Worldlink ads

जातीय विभेदको विरुद्धमा विश्व हिन्दु महासंघः ‘यो कु–संस्कार हो’

आदर्श समाज सम्वाददाता
वैशाख २९, २०७७
Top-Hindu-God-1024×675

पोखरा, २९ बैशाख । विश्व हिन्दु महासंघ नेपालले पोखरा १६ लामाचौरमा भएको जातीय विभेदसम्बन्धी घटनाको भत्र्सना गरेको छ । हिन्दु रितिरिवाज र सँस्कृतिको नाममा हुने कुनैपनि जातीय विभेद सम्बन्धी घटना महासंघका लागि अमान्य हुने उसले बताएको छ ।

महासंघ कास्कीका अध्यक्ष पार्वता पौडेल र महासचिव कमल पौडेलद्वारा संयुक्त रुपमा जारी प्रेस विज्ञप्तीमार्फत संस्थाले जातीय विभेद गर्नु शास्त्र विपरित कार्य भएको र कानुनको हिसाबले पनि दण्डनीय रहेको बताएको छ। ‘सनातन धर्मको मुलग्रन्थ बेद, गीता तथा उपनिषद्मा कहिँ पनि उल्लेखख नभएको जातीयताको विषयलाई लिएर समाजमा अमानवीय घटना घटिरहेका छन् ।’ प्रेस विज्ञप्तिमा भनिएको छ–‘यो कुसंस्कार हो । र, यस्तै कुसंस्कारका कारण सनातन धर्ममाथि प्रहार भैरहेको छ । जातिय सद्भाव खलबलिएको छ ।’

विज्ञप्ति मार्फत महासंघ जातीय विभेदको स्पष्ट रुपमा विपक्षमा रहेको उल्लेख गरेको छ । साथै महासंघले हरेक जातीयले सार्वजनिक स्थलको निर्विवाद प्रयोग गर्न पाउने अधिकारको पनि स्पष्ट कानुनी व्यवस्था हुनुपर्ने माग गरेको छ ।साथै प्रदेश सांसद माननीय कृष्णबहादुर थापाले जारी गरेको प्रेस विज्ञप्ति प्रति लक्षित गर्दै महासंघले जातीय सद्भाव र भाइचारा सम्बन्ध कायम राख्न संयमता अपनाउन आग्रह गरेको छ । ‘न्यायिक छानबिनको क्रममा रहेको घटनालाई निष्पक्ष छानविन हुने वातावरण होस् र कसैबाट प्रभावमा परेर छानविनलाई तोडमोड गर्ने काम नहोस् भन्ने कुरामा हामी विशेष जोड दिन चाहन्छौँ ।’ संस्थाका महासचिव कमल पौडेलले भने ।

समाजमा घट्ने यस्तै जातिय विभेदका घटना र केही सद्भाव खलबलाउने नियत भएका व्यक्ति अनि संस्थाकै कारणले नेपालमा धर्मान्तरणको समस्या बढ्दै गएको महासंघको दाबी छ । साथै महासंघले यस्ता घटनालाई रितिरिवाज र संस्कारको नाम दिएर धर्मलाई दूषित नबनाउन पनि आग्रह गरेको छ ।

Related News

सम्बन्धित समाचार

    • ऐतिहासिक रामलीला मञ्चन कोरोनाले रोकियो

      आदर्श समाज संवाददाता भाद्र २०, २०७८
      राँझा । नेपालगञ्जको रामलीला मैदानमा १५२ वर्षदेखि निरन्तर प्रत्येक वर्ष हुँदै आएको रामलीला मञ्चन यस वर्ष पनि रोकिने भएको छ ।…
    • श्रीकृष्णाष्टमीमा अभिनन्दन

      आदर्श समाज सम्वाददाता भाद्र १६, २०७८
      पोखरा । श्रीकृष्णष्टमीका अवसरमा भक्ति पथ फाउन्डेसन तथा विश्वहिन्दु महासंघ नेपाल कास्की समितिको आयोजनामा श्रीकृष्ण जन्मोत्सव तथा अभिनन्दन कार्यक्रम केदारेश्वरमणि…
    • तीजलाई घरमै सीमित बनाइने

      रासस भाद्र ११, २०७८
      गलकोट । बागलुङमा लामो समयदेखि जारी निषेधाज्ञा खुकुलो बनाइएको छ । निषेधाज्ञा खुकुलो बनाइए पनि आउँदै गरेका चाडपर्व मनाउन भने…
    • गाईजात्राः मौलिक पर्व

      के.वी. मसाल भाद्र ८, २०७८
      नेपालमा अहिले पर्यटनको क्षेत्र फराकिलो हुँदै गएको छ । पर्यटन नै अब आर्थिक, सामाजिक, सांस्कृतिक र प्राकृतिक महत्वका लागि आधार…
    • वेलघारी शिवहरि मन्दिर सन्चालक समितिमा पौडेल

      आदर्श समाज सम्वाददाता भाद्र ३, २०७८
      वेलघारी शिवहरि मन्दिर सन्चालन समितिको अध्यक्षमा हरिप्रसाद पौडेल निर्वाचित भएका छन् । यसैगरी समितिको उपाध्यक्षमा कृष्ण कुमारी महत, सचिवमा शिवराज…

    hero news full width

    Jewellery

    sanil ads

    wordlink ads