कावासोती । देशभक्त जनगणतान्त्रिक मोर्चा नेपाल नवलपुरले आज एक विज्ञप्ति जारी गर्दै भारतीय पक्षबाट अतिक्रमण गरेको सम्पूर्ण भूमि फिर्ता गर्नका लागि यस मुद्दालाई अन्तर्राष्ट्रिय करण गर्न सरकारसँग माग गरेको छ ।

देजमो नवलपुरका अध्यक्ष पीताम्बर तिवारीद्वारा जारी विज्ञप्तिमा भारतीय विस्तारवादी शासकहरुद्वारा हाम्रो देश नेपालको कालापानी क्षेत्रको भूमि अक्रिमण गरी हाम्रो सार्वभौमिकता र भौगोलिक अखण्डतामाथि हस्तक्षेप गरिएको भन्दै भारतीय पक्षलाई नेपाली भूमीदेखिपछि हट्न चेतावनी दिइएको छ ।देशभक्त जनगणतान्त्रिक मोर्चा नेपालले नेपाल सरकारलाई यसबारेमा तत्कालै मनन गरी सीमा अतिक्रमणको बिषयलाई अन्तर्राष्ट्रियकरण गर्न सरकारसँग माग समेत गरेको छ ।त्यसैगरी भारतीय हस्तक्षेपका बिरुद प्रर्दशनमा उत्रिएका बिद्यार्थी र आम जनसमुदाय माथि प्रहरीद्वारा गरिएको हस्तक्षेपको समेत देजमो नवलपुरले विरोध गरेको छ ।

त्यसैगरी राजावादी निकट मानिने शाही युवा शक्ति पार्टी नवलपुरले आज कावासोतीमा भारतीय हस्तक्षेप विरुद्ध नाराबाजी सहित प्रर्दशन गरेका छन् ।उनीहरुले भारतीय सेना नेपाल छाड, नेपाल भारत सीमामा नेपाली सेना राख जस्ता नारा लगाएका थिए । कोरोना संक्रमणका कारण नेपाल भर लकडाउन भए पनि उनीहरुले लकडाउनको प्रभाव नगरी प्रदर्शन गरेका थिए ।कावासोतीको फलफूल चोकबाट शुरु भएको र्याली सभापति चोक हुँदै पुनः फलफूल चोकमा पुगेर कोण सभामा परिणत भएको थियो । कोण सभामा शाही युवा शक्ति पार्टी नवलपुरका अध्यक्ष राजेश मैनालीले बोलेका थिए ।