ । नेपाल पनि त्यसबाट अछुतो रहन सकेको छैन । नेपाल सरकारले देशलाई लक डाउन गरेको आज ५० औं दिन पुगेको छ । लक डाउनका कारण देशमा उत्पादन र आय मूलक कामहरु ठप्प छन् । जसका कारण न्यून आय भएका यहाँका विपन्न व्यक्ति, श्रमजीवी र मजदुर बर्ग सिधै प्रभावित बनेका छन् ।
लक डाउनका कारण उनीहरुको जीवन गुजारामा कठिन अवस्था आएको छ । दिनभरी काम गरेर बिहान बेलुकी परिवारको छाकको गर्जो टार्दै आएका गरिब विपन्न र श्रमजीवी वर्ग यतिबेला कठिन स्थितिमा छन् । यतिबेला, लक डाउनका कारण उनीहरुले कमाएर खाने वातावरण समेत छैन । यही अवस्थालाई मध्यनजर गरेर पोखराको नदिपुरस्थित स्थानीय नदिपुर युनाइटेड क्लब यतिखेर प्याकिङको तैयारी निःशुल्क खाना लिएर गरिब र श्रमजीवी वर्गहरुको बस्ती, बस्तीमा पुगेको छ ।
सामाजिक दायित्व अन्तर्गतको यस्तो मानवीय सेवाको कार्यलाई क्लबले वैशाखको गत १० गतेदेखि स्वतः स्फूर्त रुपमा शुरु गरेको हो । क्लबले निःशुल्क खानाको व्यवस्था गरेको आज २१ औं दिन भइसकेको छ । शुरुमा, २ सय जनालाई खाना खुवाएर मानवीय सेवा शुरु गरेको क्लबले हाल दैनिक २ हजार जनालाई निःशुल्क खाना वितरण गर्दै आएको छ । हालसम्म करिब २८ हजार जनालाई तैयारी समेतको निःशुल्क खाना खुवाएको क्लबले दावी गरेको छ ।
निःशुल्क तैयारी खानाका लागि क्लब, क्लबका पदाधिकारी तथा सदस्यहरुले आफ्नो श्रम र समय लगाएका छन् । स्थानीय साहू, व्यापारी र व्यवसायीहरुले खाद्यान्न सामग्री, जिन्सी नगद सहयोग गरेका छन् । स्थानीय आमा समूह, सामाजिक संघसंस्थाका व्यक्तिहरु र दिदीबहिनीहरुले स्वयंसेवी भूमिका निभाएका छन् ।
क्लबले भात, दाल, तरकारी र अचार सहितको खाना पकाएर विपन्न व्यक्तिहरुलाई वितरण गर्दै आएको हो । पोषणलाई ध्यानमा राखेर कहिलेकाहीँ त क्लबले पुलाउ, मासु, अण्डाकरी समेत पकाएर दैनिक २ हजार जनालाई खाना खुवाउँदै आएको छ ।
पोखरा महानगरपालिका वडा नं ३, कोपिलढ्ङ्गास्थित सेतो गुराँस बालबिकास केन्द्रको भवनमा खाना पकाउनेदेखि प्याकिङको व्यवस्थापन गरिएको छ । खाना पाक्नासाथ बालबिकास केन्द्रको मुख्यगेटमै पनि प्याकिङको खाना वितरण गरिन्छ ।
त्यस्तै, पोखरा महानगरको वडा नं ३ को वडा कार्यलय, पश्चिमाञ्चल स्वास्थ्य विज्ञान प्रतिष्ठान (गण्डकी हस्पिटल), अमरसिंहचोक, चाउथे, विजयपुरखोला, पार्दी (बिरौटा), रामकृष्ण टोल, तेर्सापट्टी, नालामुख, बागलुङ बसपार्क, अन्धेरीकुना, सराङकोट, हरिचोक, लामाचौर, बाटुलेचौर, जोगीमुढी र बगरलाई क्लबले खाना वितरणको लागि मुख्य केन्द्र बनाएको छ । कहिलेकाहीँ, खानाको समस्या भएको पोखराभित्रैको कुनै ठाउँबाट समेत क्लबमा फोन आउँछ । फोन आएपछि त्यस्तो ठाउँमा समेत क्लबले खाना पु¥याउने गरेको छ ।
खाना वितरणमा दैनिक ५ वटा मोटर, भ्यानहरु प्रयोगमा ल्याइएको छ । खाना बोक्ने ५ वटै मोटर, भ्यानहरुको रुटहरु तय गरिएका छन् । ति मोटर, भ्यानहरु दैनिक प्याकिङको तयारी खाना लिएर पोखराको मुख्य मुख्य स्थानसम्म पुग्छन् । वितरण कार्यमा सहभागी क्लबका पदाधिकारी तथा सदस्यहरुले ति स्थानहरुमा रहेको लक्षित वर्गहरुलाई प्याकिङको तयारी खाना वितरण गर्दछन् ।
क्लबले हालसम्म करिब २८ हजार जना व्यक्तिहरुलाई प्याकिङको तैयारी खानालाई निःशुल्क वितरण गर्दै आएको क्लब अध्यक्ष नविन आलेमगरले बताए । अहिले दैनिक २ हजारको घर घरमै पुगेर नियमित रुपमा खाना वितरण गर्दै आएकोे उनले बताए । खाना पकाउनेदेखि वितरण गर्ने कार्यसम्म क्लबमा आबद्ध पदाधिकारी तथा सदस्य, राजनीतिक दल र तिनका भातृसंस्थाका स्थानीय कार्यकर्ता, सामाजिक संघसंस्था, आमा समूह, व्यवसायीहरु सबैको साथ मिलेको आलेले उल्लेख गरे ।
‘दीनदुखी, गरिब, असहाय, बृद्धबृद्धा, बटुवा र खान नपाएकाहरुका लागि लक्षित गरेर क्लबले यो कार्यक्रम ल्याएको हो,’ आलेमगरले भने, ‘कुनै विशेष राजनीतिक पार्टी र संघसंस्थासँगको समन्वयमा होइन, स्वतः स्फूर्त रुपमा, निस्वार्थ भावनाले नदिपुर युनाइटेड क्लबले खाना खुवाउँदै आएको हो । जहिलेसम्म देशमा लक डाउन रहन्छ, त्यति बेलासम्म लक्षित वर्गलाई निःशुल्क खाना खुवाउने क्लबको उद्देश्य छ ।’
यस कार्यको व्यवस्थापनका लागि महेन्द्र ‘भाञ्जा’ पुनलाई संयोजक तोकिएको छ । उनीपनि यस कार्यमा सकृय रुपले लागेका छन् । उनले लक डाउनको बेला खान नपाएकाहरुका लागि विगत २०/२२ दिन अघिदेखि क्लब निरन्तर मानवीय सेवामा जुटेको बताए । तरुणदल पोखरा महानगरका अध्यक्ष समेत रहेका पुनले पोखरा महानगरको यस वडाको एउटा सामान्य युवा क्लबले उदाहरणीय मानवीय सेवा गरेकोमा आफूहरुले समेत सहयोग गर्न पाउँदा गर्व गरेको सुनाए ।
विपद्को बेलामा अप्ठ्यारोमा परेकालाई राहत वितरण गर्दा सम्बन्धित जिल्ला प्रशासन र स्थानीय सरकारको अनुमति लिनुपर्ने हुन्छ । शुरुमा कास्कीको जिल्ला प्रशासन र स्थानीय सरकार पोखरा महानगरपालिकाले बैशाखको २५ गतेसम्मका लागि राहत स्वरुप निःशुल्क तैयारी खाना खुवाउन क्लबलाई अनुमित दिएको थियो ।
पछिल्लो समय नेपाल सरकारले जेठको ५ गतेसम्म लक डाउन थपेपछि पोखरा महानगरपालिकाले क्लबलाई अनुमित दिनका लागि महानगरको सम्बन्धित वडा नं ३ लाई नै अधिकार प्रत्यायोजन गरेको छ । पोखरा महानगरपालिका वडा नं ३ ले क्लबलाई जेठको ५ गतेसम्मको लक डाउन अवधिभित्र निः शुल्क खाना खुवाउने अनुमति दिइसकेको छ ।
पोखरा महानगरपालिका वडा नं ३ का वडाध्यक्ष रविन्द्रबहादुर प्रजूले मानवीय सेवामा जुटेको क्लबको उच्च मुल्यांकन गर्दै क्लब, क्लबका पदाधिकारी तथा सदस्य र क्लबलाई सहयोग पु¥याउनेप्रति धन्यवाद आभार व्यक्त गरे ।
‘विपद्को बेलामा यो वडाभित्रको यस युवा क्लबले प्रशंसनीय कार्य गरेको छ,’ वडाध्यक्ष प्रजूले भने, ‘मानवीय सेवामा जुटेको क्लबलाई महानगरले पनि उच्च मुल्यांकन गरेको छ । एकद्वार प्रणालीको राहत वितरण अनुमतिका लागि महानगरपालिका कार्यलयले वडालाई अधिकार प्रत्यायोजन गरेको छ । वैशाखको २५ गतेसम्मको लक डाउन अवधिभित्र राहतको निःशुल्क खाना खुवाउँदै आएको क्लबलाई वडाले थप जेठको ५ गतेसम्मका लागि खान खुवाउन अनुमति दिएको छ ।’
नदिपुर युनाइटेड क्लबका संस्थापक सचिव विकास पुनले अप्ठ्यारोमा परेकाहरुलाई निःशुल्क तैयारी खाना खुवाउन पाउँदा आफूहरुलाई सन्तुष्टि मिलेको बताए । पोखरा–३ वडा कार्यलयका कर्मचारी एवं स्थानीयवासी समेत रहेका पुनले निःशुल्क तैयारी खानाका लागि दैनिक २०/२५ हजार रुपैयाँसम्म खर्च भएको उल्लेख गरे ।
खाना व्यवस्थापनका लागि राजनीतिक दल, भातृ संगठनले समेत क्लबलाई सहयोग गर्दै आएको छ । मंगलबार नेपाली काँग्रेस कास्कीकी नेतृ शारदा पौडेल समेत खाना प्याकिङ गर्ने कार्यमा सक्रिय देखिन्थिन् । नेतृ पौडेलले क्लबले गरेको निःशुल्क खाना वितरणको कार्यलाई असल कार्यको संज्ञा दिइन् ।
‘क्लबले गरेको यो असल कार्य हो । नदिपुर युनाइटेड क्लबलाई म स्यालुट गर्दछु । क्लबले मानवीय संवेदनशील कार्य गरेको छ,’ नेतृ पौडेलले भनिन्, ‘सबैभन्दा पहिले भोको पेटलाई भर्नुपर्ने हुन्छ । तैयारी समेतको निःशुल्क खाना वितरण जस्तो कार्यलाई क्लबले निरन्तरता दिएको छ । यस्तो पुण्य कार्यलाई जस–जसले प्रसाद जसरी ग्रहण गर्नुभएको छ । ति आत्मसन्तुष्टि प्राप्त गरेको आत्माहरुले हामीहरुलाई यस्तो आशिर्वाद प्रदान गरुन् । ताकि, कोरोना भाइरसले हामी नेपालीहरुलाई कहिल्यै नछोओस ।’
Related News
सम्बन्धित समाचार
रोजगारी दिनेभन्दा खोज्ने कम : २ सय ४५ जनाले पाए रोजगारी
गण्डकी बोर्डिङका शिक्षकलाई तालिम
प्यान गण्डकीको प्रथम भेला : वामदेवको अध्यक्षतामा नयाँ कार्यसमिति गठन
एनटिभिएको शुभकामना आदानप्रदान
पोखरा १३ मा निशुल्क तालिम
hero news full width
मुख्य समाचार
मनिपालमा अत्याधुनिक एमआरआई मेसिन
१३ वटा मुद्दा चलेका एक युवा पोखराबाट अटोमेटिक पेस्तोलसहित पक्राउ
वैशाख १३, २०८१कतारी अमिर स्वेदश फिर्ता : पोखरा–कतार उडान माग
वैशाख १३, २०८१कास्कीमा एसइई उत्तरपुस्तिका परीक्षण रोकियो
वैशाख १२, २०८१गण्डकीमा डायलाइसिसका लागि अब पालो कुर्न नपर्ने
वैशाख १२, २०८१स्वदेश फर्किए कतारी अमिर
वैशाख १२, २०८१