Worldlink ads

गोरखा अस्पताललाई इन्जिनियर संगठनद्वारा हात धुने मेसिन प्रदान

आदर्श समाज सम्वाददाता
वैशाख २९, २०७७
pic 1 (1)

गोरखा, २९ बैशाख । प्रगतिशील इन्जिनियर संगठन नेपाल (पिन) गोरखा र नेपाल इन्जिनियर एशोसियसन (एनइए) ले सोमवार एक कार्यक्रमका बीच गोरखा जिल्ला अस्पताललाई खुट्टाको प्रयोग गरेर हात धुन मेसिन प्रदान गरेको छ ।

कार्यक्रमका प्रमुख अतिथि नेपाल कम्युनिष्ट पार्टीका केन्द्रीय सदस्य एवं गोरखा जिल्ला इञ्चार्ज कृष्ण धितालले गण्डकी प्रदेशका इन्जिनियरहरुको यो प्रविधिलाई सबैतिर प्रयोगमा ल्याइ सजिलै हात धुने सुविधा लिन आग्रह गरे । अस्पतालको इर्मरजेन्सी वार्ड अगाडि राखिएको उक्त मेसिनमा बायाँ गोडाले थिच्दा सेम्पु र दाया गोडाले थिच्दा पानी निस्कन्छ । गोडाको प्रयोग गरि सजिलै हात धुन सकिन्छ ।

एनइएका गण्डकी प्रदेश अध्यक्ष विकास वाग्लेका अनुसार पिनले प्रदेशका प्रत्येक जिल्लामा सेवामुलक कार्य गर्दै आइरहेको छ । तनहुँमा रक्त संकलन, स्याङ्जा, लमजुङ जिल्लामा मेसिन हस्तान्तरण गरिएको उनले बताए । प्रदेश भित्र रहेका इन्जिनियरहरुसँग केही सहयोग लिएर प्रविधि हस्तान्तरण गरेको उनको भनाई थियो । दुईसय लिटरको पानी ट्यांकी राखेर हातधुने यन्त्र बनाउँदा ३० हजार खर्च भएको प्रदेश सदस्य साधुराम लामिछानेले बताए ।

हातधुुने मेसिनसँगै इन्जिनियरहरुले ३० हजार मुल्य बराबरको स्वास्थ्य सामग्री समेत आजै अस्पताललाई हस्तान्तरण गरेका छन् । कार्यक्रममा अस्पताल विकास समितिका अध्यक्ष, सदस्यहरु, मेडिकल सुपरिटेन्डेन्ट, अस्पतालका डाक्टर लगायतको सहभागिता रहेको थियो । गोरखा अस्पताल विकास समितिका अध्यक्ष पुरुषोत्तम अर्यालले यो प्रविधि सबै विद्यालय, स्वास्थ्य चौकी, सरकारी कार्यालयहरुमा पुर्याउनुपर्ने बताए ।

Related News

सम्बन्धित समाचार

    • पोखराको बजेट खर्च ६६ प्रतिशत

      रासस असाेज १, २०७८
      गण्डकी । पोखरा महानगरपालिकाले गत आर्थिक वर्षमा ६६ प्रतिशत बजेट खर्च गरेको छ । कोरोना महामारीका कारण विकासका काम ठप्प…
    • बतास फाउन्डेसनलाई सहयोग

      आदर्श समाज सम्वाददाता असाेज १, २०७८
      पोखरा । तमु परिवार न्युयोर्क इन्कले बतास फाउन्डेसनलाई ५ लाख २० हजार सहयोग गरेको छ । पश्चिमाञ्चल क्षेत्रीय अस्पतालमा बृहत्…
    • पैरावन गाउँ लायन्स नमुना उद्यमी गाउँ

      आदर्श समाज सम्वाददाता असाेज १, २०७८
      पोखरा, ३१ भदौ । लायन्स अन्तर्राष्ट्रिय डिष्ट्रिक्ट ३२५ बि १ नेपालको यस वर्षको लायन्स नमुना उद्यमी गाउँ बनाउने अभियानअन्तर्गत बुधबार…
    • मानवअधिकार सवालमा सरकार प्रतिबद्ध : मुख्यमन्त्री पोखरेल

      आदर्श समाज सम्वाददाता असाेज १, २०७८
      पोखरा । गण्डकी प्रदेशका मुख्यमन्त्री कृष्णचन्द्र नेपाली पोखरेलले मानवअधिकारको संरक्षणमा प्रदेश सरकार प्रतिबद्ध रहेको बताएका छन् । अनौपचारिक क्षेत्र सेवा…
    • वक्तृत्वकला प्रतियोगितामा समिति प्रथम

      आदर्श समाज सम्वाददाता असाेज १, २०७८
      हेमजा । माछापुच्छ्रे गाउँपालिकाले बाल दिवस अवसरमा अन्तरमाविस्तरीय वक्तृत्वकला प्रतियोगिता गरेको छ । प्रतियोगितामा निष्पक्ष माविकी समिति बरालले प्रथम स्थान…

    hero news full width

    Jewellery

    sanil ads

    wordlink ads