कपिलवस्तु जेठ ५ सम्म सिल

Avatar आदर्श समाज सम्वाददाता
वैशाख २९, २०७७
kapilvastu sil

बिक्रम खड्का-बुटवल । पछिल्लो समय कोरोना भाइरस (कोभिड–१९) को हटप्पट बनेको कपिलवस्तु जिल्लालाई जेठ ५ गते सम्म सिल गर्ने निर्णय गरिएको छ । संक्रमितहरुको संख्या बढ्दै गएपछि जिल्लालाई जेठ ५ सम्म सिल गर्ने निर्णय भएको कपिलवस्तुका प्रमुख जिल्ला अधिकारी दीर्घनारायण पौडेलले जानकारी दिए ।

जिल्ला सुरक्षा समिति वैठकले सोमबार साँझबाटै जिल्लालाई सिल गर्ने निर्णय गरेको हो । पछिल्लो समय भारतबाट लुकिछपी आउने क्रम बढेको छ भने सीमा नाकामा २१ सयभन्दा बढी नेपाली जम्मा भएका छन् ।भारतबाटै आएकाहरुमा कोरोना संक्रमण भेटिएपछि सुरक्षा समितिले जिल्लाका सबै नाका सिल गर्ने निर्णय गरेको हो । सोमबार मात्र यशोधरा गाउँपालिकामा ८ जना र बुद्धभूमि नगरपालिकामा २ गरी १० जना कोरोना संक्रमित भेटिए । जसका कारण थप सर्तकता अपनाउदै सिल गर्ने निर्णय भएको प्रमुख जिल्ला अधिकारी पौडेलको भनाई छ ।

पूर्वपश्चिम राजमार्गमा आवतजावत गर्ने अत्यावश्यक खाद्यान्नका मालवाहक, दुधका ट्यांकर, एम्बुलेन्स लगायतका साधनहरु भने नरोकिने प्रशासनले बताएको छ । स्थानीय प्रशासन ऐन २०२८ को ६(३) क र संक्रामक रोग ऐन दफा २० बमोजिम जिल्लाभित्र साधन सवारी, उद्योग, निर्माण कार्यमा पूर्ण रोक लगाइएको छ । तरकारी तथा खाद्यान्न किनमेलका लागि विहान ७ बजेदेखि ९ बजेसम्म समय छुट्याइएको छ । कपिलवस्तुमा सोमबारसम्म कोरोना संक्रमितको संख्या १५ पुगेको छ । जिल्लामा भारतबाट आएका दुई सय जनाको थ्रोट स्वाब संकलन गरिएको छ तर सबैको रिपोर्ट आउन बाँकी छ ।

कोभिड–१९ को संक्रमण पुष्टि भएका सबै लकडाउनको समयमा लुकिछिपी नेपाल प्रवेश गरेका थिए ।भारतले लकडाउन खुकुलो बनाएसँगै रोजगारीका लागि भारतमा रहेका नेपालीहरू स्वदेश आउने क्रम जारी छ । एक साताअघि भारतबाट आएका नौ सय ४३ जनालाई जिल्लाका १० वटा स्थानीय तहले बनाएको क्वारेन्टाइनमा राखिएको छ । क्वारेन्टाइनमा राखिएकामध्ये चार सय ४३ जनाको स्वाब संकलन गरिएको थियो । उनीहरूमध्ये दुई सय ४४ जनाको रिर्पोट आउदा १५ जनामा कोरोना संक्रमण पुष्टि भएको हो । अब एक सय ९९ जनाको रिर्पोट आउन बाँकी छ ।

Related News

सम्बन्धित समाचार

    • कांग्रेसमा क्रियाशील सदस्यताको म्याद पुनः थप

      Avatar आदर्श समाज सम्वाददाता वैशाख ७, २०७८
      काठमाडाैं ।  नेपाली कांग्रेसले आसन्न १४औँ महाधिवेशनको सन्दर्भमा पार्टीको क्रियाशील सदस्यताको विवरण केन्द्रमा बुझाउने समयावधि पुनःथप गरेको छ । जिल्ला…
    • अन्नपूर्ण हिमालमा एकै दिन ६७ आरोही 

      Avatar आदर्श समाज सम्वाददाता वैशाख ७, २०७८
      गलेश्वर । यस वर्षको पहिलो वसन्तयाममा किलर माउण्टेनको रूपमा परिचित विश्वको दशौँ अग्लो अन्नपूर्ण (प्रथम) हिमालको वैशाख ३ गते शुक्रबार…
    • गिर्ला कि टिक्ला गण्डकीमा गुरुङ सरकार ?

      prakash dhakal प्रकाश ढकाल वैशाख ७, २०७८
      पोखरा । सरकार गिराउने कसरत गरिरहेका प्रतिपक्षी ३ दलले आग्रह गरेपछि प्रदेश प्रमुख अमिक शेरचनले विशेष अधिवेशन डाकेका छन् ।…
    • पोखरा स्पार्टस् अवार्डमा वर्ष उत्कृष्ट खेलाडी को ?

      Bijay Nepal विजय नेपाल वैशाख ७, २०७८
      पोखर। नेपाल खेलकुद पत्रकार मञ्च गण्डकीको पाँचौ पोखरा स्पार्टस् अवार्ड–२०७६÷७७ को वर्ष उत्कृष्ट खेलाडी (पुरुष) विधामा ३ खेलाडी मनोयनमा परेका छन्…
    • मनकामनाजस्तै स्याङ्जा राम्चेकी शीतलादेवी

      Avatar आदर्श समाज सम्वाददाता वैशाख ७, २०७८
      पोखरा। स्याङ्जाको फेदीखोला गाउँपालिका वडा ४, राम्चेस्थित शीतलादेवी गोरखा मनकामना जस्तै शक्तिशाली छन् भन्ने गहिरो विश्वास स्थानीयको छ । स्थानीयमात्र…

    hero news full width

    sanil ads

    wordlink ads